من دبلوم الى بكالريوس (بكمل دراستي وين اقدم)

[s_mrt_j]

السلام عليكم بنات
انا شهاتي دبلوم وحابة اكمل بكالريوس يصير ولا مايصير وذا يصير وين اقدم؟​

تم تعديل العنوان
nero

 

[شعوله]

رد: من دبلوم الى بكالريوس

انتي وين حابه تكملين بره الكويت ولا داخل حددي


موفقه

 

[s_mrt_j]

رد: من دبلوم الى بكالريوس

افضل بره

 

[^^نـــواره^^]

رد: من دبلوم الى بكالريوس

اي يصير عادي بس على حسب الجامعة اللي حابة تكملين فيها، انتي راسليهم وساليهم اذا يسمحون بهالشي والا لأ؟؟؟ وترى جامعة الكويت تستقبل طلبة دبلوم يبون يكملون يكالوريس

 

[NoWay2know]

رد: من دبلوم الى بكالريوس

جامعه الكويت تستقبل طلبة الدبلوم اللي متخرجين امتياز ويعادلون لهم سنة دراسية وحده. (حسب علمي)


عندج برة الكويت، البحرين، الجامعة الخليجية، جامعة دلمون

 

[fashion girl]

رد: من دبلوم الى بكالريوس

وعندج مصر بعد والاردن ..

 

[meen_ana]

رد: من دبلوم الى بكالريوس

جامعه دلمون معترف فيها

 

[iKaRia]

رد: من دبلوم الى بكالريوس

جامعة الكويت حتى سنه ماتعادل تعادلج بس 6 وحدات اذا صاروا كريمين وااااااااااااااااااايد طبعا بفيتامين واو يعادلون كورس مو اكثر من 12 وحده بس شوفي تخصصج وروحي التعليم العالي جيكي على الجامعات المعترف فيها ويستحسن تراسلينهم تعطينم تخصصج ومعدلج مع كشف الدرجات عشان يعطونج بالتقريب شكثر ممكن يعادلونلج

وموفقه حبوبه

 

[Mulan]

رد: من دبلوم الى بكالريوس

السلام عليكم

والله انا اشجعج على هالخطوة في تطوير نفسج وربي يوفقج

أول شي في جم جهة لازم اتراجعينهم عشان تستفسرين منهم عدل :
1) التعليم العالي (أخذي منهم الشروط + لستة بعناوين الجامعات الخارجية المعترف فيها عشان اتراسلينهم)
2) ديوان الخدمة (لمعرفة حقوقج وواجباتج كموظفة تدرس)
3) مكتب الجامعات الخاصة في برج الشهيد (في حال تسجليلج في اي جامعة خاصة بالكويت هم عندهم
شغلات تفيدج)
4)جامعة الكويت (للأستفسار عن قبول خريجين التطبيقي + لأخذ شروط التحويل في حال تسجيلج في جامعة خاصة وتحويلج لجامعة الكويت)

أولا .. في حال دراستج بالكويت:
شوفي إذا كنتي ناوية تدرسين بالكويت لازم اتسجلين في جامعة خاصة لأني سألت من قبل وقالوا لي جامعة الكويت ما تقبل شهادات الدبلوم القديمة إللي صار لها أكثر من سنتين وحتى لو شهادتج يديدة ما راح يقبلونج لأنه عندي رفيجتي متخرجة 4 نقاط من كلية في التطبيقي وما قبلوها فلا اتعبين روحج.

بس أكيد في طريقة انج اتسجلين في جامعة خاصة في الكويت وبعدين اتحولين جامعة الكويت (أعرف وايد ناس سوها وعادي مشوا) بس في شروط وهي انج تجتازين عدد وحدات معينة وبمعدل معين تكون جامعة الكويت محددته (روحي الكلية إللي تبين اتحولين لها في جامعة الكويت وأخذي منهم شروط التحويل والمواد اللي يعادلونها لج في الجامعة الخاصة .. يعني في مواد معينة تاخذينهم في الجامعة الخاصة واتيبين فيهم معدل ما يقل عن -C واتعادلهم لج جامعة الكويت) بس مار اح يعادلون لج مواد الدبلوم لأنهم بهالطريقة يعتبرونج جامعة الكويت طالبة محولة من جامعة ثانية ومالهم شغل في شهادتج الدبلوم .. بس ترى هالطريقة زينة ووايد ناس حولوا الحين وسهالة ترى.

ملاحظة .. الجامعة الخاصة إذا كنتي حابة تستمرين فيها يعادلون لج تقريبا 11 مادة يعني سنة تقريبا

وعندي شوية نصايح لج إذا كنتي ناوية تمشين بالطريقة هذي وهي :

- حددي المبلغ إللي تحتاجينه للدراسة (يعني شوفي جم مادة محتاجة تاخذين عشان اتحولين لجامعة الكويت) .. بس هااا !!! نصيحة لا تاخذين قرض .. لأنه الجامعات الخاصة اتقصد لج مبلغ الكورس الواحد على 3دفعات يعني مقدور عليهم.

- ولا تاخذين تفرغ دراسي من دوامج الحين (لأنه الجامعات الخاصة مخصصة مواد بعد العصر للموظفين) .. ونطري ليما اتشوفين روحج راح تقدرين اتكملين ولا لأ .. لأنه في ناس وايد خذوا قروض للدراسة من البداية وخذوا تفرغ دراسي والحين ما اقدروا يكملون دراستهم لضروف صارت لهم فحطوا على روحهم قروض وهم بعد الدوام يطالبهم بمعاشاتهم إللي خذوها وقت التفرغ الدراسي .. فـ لا اتمشكلين روحج.


ثانيا .. في حال دراستج خارج الكويت:

أما إذا كنتي ناوية تدرسين بره .. في حالتين:

1) انتساب لأحد الجامعات الخارجية (البحرين ومصر) هذيل أفضل دولتين ممكن تنتسبين عندهم وهم سألي بعد عن دول ثانية.

2) انتظام بالدراسة بالخارج (الامارات، والبحرين، كندا زينة، بريطانيا).


اولا الأنتساب :

طبعا مو كل التخصصات يقبلونج كمنتسبة يعني التخصصات اللي ما تحتاج حضور مثل الادارة القانون المحاسبة ...

وايد سمعت انه مصر سهالات :ggdw:

البحرين جادين بالدراسة وجامعاتهم الخاصة وايد حلو وأرخص بوايد من الكويت .. عندج الجامعة الأهلية واااايد حلوة وراقية .. وهم سألي بعد عن الجامعات عندهم (التعليم العالي راح يفيدونج) إذا حصل وصار في معرض للجامعات روحي له يفيد بعد.

وبس هذا كل إللي عندي

اتمنالج التوفيق

وإذا عندج اي استفسار ترى حاضرين للطيبين :tek:

 

[*شمعة الجلاس*]

رد: من دبلوم الى بكالريوس

الله يوفقج


بس اذا انتي ماخذه 3.50 جااااامعة الكويت تقبلج فورااااااااا


بس قدمي اوراقج للجامعة


وجامعة الكويت اضمن للتوظيف


انا مثلج خريجة تجااري وان شاء الله ربي يوفقني وتتم اموري


ويقبلوني


بس انتي اي تخصص؟؟؟؟؟؟؟؟؟؟

 

[ترانيم العود]

رد: من دبلوم الى بكالريوس

انا ودي اكمل
بس معدلي اقل من 3 نقاط ونص:0bee2e8d89:

 

[out of reach]

رد: من دبلوم الى بكالريوس

السلام عليكم

والله انا اشجعج على هالخطوة في تطوير نفسج وربي يوفقج

أول شي في جم جهة لازم اتراجعينهم عشان تستفسرين منهم عدل :
1) التعليم العالي (أخذي منهم الشروط + لستة بعناوين الجامعات الخارجية المعترف فيها عشان اتراسلينهم)
2) ديوان الخدمة (لمعرفة حقوقج وواجباتج كموظفة تدرس)
3) مكتب الجامعات الخاصة في برج الشهيد (في حال تسجليلج في اي جامعة خاصة بالكويت هم عندهم
شغلات تفيدج)
4)جامعة الكويت (للأستفسار عن قبول خريجين التطبيقي + لأخذ شروط التحويل في حال تسجيلج في جامعة خاصة وتحويلج لجامعة الكويت)

أولا .. في حال دراستج بالكويت:
شوفي إذا كنتي ناوية تدرسين بالكويت لازم اتسجلين في جامعة خاصة لأني سألت من قبل وقالوا لي جامعة الكويت ما تقبل شهادات الدبلوم القديمة إللي صار لها أكثر من سنتين وحتى لو شهادتج يديدة ما راح يقبلونج لأنه عندي رفيجتي متخرجة 4 نقاط من كلية في التطبيقي وما قبلوها فلا اتعبين روحج.

بس أكيد في طريقة انج اتسجلين في جامعة خاصة في الكويت وبعدين اتحولين جامعة الكويت (أعرف وايد ناس سوها وعادي مشوا) بس في شروط وهي انج تجتازين عدد وحدات معينة وبمعدل معين تكون جامعة الكويت محددته (روحي الكلية إللي تبين اتحولين لها في جامعة الكويت وأخذي منهم شروط التحويل والمواد اللي يعادلونها لج في الجامعة الخاصة .. يعني في مواد معينة تاخذينهم في الجامعة الخاصة واتيبين فيهم معدل ما يقل عن -C واتعادلهم لج جامعة الكويت) بس مار اح يعادلون لج مواد الدبلوم لأنهم بهالطريقة يعتبرونج جامعة الكويت طالبة محولة من جامعة ثانية ومالهم شغل في شهادتج الدبلوم .. بس ترى هالطريقة زينة ووايد ناس حولوا الحين وسهالة ترى.

ملاحظة .. الجامعة الخاصة إذا كنتي حابة تستمرين فيها يعادلون لج تقريبا 11 مادة يعني سنة تقريبا

وعندي شوية نصايح لج إذا كنتي ناوية تمشين بالطريقة هذي وهي :

- حددي المبلغ إللي تحتاجينه للدراسة (يعني شوفي جم مادة محتاجة تاخذين عشان اتحولين لجامعة الكويت) .. بس هااا !!! نصيحة لا تاخذين قرض .. لأنه الجامعات الخاصة اتقصد لج مبلغ الكورس الواحد على 3دفعات يعني مقدور عليهم.

- ولا تاخذين تفرغ دراسي من دوامج الحين (لأنه الجامعات الخاصة مخصصة مواد بعد العصر للموظفين) .. ونطري ليما اتشوفين روحج راح تقدرين اتكملين ولا لأ .. لأنه في ناس وايد خذوا قروض للدراسة من البداية وخذوا تفرغ دراسي والحين ما اقدروا يكملون دراستهم لضروف صارت لهم فحطوا على روحهم قروض وهم بعد الدوام يطالبهم بمعاشاتهم إللي خذوها وقت التفرغ الدراسي .. فـ لا اتمشكلين روحج.


ثانيا .. في حال دراستج خارج الكويت:

أما إذا كنتي ناوية تدرسين بره .. في حالتين:

1) انتساب لأحد الجامعات الخارجية (البحرين ومصر) هذيل أفضل دولتين ممكن تنتسبين عندهم وهم سألي بعد عن دول ثانية.

2) انتظام بالدراسة بالخارج (الامارات، والبحرين، كندا زينة، بريطانيا).


اولا الأنتساب :

طبعا مو كل التخصصات يقبلونج كمنتسبة يعني التخصصات اللي ما تحتاج حضور مثل الادارة القانون المحاسبة ...

وايد سمعت انه مصر سهالات :ggdw:

البحرين جادين بالدراسة وجامعاتهم الخاصة وايد حلو وأرخص بوايد من الكويت .. عندج الجامعة الأهلية واااايد حلوة وراقية .. وهم سألي بعد عن الجامعات عندهم (التعليم العالي راح يفيدونج) إذا حصل وصار في معرض للجامعات روحي له يفيد بعد.

وبس هذا كل إللي عندي

اتمنالج التوفيق

وإذا عندج اي استفسار ترى حاضرين للطيبين :tek:

رد وافي وكافي ماشالله عليج ماقصرتي وفدتينا حيل

مشكوووووووووووره:tek:

 

[Mulan]

رد: من دبلوم الى بكالريوس

حبيبتي out of reach حاضرين للطيبين

 

[قرة حسن]

رد: من دبلوم الى بكالريوس

سلام عليكم انا عندي استفسار بعد صغير
انا الحين توني متوظفه صارلي 5 اشهور .. وللحين ما تثبت وطبعا بكمل دراستي ولازم يا اجازه دراسيه او تفرغ دراسي
والديوان مايعطون الا اذا عديتي جم سنه
انا طبعا مافيني صبر بكمل الحين .. وانشالله بكمل بحرين ورحت التعليم العالي وتاكدت من كل شي وضبط اموري بس الي موقفني الديوان ... قالولي وايد ناس انه راح يعاطوني مخالفه على الوزاره الي انا اشتغل فيها لأنه ماخذيت تفرغ دراسي .. شنو الاجراءات الي لازم نسويها بالديوان ؟

 

[قلب راشد]

رد: من دبلوم الى بكالريوس

رفيجتي كملت بالبحرين ما قبلوها الكويت وخريجة تجاري

 

[قرة حسن]

رد: من دبلوم الى بكالريوس

رفيجتي كملت بالبحرين ما قبلوها الكويت وخريجة تجاري

على حسب اي جامعه كملت ؟

 

[قرة حسن]

رد: من دبلوم الى بكالريوس

واي تخصص كملت عليه ؟

 

[zoba]

رد: من دبلوم الى بكالريوس

الله يوفقج

 

[عـذبك طيفي]

رد: من دبلوم الى بكالريوس

مرحبا بنات .. عن اذن صاحبة الموضوع بدخل عرض شووي

انا هم خريجة تجاري بس للاسف تقديري جيد

وانا الحين موظفه بالتربيه امينة مخزن وصار لي سنه والصراحه الوظيفه اقل من طموحي

بس الظروف ايام الدراسه اجبرتني ارضى بالتخصص البايخ مع اني تخرجت من الثانويه نسبتي 73

وين اقدر اكمل ؟ واقدر اسجل بالكليات من غير اذن توظيف ؟

يا ريت تفيدوووني اكون لكم شاكره

 

[Mulan]

وايد ناس قاعدين يكملون دراستهم وهم موظفين وأعرفهم بعد .. لكن هم موظفين قطاع خاص .. يمكن الحكومة غير قوانينهم الله أعلم سؤلوا الديوان أحسن شي عندهم مستشارين في ادارة الفتوى والتشريع وايد زينين ويساعدون قابلوهم ما راح تخسرون

وربي يوفق الجميع