من الـ 70 ـنات إلى الـ 60 ـينات ... اللي بتشارك حياها

[~أغلى الغاليات~]

اليوم وزنت ووزني ثابت ما تحرك ..71.8 ..شكله بيطلع الكيلو اللي نزلته من عيوني ..:eh_s(16)::eh_s(11):

 

[~أغلى الغاليات~]

باجر الميزان بنات لا تنسون

جهزت الاكسل شيت عشان نحتفل بإنجازاتنا باجر ان شالله

كلامج جا على الجرح هالاسبوع ما نزلت شي كلش :eh_s(2):

 

[$كشوخه$]

اليوم وزنت وطلع وزني 61،8 .. يعني زدت 300 قرام ع الاسبوع اللي طاف .. اتوقع زاد لاني حرمت نفسي مره وحده من النشويات وبعدها قعدت آكلهم لمده 3 ايام ورى بعض ..

بس الحمدالله راضيه ع النتيجه صج كنت اتوقع انزل اكثر ع الحرمان اللي عايشه فيه والالتزام بس هم الحمدالله ما زاد وزني ع ال 61 :eh_s(17):

يلا ماراح اكون طماعه للاسبوع الجاي واقول ابي اوصل 59 .. هدفي اوصل ال 60 الحين :eh_s(17):

 

[$كشوخه$]

أغلى الغاليات

معليه حبيبتي مو شرط الارقام بالميزان تبين تغيير وزنج .. يمكن مقاساتج قلت ما تدرين

اخذي لج يوم فري وبعدها ردي كملي ريجيمج وان شاء الله تنزلين اكثر يارب :eh_s(15):

خلي ببالج ان الكيلوات اللي جمعناها لسنين طويله مو بسهوله تروح بكم شهر فا لازم نلتزم وما نتهاون

 

[بـ سـ كـ وتـ ة]

كشوخه

آنا أضحك جني ياهل لا جاي ولا قهوة إلا ما ندر ما أحبهم

التمر أحبه مع اللبن ومو دايما

الكشمش آكله موجود عندي في الدرج بس ما أنقعه مع إن أسهل امتصاصه

لأ آكله وأشرب وراه ماي وايد ههههه

شطورة ... أحس الميزان زاد التزامنا ... أول كنت أقول ما عليه أخربط الحين وباجي اليوم ألتزم

الحين أفكر أقول لا باجر الميزان مابي شي يأثر عالنتيجة

أغلى الغاليات

ما عليه حبيبتي الوزن اتييله فترات يثبت بعدين يفاجئج بنزول قوي

وبعدين عشان يصير balance الأسبوع اللي طاف انتي نزلتي وآنا ثابت

هالأسبوع آنا نزلت وانتي ثابت هههه

لا اتحبطين انتي ماشية صح وبتشوفين نتيجة ان شالله

 

[بـ سـ كـ وتـ ة]

كشوخه

مثل ما قلتي شكله وزنج زاد من النشويات

هذا عيب الرجيمات اللي تقطع نوع معين من الأكل

بس أتوقع أول ما تردين تخففين وتبدين رياضة حتى لو 10 دقايق في اليوم راح تبدا الأرقام تتغير

وانتي اسم الله عليج مثابرة ما تحتاجين نصيحتي

 

[بـ سـ كـ وتـ ة]

نتايج هالأسبوع

صج ما نزلت إلا 800 جرام بس الحمدلله كسرت الـ 75

مستانسة وايد

والحمدلله يا بنات سمعنا الخبر اللي كنا ناطرينه

وهذا جدول المتابعة خلوه حافز لنا مو مصدر للإحباط أبدًا

 

[$كشوخه$]

بسكوته

ما شاء الله واخيراً كسرتي حاجز ال 75 .. يلا هاانت صرتي في بدايه السبعينات :ggdw:

انا ما التزم بالرياضه لان بروحي كسوله ووقت الشتا كسلي يزيد وفوق هذا كله انشغالي يخليني اتكيسل زياده فا الرياضه الوحيده اللي اسويها هي الرقص تقريباً بشكل يومي ع الاقل ابذل مجهود ولو قليل .. بعد الامتحانات ان شاء الله ناويه التزم بالرياضه بشكل يووومي

انا الحين قاعده اخفف قد ما آقدر لان ادري بفترة الامتحانات بخورها بس ان شاء الله التزم وآخذ لي بدائل صحيه بدال اللخبطه اللي بسويها

انا اصعب نزول لي يكون من الستين للخمسين احس وزني يعاندني بهالفتره ما يبيني اروح للخمسين بس انا مناضله يا انا يا هوو

بسكووته خلي هدفي من 57 ل 55 اذا ما عليج امر .. :eh_s(17):

استمتعوووا باليوم الفررري يالغاليات :ggdw::eh_s(17):

 

[آلعنـود]

ببنننآآآآتتت زززددتت كيلويينننن !!!
آآخخ صددممه قلبي انصدمتهآآآ اليوم !!!

تخيلوو كآآن عندي تقديمين اليوم في الجآآمعه ومريت على الميزآآن وقلت صحح اليوم يوم القيآآس ويوم قستت انصدمت وجآآآن تعككررر المود وتضآيقتتت بس استآههل بصرآآحه وآآجد مرخيه عشآآن الامتحآآنآت !
وآلحمدلله قدمت اوك توقعت اقدم زفت منن هالوزن الززففتتت !

يلآآآ ماعليه ماعليه هيينن يآآذآآ الججسسمم برويكك صنع الله لاخلصت امتحانات وبسنعك تسنع

آآخ كشوخه يوم شفتس كاتبه استمتعو باليوم الفري حسيت بذنب يعني شين وقو عين واخذ يوم فري بعد يآسلآآآم =))
اني وآآي انا فاكه فاكه لعقب هالامتحانات بخلص نص وآآحد آن شآآءالله

 

[ام عزيز 4]

صباح الخير بنات << :eh_s(17):


ابي اشارك معاكم باجر اوزن واقولكم وزني

 

[$كشوخه$]

العنود ..

لازم تقيسين وزنج الصبح ع بطن خالي عشان النتيجه تكون اضبط
عالعموم انتي حاولي بهالفتره ماتاكلين آكل مطاعم وايد حتى لو عندج امتحانات اكلي من اكل البيت
وبدال الككاو والبطاط اكلي فواكه .. خلي احد يجهزلج فواكه مقطعه وقت الدراسه تسليج وتسد جوعج
وانتي تدرسين خلي قدامج بطل ماي .. جآي آحمر بالنعناع بدون سكر وهالاشياء يعني تكون بين الوجبات الرئيسيه ..

آم عزيز ..

حياج الله حبيبتي المكان مكانج
بس قوليلنا وزنج وابدي معانا :eh_s(7):

 

[$كشوخه$]

آنا آمس خذيت وجبه فري بس عن العين والنفس

تريقت كورنفلكس بالككاو مع حليب خالي الدسم

وبعدين شربت حليب الصويا + كم قطعه من جبنة شيدر

واما الوجبه الفري كانت برقر دجاج مشوي + بطاط + جوانح دجاج + ربع البيبسي ما كثرت

وبس الحمدالله

 

[آلعنـود]

أم عزيز

آرححبي وحيآآس الله ويآآنآ ويآآرب تضعفين ونضعف ويآآآس

كشوخه

قستت والله قست على بطني بس للآسف الحقيقه مره ومؤلمه لآآزم نتحملهآآ غصبن عنآآ !
وههاه بشري كشوخه نزلتي ؟

 

[بـ سـ كـ وتـ ة]

العنود ما عليه حبيبتي

شدي حيلح هالأسبوع وان شالله الخميس الياي تكونين أكثر وحدة نازل وزنها

آنا شابكة من الايباد ما راح أقدر أضيف وزنج الحين عالجدول

كشوخة

زين تسوين، والحلو إنج حتى في الوجبة المفتوحة ما خربطتي أكلج معقول

عليج بالعافية

أم عزيز

حياج الله شاركينا عشان نحمس بعض

 

[بـ سـ كـ وتـ ة]

كشوخة

مرات أحد يقولج شي بديهي بس لما ينقال تنتبهين له ويأثر فيج

لما قلتي لي إني صرت في بداية السبعينات ابتسامتي صارت نص ويهي والحين حاطة كلامج في بالي وبخليه دافع لي إني أشد حيلي أكثر

 

[$كشوخه$]

العنود

لا زدت 400 قرام بس الحمدالله

بسكووته ..

يا بختي والله اسعدتج من قدي :eh_s(9):

اي والله خففي نشويات وان شاء الله نشوفج نازله اكثر

انا لاحظت هالاسبوع التزمتي اكثر وما شاء الله نزولج كان اكثرر

 

[$كشوخه$]

يومي

تريقت متأخر بيضتين مسلوقه + جبنه شيدر + حليب الصويا
وبطل ماي

وتعشيت قطع دجاج صغيره اتوقع كانوا يا 4 او 5 مع صوص .. والحين قاعده اشرب مااي بعده

والحمدالله :eh_s(17):

 

[$كشوخه$]

وينكم بنات مالكم حس ؟
،،

يومي اليوم شوي خربطت فيه :eh_s(1):

تريقت توست اسمر بموزريلا وصلصة البستو + جاي احمر بدون سكر

سناك سلطه فواكه + توفي نت لاتبيه من ستاربكس بس ماكملته كله

تعشيت باستا

والحين قاعده اشرب جاي اخضر بالنعناع ارقع اللي سويته اليوم .. واصلا اليوم مشيت وايد

والحمدالله :eh_s(17):

 

[$كشوخه$]

اليوم تريقت كورنفلكس مع حليب خالي

والسناك كان موزه

تغديت 4 او 5 ملاعق باستا

سناك حليب الصويا بالجوكلت

العشا سلطه تونا وصلصه السلطه كانت (ليمون+زيت زيتون+ ملح + فلفل + بقدونس مجفف + اعشاب مجففه + سماق)

ولو اني مو من عشاق التونا بس حلو الواحد ينوع بالاكل الصحي

والحمدالله :eh_s(17):

 

[$كشوخه$]

بنات حبيت افيدكم بمعلومه قريت عنها وبعدها بديت ابحث عنها عشان استفيد اكثر ..
سمعت ان عشان نضعف لازم اكلنا يكون غني بالالياف .. لانه يساعد في الهضم
واصلا يشبببع لمدده طوييله !

اول عنصر مهم هو النخاله
القرنبيط والبروكلي
ملفوف
التوت
الخضار الورقيه ( الخس والسبانخ والخ )
كرفس
قرع
فاصوليا
مشروم
البرتقال
البطاط المشوي
التمر
الفواكه ( المشمش، الجوافه ، الكيوي ، التفاح ، فراوله)
البرغل
منتجات القمح الكامل من النشويات مثل العيش الاسمر والخبز الاسمر و المعكرونه السمرا
الشوفان

وطبعا اكيد اللسته تطوول اكثر واكثر بس اخترت اهم الاشياء

ان شاد الله فدتكم ولو بالقليل .. دعواتكم لي بالتوفيق والنجاح بالامتحانات بنات :eh_s(7):