من جربت زين الاتات تدخل هنا

[lo0lo0]

السلام عليكم ورحمة الله وبركاته وشلونكم بنات


ان شاء الله تمام ابي اسألكم عن حبوب التنحيف من زين الاتات ؟؟؟


بليز بنات من جربها ؟؟؟


ومن جابت معها نتيجه وكم تنزل بالاسبوع وكم علبة تكفيكم بليز بنااااااااات ساعدوني الله يفرج همكم

 

[futooosh]

جربته عشرة ايام ماكو فايده سوالي حرقه بالبول والم لمه وقفت رجعت طبيعيه
كل انواع حبوب الرجيم لها مضار ما انصح فيها
احسن شي نصك البالوعه واحنا نضعف

 

[Fαтee 5αиoм]

حرقة بالبول لأن ما كنتي تشربين ماي فتتبولين الاملاح اللي ترسبت بالمثانة وهني تبلش الالتهابات يا قلبي


انا اشوف انه ما يسوي شي الاخضر بس الذهبي وايد امدحوه لي


موفقين

 

[lo0lo0]

مشكورات على المروووور

 

[Q8stylle]

ماجربته

 

[آلعيون آلكحيلهـ]

حبيبتي اهي تسد الشهيه .. صح ..

بس اعراضها حييييييل اتعب ... ريج ناشف ورقعه بالقلب .. هذا غير الخمول ..


؛؛


وبعدين بنات ديروا بالكم .. النوع الذهبي حييييييييييل قوي ..
فاللي جسمها مو متعود على الحبوب لا تاخذها ..


انا عادي ماخليت حبوب تخسيس الا وجربتها . . .

 

[حور العين 2008]

دشي الرابطة هذي كل شي عن حبوب زين

http://www.q8yat.net/search.php?searchid=1045682

 

[اختكم بالله]

اخاف من الحبوب

 

[cute mimi]

أختي أنا جربتها وايد أضعف بس تخليج كله دايخة وأعصاب ورقعة بالقلب فوقفتها ماأنصحى فيها

 

[miss angel]

ما جربتهم

بس رفيجتي تجربهم وكلللش ما نصحتني فيهم وما نفعوها

ماادري يمكن من جسم لي جسم تفرق

 

[futooosh]

صراحه آنا قلتلج اخذت النوع الاخضر سوالي حرقان وكنت اشرب وايد ماي ماكو فايده
لمه وقفت رجعت طبيعيه
انا اقول اشتركي بنادي وايد احسن

 

[lo0lo0]

الف شكر لمروركم وخلاص دام ارائكم كذا شوركم وهداية الله نكمل رجيم ونستعين بربي عسى الله يرحمنا برحمته وينحفنا لايتزوجون ويقطع هيفاء وهبي وسنينه واليسا ونانسي والباقيات والسامع يقول آآآآآمين ليتن عايشات بدور اول لاتلفزيون ولاشيء الرجل مايشوف غير خشت امه ومن يتزوج يقابل خشت مرته يما يموتون

 

[carrot^cake]

جربتها
اول علبة نفعت معاي وخلصت وشريت ثانية وما سوتلي شي
وجربت اليديدة الذهبية ما نزلت ولا شي

 

[Q8 New Style]

ىنا جربت القديمه ونزلت 10 كيلو

وعقب سنة جربت الذهبية ماسوت لي ولالا شي صار عندي مناعه

 

[almulla_11]

مرحبا حبيبتيي والله الحبوب الجديدة الذهبية رووووعة
علبة وحدة بس كل يوم حبة مع شرب الماء بشكل متواصل في كل حزة ماشاء الله 7كيلو بشهر .

الله شاهد ...



:::::::::::::::::::::::::::::::::::::::::::::::::::::::::::::::::::