من بعد 32 كيلو ساعدوني بلييييززز

[ام سلمان 2007]

شلونكم حبايبي ابي وقفتكم معاي لأني الصراحه اعاني نزلت 32 كيلو من وزني وباقيلي 5 كيلو أحسهم موراضين ينزلون يعني كل الوزن إلي نزلته كوم وهالخمسه كوم ثاني ماني عارفه شسوي أحس مليت وآنا اراقب نفسي شنو كليت وشكثر كليت ومشي كل يوم ورياضه وآخرتها نازله نص كيلو يريت تنصحوني شسوي علشان انزل هالخمسه كيلو وفي سؤال ثاني انا طولي 160 ووزني سابقا 92 وحاليا 60 والهدف 55 تهقون 55 احسن ولا 50 ناطره ردودكم بلييييييييييززز لا تبخلون علي​

 

[الاماراتيه]

ما شاء الله تبارك الله الله يتمم عليج حبيبتي

يمكن جسمج تعود على الرجيم
ومعروف كل مانزلتي بالوزن كل ما صار اصعب ويقل
كسري رجيمج يومين ثلاث وردي
والله يوفقج
بس ممكن تذكرين تجربتج

والسموحه

 

[...العنااا...]

وانا بعد بعرف تجربتج ...

واقول خليج 55 أحسن ....

اعتقد هذا الوزن المثالي ...

انا وزني 75 وطولي 165

أبي اوصل للستينات مو قادرة كل شي جربته الحبوب الرياضة شريت جهاز جري بس مافي فااايده ...

 

[البـنـدري]

رد : من بعد 32 كيلو ساعدوني بلييييززز

عسى ربي يتمم عليج

 

[شيخه***البنات]

ماشاءالله تبارك الرحمن الله يتمم عليج ان شاء الله وتوصلين حق وزنج المطلوب يارب ..

عادي هالاخر 5 او 6 كيلوات لازم يبيله تعب واراده قويه وانتي قدها لا تيإسيين ان شاءالله بتنزلينهم

حاولي تكثقيين الرياضه وتشربين اعشاب وماي واايد ..

واذا تبين تصيرين رشيقه حييل خلي وزنج يصير 55 لأن اذا صرتي 50 راح يصير شكلج حيل هزيل وتعبان

لان الحين انتي طولج مع وزنج حده مااشاءالله بيرفكت بس الـ 55 راح تصيرين رشيقه واحلى ..

 

[just-me]

تبارك الرحمن لا قوة الا بالله ماشاء الله

ربي يتمم عليج اولا

والف مبروك ثانيا

و ثالثا و اهم شي لازم تراجعين اخصائي تغذية منها يساعدج على هال5 كيلوات

بنظام معين و منها تاخذين منه نظام مخافظة ترا الوصول للقمة صعب لكن المحافظة علليها اصعب

وتارجو ان تقبلين رايي

وياليت تكتبين لنا شنو كان ريجيمج و شنو طقوسج معاه اقصد نوعية الرياضة و العوامل المساعدة

موفقه

 

[فجر_الكويت]

رد : من بعد 32 كيلو ساعدوني بلييييززز

بأذن الله توصلون للي تبونه

 

[al7anona]

رد : من بعد 32 كيلو ساعدوني بلييييززز

الحمدالله

مشءالله الله يحفظج من العين

وزنج الحين مناسب حق طولج
لانج وصلتي للوزن المناسب صعب تنزلين اكثر يصير بطييييييء مو مثل قبل

بس انتي خلج محافظه واستمري بالرياضه وكسري يوم بالاسبوع بوجبة فري

سوي يوم نظام التنظيف السوائل روب فواكه خضروات لبن حليب عصاير شوربات سلطات من غير دهون خلي يوم واحد بالشهر اذا تقدرين

يعني لاتمشين ع نظام واحد سوي مثلا يومين قطعي النشويات يومين نظامج العادي يومين نظام السوائل مثل ماقال عبدالله المطوع وتلقين هالرجيم موجود منزلته العضوة عنيد

والحين لازم ترضين حتى بالغرام الواحد وتقولين الحمدالله

والله يتمم عليج ويحفظج من العين

 

[al7anona]

رد : من بعد 32 كيلو ساعدوني بلييييززز

وبالنسبه للنزول انتي شوفي جسمج يحتاج اكثر مرات يكون وزنج اكثر من الوزن المثالي بس يعتبر مثالي لانه مناسبج وعظامج تفرق عن عظام غيرج

اذا تحتاجين 55 ولا 50 بس اتوقع 55 وايد زين حق طولج

 

[modern]

55 افضل
و حاولي تنزليهم بالمشي

 

[ام سلمان 2007]

تسلمون حبايبي على ردودكم الاكثر من طيبه وتشجيعكم هذا اهو الدافع إلي بيخليني استمر بالنسبه حق النظام إلي اتبعته اول شهر كان نظام دشتي يعني كله بروتينات ومع بداية الشهر الثاني بديت ادخل نشويات على الخفيف ومشيت على نظام السعرات الحراريه 800 سعر في اليوم ريوقي كان قلاص حليب خالي الدسم مع حبتين بسكوت دايجستف او بسكويت بتي بور المطاحن ولي وقت الغدا اعبي معدتي ماي والغدا دياي أو سمك او لحم مشوي أو مقلي عادي مع نصف خبز اسمر + سلطه + زبادي اكتيفيا كل يوم والعصر شاي اخضر والعشا سلطه او خيار + تفاح او مولازم عشا مرات كنت اتعشا ومرات لا لمن كنت امل كنت اشتري وجبات دايت كير من مركز سلطان مو كل يوم طبعا مرتين او بالكثير 3 مرات بالاسبوع وتكون وجبة غدا المشي طبعا كل يوم ساعه على جهاز المشي لأن ماعندي وقت أطلع بره وطبعا مافي يوم فري إلا عقب شهر اوشهر ونص من الدايت وانا ألحين صارلي 6 شهور على هذا النظام مع تغييرات بسيطه علشان ما أمل بس ألحين باقيلي 5 كيلو للوزن المثالي واي إستفسار آنا حاضره ومشكوووريييين مره ثانيه والفال حق كل وحده تبي تضعف :hjy5jewf:

 

[كيكه توفي]

اي عادي اخر 5 او 6 كيلوات النزول هذا يبيله صبر لان تكون الدهون العنيده اتوقع جذي مره قريت عن هالشي حتى لو تميتي شهرين وما نزل كملي وصدقيني بينزل بس صبري لا تيإسين وغيري نظامج احسن لان جسمج تعود على هالنظام وانا اقول 55 حلو ويارب تحققينه بصحه وعافيه ومشكوره على نقل تجربتج

 

[عهود الحب]

رد : من بعد 32 كيلو ساعدوني بلييييززز

شوفي

انا شفت على برنامج الخاسر الاكبر النسخة الامريكية الي عرضوه برمضان على ام بي سي فور


انه الاخصائي نصحهم بيوم غش عشان يرد الوزن ينزل


لما يوقف الوزن تاخذين وجبة نشويات بس ما تدبينها دب لا مشبعة الى حد ما وكان المثال معكرونية بالجبن


وعقبها لما يرجعون لنظامهم يرد الوزن ينزل



و الله يوفقج و يتمم عليج ومو لازم تخسرينهم بيوم و ليلة الصبر طيب واهم شي تستمرين للوصول للهدف وديربالج تنتكسين

 

[yam_yam]

رد : من بعد 32 كيلو ساعدوني بلييييززز

ماشالله تبارك الرحمن

 

[بــ زايد ــنت]

ما شاء الله علييج

الله يوفقج استمري اختي واكيد بتنزلين وسوي مثل ما قالت اختي عهود

 

[أم حيدر]

سؤال

مع الرياضه ما صار معاج ترهلات ؟

وبكل شهر جم كيلو تقريبا قطيتي؟

 

[ام سلمان 2007]

سؤال

مع الرياضه ما صار معاج ترهلات ؟

وبكل شهر جم كيلو تقريبا قطيتي؟

حبيبتي ام حيدر لأني كنت أمشي كل يوم وبعد المشي ألعب رياضه فماصار معاي إلا شوية ترهلات بسيطه مع إن إلي ينزلون 20 و30 كيلو تلاقين اجسامهم تلوع الجبد من الترهلات ويحتاجون عمليات علشان يشيلون الجلد الزايد وهذا إلي كنت خايفه منه في البدايه بس الحمدالله مع المشي يوميا ساعه إلى ساعه ونص ورياضه خفيفه جسمي مشدود ومثل ماقتلج إذا في ترهلات فشي بسيط وفي أماكن محدوده
أما بالنسبه حق سؤالج الثاني في اول شهر نزلت 7 كيلو وبشهر رمضان نزلت 3 ونص كيلو لأن تعرفين رمضان كله مقليات وحلويات وباقي الاشهر تقريبا على 5 كيلو واشكرج على اهتمامج ومشاركتج

 

[سراب..]

ماشاءالله وزنج حلوو لا تضعفين اكثرخلج على 60
انا نفس طولج ووزني 61 ويقولون عني عصقوله

 

[baby johnson]

لااله الا الله
الله يتمم علييييييييج

 

[Q8stylle]

عسى ربي يتمم عليج