من حرجه من زوجي دشو بنات عفيه ؟؟؟

[واحشني زمانك]

الله يعينك فتره وتعدي ومبروووووك ماجاك والبنات ماقصرن

 

[حصووونه]

10 ايام الحلبه كوب واحد باليوم وبس عقب اقطعيها..اعتمدي على الفلفل الاسود حطيه بالشوربه والزنجبيل فوحيه بالحليب الصبح وفنجال القهوه مسمار ومحلب وهالسوالف ومالهن ريحه وبعدين جيبي بخاخ الماي مال الاوتي وحطيه فيه بياله ديتول وكومفرت والباقي ماي وكل ماقمتي من الحمام تكرمون رشي مكان ماقعدتي بالادب وسحبي السيفون وبطلي دريشه الحمام او شغلي الشفاط ورشي منه على المغسله والارضيه وبس تفوح عقبج ريحة نظافه. خلج حذره لاتخلين وراج اثر وحطي اكياس من بواميه الرول بالحمام وحطي كوتكس النفاس فيه لان الحجم الكبير مافيه اكياس وعشان الرجال مايشوفه ويفضل تبدلين الزباله اول باول وتكون بغطا..

 

[حلوةودلوعة زوجي]

الله يعينج ريلج المفروض يقدر انج والدة
ولا وبروحج بعد حرام عليه
البنات ما قصروا اخذي بنصايحهم

 

[om_bato0ota]

مولازم تشربين حلبه انا شكثر امي قالتلي اشربها بس كلش ماذقتها
بس اكلت حسوا وكنت اشرب مرميه لانها تشد البطن وكنت اتغطى
بس لازم تغطين راسج موزين يدش ابأذنج هوا ويحوشج عوار راس

 

[amna_83]

البنات كفو ووفو نصايح

 

[الأميرة نوره]

حبيبتي . حطي قفشة حلبه بقلاص و صبي فوقها ماي مغلي وغطي القلاص بصحن وخليها لمدة ربع ساعه و شربيها
بجذي تكونيين سويتيها بالطريقه الصحيحه المفيده و بنفس الوقت ماتطلع ريحه فالبيت . غلط تغليين اي عشبه . والله يقومج بالسلامه .

 

[درة أهل الطولات]

لرررررررررررفع

 

[بدون هويه]

الله يعينج ....

عاد النفااس يبيله اهتماام ولازم تدفين نفسج عدل وتغطين راسج يعني تلبسين ملفع ...
وشربي اعشاب ثانيه غير الحلبه واكلي عدل ...

واذا عن زوجج لازم يراعيج يعني شنو بيدج تقدرين تسوينه ...؟

هلا بالصعيريه اسعدني ردك علي 000 واذا على الاهتمام والله يا اختى ماكو اهتمام خايفه من الهوى اللى يقولون يدخل المره واذا على المراعاه اهو يدرى اني نفاس وكل اللى اكله حلبه وسد نفسي عنها وقفتها من قال ذبحيتينى بريحة الحلبه الله يهون الامور

 

[بدون هويه]

شوفي اشرببي قهوتج وحطي بالفنجان مره ومسمار مطحون زين حق المره والحلبه اشربيها وبخري حمامج في بخور الدواسر معمول شحلاته يغطي الروائح وانتي عليج بالعصيدة واشربي اخر نفاسج محلب ومره وعنزوت وعلج البان منقوعين

اسفه على التاخير ما ادخل النت على الطول 00000محلب شلون طريقته انا خابرته ينحط على الراس ؟؟

 

[بدون هويه]

شتسوين ماكو الا تشربينها بعد مايطلع وتبخرين بيتج بعدها

مشكوره على الرد 000 انا ما اشربها الا اذا طلع بس الريحه قويه تمسك بالبيت وبالجسم شنو بيدى اسوي ما يبينى اتنفس عدل عشان بكره يقول انتى فيج وفيج والله المستعان

 

[موت وميلاد]

الله يعينج ويهدي ريلج

لاحول ولاقوة الا بالله العلي العظيم

 

[_ظل الياسمين _]

[/COLهالريااااااييل نسوى كل شى عشاان رضاهوم ونرد غلطانين بعد..

ربى يسهل عليج حبيبتى.OR]

 

[((shoOoshoOo))]

حبيبتي مفروووض يراعي هالشي

 

[بدون هويه]

الحلبة اول 10 ايام بس اذا زادة ترطب الرحم مو زين
والبسى قبعة او طاقية عشان الهوا ما يدش اذونج
وريحة الحمام الله يسلم الديتول كل ما خلصتى من الحمام عزكم الله رشرشى ونشفيه يصير شحلاتة يفتح النفس
تقبلى مرورى و وجهة نظرى عزيزتى اتمنى لج التوفيق

مشكوره على الافاده 000 انا وقفتها يعنى نعمه من الله توني ادرى انها اذا زادت عن 10 ايام ترطب الرحم وين خبيرتنا ام خالد تفيدنا بالشغله هذى

 

[بدون هويه]

ياحياتي



الله يعينج يارب قوليله انا نفاس يعني مريضة والمريض لازم يتعالج وجسمي ضعف لازم اقويه واعوضه وقبل حزة جيته بخري باي شي يطيرلج هالروايح


الله يكون بعونج النفاس متعب ويبيله ام وخوات ومجابل

الله صج حسيتي بمعاناتي النفاس يبيله ام وخوات وجابل !!!! الله يكون بالعون

 

[بدون هويه]

انزين ليش ما تنفستي بيت اهلج

مفروض تدرين النفاس يبهذل الوحده ويلعوزها

ويبي من يداريها ويجابلها وعشان ريلي ما يكره شكلي وقت النفاس لانه وقت النفاس المره ما تشتهي نفسها بعد الريل يشوفها بهالحاله

الله يعينج حبيبتي

مشكوره على الرد لو ان عندى احد رضى يتقبلني فى نفاسي ماكان قعدت دقيقيه عند ريلي والله المستعان

 

[أشكي عليك الحال]

حبيبتي اخذ من ادويه ام خالد مالها رييحه قويه وحتى الحلبه ماتحسين بريحتها وتطلعين من اروع مايكوون

وتطلعين من باقي شروره

 

[في بحرهم عذبوني]

الله يعينج انشالله

 

[بدون هويه]

حبيبتي اخذ من ادويه ام خالد مالها رييحه قويه وحتى الحلبه ماتحسين بريحتها وتطلعين من اروع مايكوون

وتطلعين من باقي شروره

والله يا اختى تعبت وانااتصل عليها قبل ما اولد ما ترد على التلفون بالمره عشان جذى عطتنى وحده هنى رقم مره ثانيه شريت منها الادويه 0

 

[أشكي عليك الحال]

والله يا اختى تعبت وانااتصل عليها قبل ما اولد ما ترد على التلفون بالمره عشان جذى عطتنى وحده هنى رقم مره ثانيه شريت منها الادويه 0

حبيبتي جان جربتي تطرشين لها مسج اهيا ترد عالمسجاات

ومو مشكله عالادويه
اكيد الادويه تنحط مع الحليب مثل اللهوم والسفوف وشاي الاعشاب
وهالاشياء مافييها ريحه قوويه كلش بس تنشرب خلاص تروح ريحتهاا

بس عمومااا البيت اللي فييه نفاس لازم تطلع فيه ريحه لو ماايسوون حلبه بس ريحه الاكل تبين انه نفاس

وعالادويه الحسو وجذي حطيه مع الاكل اخر شي هذا انسب حل لج