من الرياض لبنات الكويت ابي وصف ومخطط منكن لرحلتنا ياليت ماتقصرون معاي ,..!

[توته توته ..]

بسم الله الرحمن الرحيم

اهلا فيكن يا اخوااتي بنزور الكويت قريب باذنه تعالى وياليت توضحون لي بعض الامور منها

ابي خط سير من الرياض للكويت واهم نقطه طريق يكون امن ومامن

هل الكويت والبحرين لابد من تبديل العمله ام نحاسب بعملة السعوديه

وابي خطه لرحلتنا لان احتمال مدة الرحله حوالي 8 او 9 ايام

ابي ازور فيها البحرين والكويت واذا فيه وقت دبي

كم تبعد دبي عن الكويت

وكم تبعد البحرين عن الكويت

ومن ابداء الرحله من الرياض الشرقيه البحرين الكويت

ام الرياض الكويت البحريت دبي

ابي وصف دقيق لطريق علشان مانتوه ونضيع

ترى اول زياره لي للخليج وابي منكن المساعده واعرفكن ماتقصرن وبنات رجال

والرحله مقتصره على اسرتي فقط زوجي وبناتى ياليت تعطونى وصف لطريق الامن

انتظر ردكم يالغاليات ​

 

[جننها السعودي ]]

الطريق ذا هو الاطول تقريباً من الطرق الثاني بس افضلهم
الرياض ـ المجمعة ـ الأرطاوية ـ حفر الباطن ـ الرقعي ـ الكويت طريق سريع حتى حفر الباطن ومن الحفر إلى الرقعي سايد واحد .
بعدها من الكويت تروحون للدمام ومن الدمام للبحرين
او انكم تسلكون طريق الرياض - الدمام - الخفجي - الكويت
الطريق تمام وآمن بس ع اخر روحة كان طريق في الطريق اللي يودي للخفجي متعرج بس الانوار فيه اوكى
اهم شيء بس لاتسرعون وخلاص ..
المهم ممكن من الرياض للدمام تروحون البحرين بعدها من الخبر الى الجبيل ومن الجبيل الى الخفجي والى الكويت
ودبي الافضل تطلعين لها من الشرقية اقرب ~ احنا تقريباً 6 - 7 ساعات
بس من الكويت لدبي اظن شيء 13 - 14 ساعة
الطرق اغلب اللي ذكرتها واضحة وان شاء الله باقي العضوات يسساعدونك افضل
سهالة ان شاء الله

 

[cheese cake]

هلاوغلا وحيااااااااااااااااج بديرتج الثانيه الكويت
اول شي لازم اتعاملين بالعمله الكويتيه فقط لاغير
والمجمعات عندنا واجد: الافنيوز- الفنار -سوق شرق-الكوت حيل حلو بالفحيحيل-المنشر-كويت ماجيك-مارينا مول-360
وفي مجمعات حيل حلوة
ولاتنسين اتجربين الاكل الكويتي في مطعم فريج صويلح بالسالميه

والله يحفظكم بسفركم يارب

 

[هجووورة]

اااااااااااه يالرياض اااااااااه يالرياض والله تغيرتي للاجمل تغيرتي
هذي الاغنيه اتذكرها من ايام الغزو الله لااااااااااااا يعيده يوم سكنا حي سلطانه
يا هلااااا ومرحبا بأهل الرياض الغاليه علينا والله الله يحيييكم في بلدكم وبين اهلكم
شوفي ياعمري انا ما اعرف بالطرق البريه بس اذا تبي تدشون الكويت من منفذ الخفجي رااح تصيرون في الفحيحيل بعد ساعة او اقل ريحوااااا فيها تراها منطقه حلوة فيها اسواق راااااائعة شقول عندج المنشر- الكوت - كويت ماجيك-عندج بازار تحصلين فيه شغلات رخيصه وعمليه فيه شقق مفروشه وسمعت ان عمارات سوق الصباح بالفحيحيل بعد فيها شقق مفروشه بس ما عرف عنها شي مطاعمها حلوه عندج مهراني-قيصرمغل محلو وبعضهم يوصل للشقة
واذا بغيتوا الديرة فيها مجمعات رااااااااااائعه مثل الافينيوز- 360- المارينا- سوق شرق-النقرة الشمالي والجنوبي-شوق المباركيه -السالميه وفيها مطعم فريج صويلح اكل كويتي
واي استفسار حاضرة

 

[black_arno0oBa]

:hjy5jewf:حياج الله بديرتج الثانيه الكويت والكويت وايد اماكن فيها حلوه لازم تروحين سوق الديره هذا سوق مشهور عندنا ينقال له سوق المباركيه وكل شيء تحصلين فيه دراريع وذهب واهوا سوق شعبي قديم بس فيه متعه التسوووق يذكرنا بتراثنا القديم والقهواي الي فيه واكو مجمع اسمه الافنيوز مثل ما قالوا لج البنات هذا اكبر مجمع عندنا وايد كبير وفيه محلات وايد وعندنا صاله التزلج ومدينه الكويت الترفيهه مدينه ملاهي حلوه واكو حديقه الشعب الترفيهه اذا معاج اطفال ومراهقين راح تستانسون وعندنا شارع مشهور كله مطاعم وينقال له شارع المطاعم واي استفسار احنا حاظرين وبالشووووفه:wqedqw: