من تساعدني في علاج الثعلبة جعلها الجنه

[شمس الشتا]

السلام عليكم ورحمة الله وبركاته
الله يرحم والديكم من تعرف علاج للثعلبه صارله معاي 3سنين ولا راح والحين طلع
ثعلبه ثانيه بجهه اخرى الله يحرم وجهها النار اللي تساعدني وشكرا جزيلا:yaaaaaarb::eh_s(11)::eh_s(11)::eh_s(11):

 

[naseem]

هلا فيك اختي

علاجها الاستمرار بالثوم فرك بعد تشليخ المنطقه وهذا ضروري جدا لو بابره المهم الدم يطلع لو شي بسيط
استخدمي صبغه اليود من الصيدليه

وهذا علاج مجرب والله الشاهد

والشفا اولا واخرا بيد الله واسال الله بهذا الشهر الفضيل انه يعافيك ويشفيك

 

[الأميرة جوري]

هلا اختى ريلي عانى منها بلحيته وكانت للاسف انثي مو ذكر لان الانثي تتكاثر بكل مكان بالاول كان يغزز نفسه بموس بثوم ويفرك المكان بعدها لقا اعلان بجريده عن علاج الثعلبه ومجرب اسم الشخص منصور العنزي وبنفس الوقت اللي جرب فيه العلاج كان يقرا عند شيخ وغز ابره ووحده كرتزون وكان يحط العلاج 5 مرات باليوم كل ماتوضا حط منها والقراءه مرتين بالاسبوع ..سبحان الله اختتتتفت وطلع بالاول شعر اابيض بعدها طاح وطلع اسود<<والشعر الابيض دليل انه تشافي.....والله يشافيج حبيت احط تجربة ريلي...والله لايردها يارب لان تعب نفسيا خاف توصل شواربه وحواجبه...لانها انثي

 

[ماروكوالصغيره]

السلام عليكم
معروف علاج الثعلبه الفرك بالثوم
لازم فركين حيل لين يطلع دم
<< ذكرتيني لمن صارت فيني امي فركت راسي فرك يبوووووي
حقدت عليها من الالم ههههه
وطبعاً مع الاستمرار بالزيت المقري وتغسل شعري بماي مقري عليه
الحمدلله راحت بسرعه ماطولت

 

[يحبنى الله *]

وعندك يقولون تاخذين القسط البحرى وحطيه بزيت لمدة 15 يوم وبعدين استخدميه بفرك المكان والقسط البحرى مثل البودر بس اخى الحار مو البارد وربى يشافيك ويشافى مرضانا اللهم آمين

 

[StrOnG WoMeN]

وعليكم السلام
حبيبتي روحي الطبيب في ابر وفي مرهم ((الابر يطلع بسرعه اسرع من المرهم ))
انا فتره كان يطع ورا بعض الاولي مو رايحه الثانيه تطلع تعبت وايد منهم
بعدين اخذت كريم من البحرين كان مفعوله عجيب من الحواي الف الحمدالله
والله يشفيج يارب
واهم شي النفسيه

 

[بناااوي]

هذا رقم واحد اسمه ابو اسامه فوق طيور الجنه
وراح تدعيلي
99217112
كل جماعتنا يعالجون عنده الا عندهم ثعلبه
طيور الجنه اللي بالفحيحيل

 

[حضن امى]

مشكووووورين وماقصرتوا

 

[وين الوفاء]

والله كان بنتي ثعلبه وحده من الاهل كبيره بالسن علمتني طريقه عجيبه وان شاءالله راح تعافين
اهي مضمضه من المستوصف لونها بني اذا انتي ذاكرتها 3 مرات او اكثر بعود اذان تفركين المنطقه المصابه يصير لونها تقريبا مايل للصفر وتتحول الي قشره تقدرين اشلينها بايدج خلاص ان شاءالله تعافين كل اللي جربوها تعافو

لا تنسيني بالدعاء ​

 

[مريوشة]

السلام عليكم بنات شخباركم هلا والله شمس الشتا في حلاق ينقاله محمد اليتيم واسم صالونه اليتيم وهو رجال يخاف الله ومحله مقابل الكترونيات الغانم اللي قبال المنشر خلي زوجج او احد من اخوانج يروحله ويقوله وهو يحدد متى يسويلج العلاج انا عالجني والحمدالله كنت ع الصفر والحين شعر عند خصري ويجنن ماشاء الله وشكراالله يوفقج ويشفيج عورتي قلبي سهالات

 

[koky alnassar]

حبيبتي لا تقرعين صفر ولا تروحين لاحد

عندج العطار تاخذين منه زيت الثوم تخلطين وياه حبوب منع الحمل و تحطينه مكان الثعلبه بس اول شي تطلعين دم بس مو شويه لا حاولي تكثرين الدم مكان الثعلبه بس مو وايد وايد يعني خليج حل وسط و فركي لج ثوم حيل حيل حيل حيل و بنات بقول لكم شي نصيحه انتي شنو مشكلتج مرض ؟ طلبي ربج يا ربي يا شافي يا معافي شافيني يعني كل مشكله و لها اسم سبحان الله ربكم مو عبث عنده 99 اسم يعني الي عنده نقص بامور ماديه يا معين يا غني يا رزاق يا كريم ارزقني .. الخ
وطلبي ربج الله ما يرد عباده واحنا برمضان وربج احن وارحم من الام على عيالها و الله يشافيج ان شاء الله ويا رب تتشافين

واقري قرآن لو كل يوم صفحه ولا تنسين العسل و ماي الزمزم صدقيني تتشافين

 

[ياحُبِي لِلكويت]

الله يشافيج . ورفع

 

[جوري الكويت]

الله يشافيج يا رب

عندج دكتور الغرير واايد زين

 

[ذكريات الطفوله]

يوم كنت اصغيره
صارت فيني و كانت امي تحطلي الثوم
و توديني حق امطوعه

عليج بالثوم و قراءة القرآن
اللهم اشفي مرضى المسلمين

 

[أعشاب أم حصه]

عندى علاج الثعلبه ياحبوبتى شمس الشتا ومضمون بقوه فى تنبييت الثعلبه باأسبوع راح تدعين لى وتييبين لى زباين بسبته مجرب عندى من 20 سنه فديتج عسى ربى يشافيج واصلينى بالمسج وايشرى بالسعاده العشابه والمداويه أم حصه 94912354

 

[jwaaaan]

علاج الثعلبه بعد التوكل على الله اختي عانت سنوات من الثعلبه فارشدتنا زميلة اختي الله يغفر لها ويرحمه وكانت النتيجه مبهره ماشاء الله بس تبغيى تحمل وصبر والعلاج كان عباره عن زيت زيتون يوضع على النار ويوضع عليه ثوم مفروم وفنجان قهوه محمصه ومطحونه وتترك دقائق بسيطه على النار ثم يترك ليبرد ثم يوضع في علبه زجاج ويدهن مكان الثعلبه ويترك ساعتين على الشعر ثم يغسل بشامبو الاطفال

 

[يسرى الشهراني]

آم حصــة ممكن تقولين لي سعر العــلأأج وطريقـــةة الاسستخدآم ولا عليـك آآمر

 

[الكوويت حره]

ارقي نفسج