من تقدر تساعدني بخاطري افتح حظانه ... وسيوله جاهزه

[طعم الشهد]

سلام عليكم



فكرة افتح مشروع انا وختي بمبلغ 5 الف دينار كويتي

وحابه استفيد منكم اشلون اقدر افتح حظانه من الاف الى الياء ,,,, وبشرط يكون مشروع ناجح

انا مقرره اني افتح الحظانه قريبه من بيتنا بالاندلس


فا الي عندهاا خبره ..... حابه استفيد من خبرتهاااا

 

[malekatsabaa]

بالتوفيق

 

[الشمس]

بالتوفيق موفقه

 

[وطني حبيبي]

طعم الشهد في البيت ولا تأجرين مكان

 

[طعم الشهد]

اكيد نااويه اخذ دور في بيت

 

[تعويذه الحب]

مشروع الحضانه
1- لازم يكون بيت
2- البيت من داخل لازم يحتوي على ريسبشن والصالات مفتوحه على بعض
3- ما يصير تسوين الفصول بالطوابق العلويه
4- لازم وجود حديقه وتكون مسوره
5- عشان اطلعين الرخصه لازم اول شي تأجرين البيت بعدين يطلع مفتش يكشف عن البيت واذا اوكي يعطيج الموافقه وتكملين اجراءات الرخصه

موفقه انشالله

 

[طعم الشهد]

اااااااااااااااااب

 

[فلونة احلى وردة]

ما ادري انا سالت قالولي الشروط اصعب والمبلغ لازم اكثر من 5 حول 20 الف وحسب تجهيزج مثل سستر ومدرسات واداريين و طاولات والعاب ووووو الله اعلم
بس سالت ناس يسون دراسة جدوى وشوفي منطقتج محتاجة حضانة ولا لا؟؟؟؟؟؟؟؟؟؟؟؟؟؟؟؟؟؟؟

 

[mafio98]

السلام عليكم طعم الشهد حبيبتي انا مصممة ديكور وحبيت اقولج انج اذا ناويه تفتحين حضانه تحتاجين اكثر من هالمبلغ بوايد لانه تكلفج وايد على سبيل المثال : اصباغ ديكورات كلاسات العاب الخ فلوتزيدين المبلغ شوي يكون احسن والله يوفقج يارب

 

[أحلى ريماس]

اضن ان الرخصه مايطلعونها الا لمدرسه ...والله يوفقج
وسبيلج خدامات للاطفال والتنضيف

 

[طعم الشهد]

مرحبا حبيبااتي انا اليوم رحت شؤن الاجتماعيه قسم الحظانه والرعايه الاسريه علموووووني على كل شي خمس الف كامبداً تكفي. انشاءالله
وكل شي مااشي صح الحمدالله

 

[طعم الشهد]

اشكررر مررروووركم

 

[سيدة اعمال11]

الله يوفقج يا رب

 

[أم تروفه]

الله يوفقك