من الـ 70 ـنات إلى الـ 60 ـينات ... اللي بتشارك حياها

[MRS.coupe]

انا اقصى وزن وصلته 85
و سجلت دايت كير
بشهر نزلت 5 كيلوات
كنت اقدر اكثر
كنت اخربط وايد واحر الشهر ماا التزمت بالرياضة
بس وايد حلو نظامهم
اللحين حاطة فبالي هدف
75 باسبوعين وجم يوم و بسوي يوميات قريب
الله يوفقكم بنات

 

[بـ سـ كـ وتـ ة]

MRS.coupe

زين سويتي لحقتي على عمرج

وان شالله توصلين الوزن اللي تبينه قريب

اليوم قست وزني 79.9

تريقت ربع بيتزا وفطيرة جبن وعصير تفاح

والحين بتريق ريوق ثاني ههههه

حليب وكورن فليكس

يبيلي روحة الجمعية عشان أييب معاي فواكه بدال هالخرابيط

 

[بـ سـ كـ وتـ ة]

مساء الخير

وينكم يا ينوتات ولهت عليكم

أمس تريقت فطيرة جبن

وتغديت صمونة دياي وشيدار بالخضار

وشربت عصير تفاح

وعصير أناناس

والعشا كوردون بلو وبطاط من هارديز

أبدا مو صحي ... مسكين هالبيبي

بس والله ما قمت أعرف شنو آكل والمطاعم اللي أكلها صحي وايد غالية

الحمدلله على كل حال

 

[بـ سـ كـ وتـ ة]

مساء الخير

عسى المانع خير يا رب

الله يردكم بالسلامة وأطمن عليكم

بناااااااات ... آنا صايرة آفة

كثر ما آكل ما أشبع

اليوم تريقت ريوق أول توست ومربى مع عصير برتقال

الساعة 10 رديت يعت كليت صمونة توست ومحمرة

الساعة 11:45 حتى ما صارت 12 رديت يعت وبطني يطلع أصوات يعني مو يوع الخفيف

ورديت كليت صمونة توست ومحمرة

ليلحين ماكلة 6 حبات توست!!!

والحين مجابلة الماي قاعدة أحاول أترس بطني لأن حتى أكلي خلص ههههه

أشوة درجي فيه فستق وتمر حق العصر بس بحاول ما آكل شي غيرهم لأني بدعت الصراحة

ما شفت وزني وخايفة أشوفه وأنصدم

 

[شوقه.]

السلام عليكم ورحمة الله وبركاته

وحششتونيي :")
انقطعت عنكم فتره وبنقطع برضه فتره عشان اختبارات الفاينل قربت
احس اني خسيت ملابسي كنها بدت تتوسع
اتخيلوا الميزان الي عندي خرب لي فتره ماقست
يقولكم المكسرات -مب اللي يجي فيها ملح لا- تخفف الوزن ! بنسبه ٣٣٪
ولي اسبوع طايحه اكل فيها
المهم تصبحون على خير ❤

 

[بـ سـ كـ وتـ ة]

شوقه. هلا فيج حبيبتي

وناسة حلو الشعور لما ملابسج تصير وسيعة فجأة

المكسرات مفيدة بس تتقدين بـ 15 حبة أو مقدار قبضة يد

لأن زيادتها تعطي نتائج عكسية



تكملة يومي أمس

أمس كان يوم عبارة عن يوع في يوع

طول الوقت يوعانة

العصر رديت يعت وايد وحسيت إن تمر وفستق ما ينفعون

جان أسوي لي جاي وحليب مع 5 قطع شابورة :eh_s(16):

بدعت بالنشويات أمس وما عندي أكل مفيد

بعدين رديت البيت نظفت ورتبت لمدة ساعتين تقريبا عقبها تعشيت بطاطة مخبوزة وصمونة ستيك

الشي الوحيد اللي كان زين أمس إني شربت أكثر من لتر ونص ماي الحمدلله

 

[Melo]

السلاااااااام عليكم و رحمه الله
شلونكم بنات شخباركم
مشتاقه لكم و ابي ارجع ان شاء الله بقوه بعد الامتحانات

ونااااسه انكم ملتزمات و مو قاطعين القروب صح مافي ضغط و تواجد قوي بس متواجدين
الله يعطيكم الصحه و العافيه يارب و يوفقكم

الميزان عندي خلصت بطاريته من اسبوع و لا رحت شريت ان شاء الله بروح يوم الجمعه ان الله اراد
الاسبوع اللي فات يوم قست كان ٩٣ ما ادري شفيه الحبيب يا يتنح يا يصعد
الحركه شبه معدومه مع الامتحانات
و اغلب اكلي صاير بسكوت دايجستف العادي او اللايت ادري مبدعه بس هذا اسرع و اسهل شي
طبعا بجانب وجبه وحده دسمه نوعا ما لان الدايجسيتف ما يشبع
ما زلت اكل ما بين ال ١٣٠٠-١٥٠٠ سعره
انا جسمي يحتاج ٢٣٠٠ سعره فطارحه منه ١٠٠٠
بس ما ادري شنو سالفته مو قاعد ينزل
و الدوره هم متاخره علي و بطني منتتتتتفخ ما يكفي انتفاخه الاساسي

و خاااااطري ببيتزا و بيرجر
ان شاء الله باكلهم لي خلصت امتحانات عشان اتلذذ فيهم عدل و استمتع
و لي رجعت الكويت بحاول اشترك بنادي اذا اهلي وافقو
عطوني رايكم بالنوادي الزينه و الرخيصه و ما ابي شي غالي خبركم طالبه و استحي اخذ من اهلي شي بصراحه


دعوااااتكم يا بنات معانا
ان شاء الله الجمعه او السبت ارجع ادخل و اكتب وزني و يبدى الالتزام العدل و الرياضه اليوميه

 

[حظ من عنده انا]

اليوم ريوقي كان عصير اناناس

والغدا كليت عيش شوي مع روب

والحين جوعانه باكل شابوره ��

 

[بـ سـ كـ وتـ ة]

Melo

هلا غلا وآنا بعد اشتقت لكم كلكم والله

موفقة بامتحاناتج

أتوقع سبب ثبات وزنج الحرمان ... ما دام جسمج يحتاج 2300 يعني إذا بتخففين حدج تخففين 500 جرام

جسمج دش مرحلة التجويع starvation mode وصار ما يحرق

لحقي على نفسج وزيدي الكالوريز وحاولي إن تكون من مصادر صحية

ترى الـ empty calories يبطئون عملية النزول وايد

وإذا انتي بروحج بالسكن اخذي ستيكي نوتس وكتبي عليهم هدفج ووزعيهم في شقتج بكل مكان اطيح عينج عليه

وراح توصلين ان شالله ... جربت هالطريقة بس الحين استحي من ريلي بيقول شالهبلة اللي ابتلشت فيها ههههه

كنت حتى حاطة الباسوورد مال جهازي ومال أغلب المواقع آخره 70 لأنه كان هدفي الأول وبديت أنزل وأنزل وبكل سهولة الحمدلله

 

[بـ سـ كـ وتـ ة]

نسيت أصبح عليكم صباح الخير

أمس تريقت 3 جباتي مع عدس هندي وجبن كرافت وكوب شاي وحليب

تغدينا متأخر غدا وعشا

قطعة وحدة عرايس

ويمكن 3 أو 4 قطع شيش طاووق

وخبزة وحدة وبطاط وكتشب حبيب قلبي

وللأسف اشتهيت بيبسي وشربته وقلت حق ريلي هذا ما يدش البيت مرة ثانية خخخخ




اليوم تريقت قطعة بيتزا

وعصير برتقال

 

[شمعة مزاجيه]

كيفكم انا اليوم تريقت 2توست وحبه جبنة كيري وكوب عصير توت

 

[بـ سـ كـ وتـ ة]

هلا فيج شمعة

احنا تمام انتي اشلونج

عليج بالعافية حبيبتي

آنا اليوم من الأيام اللي أقوم من النوم يوعانة وايد

لاحظت هالحالة ما تحوشني إلا بين فترة وفترة وبصراحة بحكم ضغط الشغل مضطرة آكل

أحس في هالأيام حرقي يكون سريع لأني أحس بيوع صج مو قاعدة آكل من الملل

والحمدلله مو قاعد يأثر على وزني

اليوم تريقت ريوق أول شريحة بيتزا

بس اللي آخذها شريحة مثلثة

مع عصير برتقال


الريوق الثاني

صمونة جبن مع كوب شاي وحليب

والحين قاعدة أتغدى

قوطي روب ملكي

7 تمرات

15 حبة لوز

واليوم خذيت كوب كالسيوم فوار

حق العصر إذا يعت بالدوام يايبة معاي فواكه الحمدلله

عنب وعرموط وخوخ الكعك صغار وتفاحة

أكيد ما راح آكلهم كلهم بس اللي يبقى بخليه حق باجر

 

[بـ سـ كـ وتـ ة]

عندي طاسة سلطة بثلاجة الدوام من أمس نسيتها

احتمال آكلها العصر وأخلي الفاكهة عشا

 

[Melo]

السلام عليكم و رحمه الله
شلونكم بنات شخباركم
من زمان عنكم
المييييزااااااااااان
يالله الكل يكتب
الحمدلله رب العالمين وزني نازل وزني صار ٩٠
الحمد و الشكر لله
يمديني ان شاء الله اكسر ال٩٠ و ادخل ال٨٠ قبل لا ارجع الكويت
حددددددددي استانست يوم شفت الميزان على الاكل اللي كنت اكله بالامتحانات و كللللش ما كنت اتحرك يدوب اروح امتحن و ارجع
الفال لكم يارب كل وحده تحقق اللي تبي

يالله رجعو و شدو الهمه
بسكوته شي طبيعي تاكلين لا تنسين انج حامل بس لازم تنتبهين على نوعيه الاكل
كثري خضار و فواكه و قللي الخبز و المعجنات و هالسوالف تراها تتفخ على الفاضي

 

[حظ من عنده انا]

مرحبا يارشيقات ��

شلونكم

انا وزني نزل كيلوين الحمد لله

وناطره اشتري الغزال الطائر

وابدا رجيم مع رياضه باذن الله

 

[بـ سـ كـ وتـ ة]

صباح الخير يا عرايس

المتزوجة لازم ترد عروس والعزوبيات ان شالله نفرح فيكم كلكم يا رب

ميلو ... هذي الحالة تحوشني مرة أو مرتين بالأسبوع تقريبا اللي آكل بدون وعي

ولا البيبي مسكين ما يحتاج إلا 300 كالوري زيادة وكله قاطينها براسه

وحاليا صعب آكل بروتين لأن مطبخي توه خلص بس طلعت لي علة يديدة فيه لول

مطبخ منحوس مسكين

مضطرة على الكاربوهيدرات لأنها أسهل شي البيض يبيله طبخ والأجبان ما قمت أقدر آكلها ترفع ضغطي

ما عندي غير الموز والتفاح وصراحة قمت أمل

ان شالله هالأسبوع أرد أطبخ وأجهز وجباتي

 

[بـ سـ كـ وتـ ة]

الفترة اللي طافت مرضت جم يوم كان وزني قريب الـ 80

صار 79 بالضبط

والحين نزل شوي صار 78.6

حملي في بنتي بالتاسع كان وزني 89

بحاول ما أوصل هالوزن هالمرة

ونسيت أقولكم ... سويت سونار وطلعت بنوتة الحمدلله يارب

وايد متشوقة على شوفتها الله يتمم على خير وأشوفها بحضني يا رب

 

[بـ سـ كـ وتـ ة]

أمس تغديت برياني دياي وما تعشيت

اليوم

تريقت نص كرواسون جبن مع عصير برتقال

والضحى كليت كرواسون جبن مع كوب شاي وحليب

والغدا توني تغديت 7 تمرات ونص لتر لبن

كنت يايبة معاي أفوكادو بس من اجتماع لي اجتماع ما مداني آكل

 

[بـ سـ كـ وتـ ة]

العشا أمس مانجا وحدة

اليوم تريقت مانجا بعد
ل
وعقبها كرواسون جبن مع عصير برتقال

والحين مو يوعانة بس ناوين ان شالله نتغدى ورا الدوام فباكل الحين كورن فليكس وحليب عشان ما آكل الظهر

 

[بـ سـ كـ وتـ ة]

صباح الخير بنات

المنتدى أخيرا فتح

أكلي ليلحين كله مطاعم للأسف وعليه عالبيبي

وزني في بداية الحمل كان 76.7

وهالأيام يكون بين 80 و80.4

الحمدلله زيادة معقولة أغلبها بطن

بس حسافة زنودي شوي متنوا صار فيهم ستريتش ماركس أول مرة بحياتي أشوة بداية

بلحق على نفسي وأطلع أثقالي وأشد حيلي

اشتقت لكم ان شالله تكونون بخير