من جرب عيادات الخفجي للاسنان ؟؟

["لمسة حرير"]

السلام عليكم ورحمة الله وبركاته

من جرب العيادات اللي بالخفجي للاسنان

الصراحه عروضهم مغريه

واسعارهم مناسبه لميزانيتي

يعني التركيب ما يتعدى ال50 دينار وبالكويت فوقهم 200 دينار وانا احتاج تركيبين اذا مو ثلاثه

فاسعارهم مناسبه لي

فاللي مجربتم ومجربه شغلهم تقولي بليز

 

[بنت النوخذة]

للرفع

 

[ام عيالها الغاليين]

أهل زوج اختي مجربينه ومايمدحونه كلش

 

[كويتيه-90]

للرفع

 

["لمسة حرير"]

اللي رفعوا الموضوع الله يرفع شانكم

ام عيالها الحلوين

مشكووره حبيبتي عالافاده ما قصرتي

الله يعز شانج

 

[ناعم العود305]

ما ادري احس غالي اسعارهم

بنت خالي سوت فيه تركيب اسنانها تقريبا كلفها 8 الاف ريال

 

[الـحـسـاسـه]

وحده من رفيجاتي راحت لها ما تمدحها كلشششششششش

اتقول العياده تلوع الجبد مافي نظافه ويسووون اي كلام

 

[حرم خالد]

بنت خالتي مسوية تلبيس واشياء واجد وتمدحهم حيل

واسعارهم مناسبة لان شغلهم مضبوط

 

[سنا الفضه]

اختي جربتهم تقووول الله يعززز الكويت ويعافيها

اسبوع جان تطيح الحشووووه من ضرس والثاني مادري اشصار فيه

تذمهم وااايد

 

[bint_looda]

ماعرفهم والله !

 

[الحنونهـ]

نفس السؤال..:gr4uu:

 

["لمسة حرير"]

الظاهر على حسب العيادات

..

شكرا حبيباتي ما قصرتوا

 

[شمعه الجلاس]

انا واخواتي وبنت خالتي سوينا تنظيف وبنت خالتي سوت تركيب واختي بتحط تقويم بالعكس شغلهم نظيف وينصحونج بعد والعياده تهبل مريح ونظافه........
اتمنى اني افدتج.....

 

[نعومي 953]

بصراحة روعة وكل شي معقم ,عندهم دكتورة اسمها هوازن صج شاااااااطر عن تجربه شخصية

 

[لوكي 22]

انا شفتهاا العياده نظيفه بس يمكن شوي صغيره بس نظيفه
ماسويت اسناني رحت لحاجه ثانيه هههههههه لان كنا مسافرين
وسامحيني مادري عن شغلهم

 

[الخفجاوي]

شكرا لللذين امتدحوا العيادات وبعد شكرا للذين سبو العيادات واتهمونا بعدم النظافه

ع العموم انا وشريكي اصحاب العيادات التالية في الخفجي

1-مملكة طب الاسنان
2- مجمع المنار الطبي
3- عيادات الاراك
4 واخيرا ولله الحمد تم افتتاح مجمع البحر ع طريق الكويت

تعالي وجربي وعناد باللي سبو كل شي مجاني لج انتي بس تعالي وجربي ومنتي خسرانه ان شاء الله وهذا كلام دكتور موكلام تاجر

وتحت امرج من عيادات اسنان او تجميل او عيادات جلدية اوحتى عامه

 

[رشة الفانيليا]

بصراحة مرت حماي ما امدحت دكتورة تقول نفسها خايسه وشغلها بسرعة ، اما الدكاترة الرياييل فشغلهم ممتاز وعليهم دوس

 

[سلطـ زمانها ــانة]

حبيبتي انا مسويه تقويمي عندهم وبالعكسس
العياده مو واو بس مكانها ونظافتها زينه مافيها شي

انا بروح لها شوي ماراح اسكن فيها


وبنت خالتي مسويه تركيبات وتنظيفات عندهم واشحلات ضروسهااا

خفجاوي انا ابي مجانا بعد

 

[.Miss Ana.]

الكل يمدحها ,,


و أنا شفت شغلهم السنع بنفسي ,,

تخيلي واحد مسوي حادث و اسنانه

اللي قدام صاروا كأنهم صافين عند المقصف >> تعبير فقط

و عقب ما سواها ما شاء الله صارت تهبل ,,

و لو عندي صوره حطيت بس حسافه ما عندي ,,

و الاخوات اللي جربوها بيفيدونش ان شاء الله.

 

[فراوله الحب]

حبيبتي انا سويت عندهم تبييض وزوجي سوى تقويم
صراحه شغلهم حلو ورخيص والمكان نظيف ولا عليه كلام
ويسوى العنوه
على فكره العياده اللي رحنالها اهي اراك