من روايه الى مسلسل شرايكم ؟

[:: Diva ::]

السلام عليكم





اليوم رديت من السفر ولهاانه عليكم
انصدمت بطلعتي من المطار دعايه عن مسلسل
بتلفزيون الوطن



( بنات الثانويه )




شرايكم ؟
و شنو تتوقعون من المسلسل؟
بعد ماانكتب 3 اجزاء من الروايه

 

[ام بشار]

ودي أعرف قصته بس يسبونه فيه تشويه لبنات ديرتنا بأخلاقياتهم واليوم دازين تلفزيون الوطن تصويت حق عرضة بين ايه ولأ وصوت لأ

 

[ام بشار]

نسيت أقولج الحمدالله على السلامة

 

[بنوتة طموحة]

الحمدلله ع السلامة ونورت الديرة

آنا أشووووفها ظلمة أثااريج كنتي مسافرة <<< قذافي تايم هههههه

آنا صراحة مو قارية الرواية ولا أفكر ‘ني أشوف المسلسل

 

[Miss.madry]

اول شى الحمدالله ع السلااامه

انا شفت له دعاايه الصراااحه وااااااااايد قوووي واول مره ينعرض شى جذي بالكويت يعني الله يعينا اذا ما وقفو عرضه

 

[Eng.shosha]

آنا قاريه الجزء الأول من الروايه .. إذا الروايه قصتها تخدش الحياء فما بالج المسلسل !!!
يعني يااااااريت يرفضون عرضه .. لأن صج صج صج بيخرب سمعت بنات الكويت !

 

[ليلو جبريت]

الحمدالله على السلامة
صراحه ما احب اشوف مسلسلات عربية الا ماندر
تجيب المغثة صراحه

 

[أبلة اجتماعيات]

الحمد لله على السلامه حبيبتي
المفروض يوقفون عرض المسلسل يعني ناقصنا تشويه لسمعة بنات الكويت مو كافينا فجر السعيد ومسلسلاتها السخيفه اللي شوهت سمعت بناتنا

 

[ام عفاف الكويت]

نص الكويت منصدمه الا انا قولي ليشششششششش


مادري شقصتها هههههههههههه

بس اللى عرفته انها جريئه

قولي امين ام علاوي
عساني اشوف روايتج مسلسلل واخرع فيه عيالي امانه مو مجرمه

وعفيه ابي شي يراعي الطبقه الخوافه امثالي ماحب الرعب

سوي لي روايه عفيه

 

[رحيل المرافيء]

توني كنت بسأل مسلسل بنات الثانوية هو نفس الرواية
صراحة انا اقوول خل يعرضونه
شكاتب يعني
بنات هالوقت ماخلوا شي ماسووووه شبقى بعد
سحاق بوية ايمو تنحاش مع واحد تبات برا البيت كل يوم مع واحد تكلم شباب
تسوي عملية تغيير الجنس عادي شباقي ماصار يعني

 

[Mazyoona]

*
..... *​

بِ صرآحة أنآ ضدهآ ..
و حطيت بِ حسآبي بِ تويتر لِ متآبعيني أنه
يحطون لأ بِ إستفتاء الوطن لِ عرضهآ أم لأ ..
و في BBM و Whatsapp بعد !

بنآت الثآنوية قصةتخدش آلحيآء و تخدش كل مبادىء
ديننآ الإسلامي و عآدآتنآ و تقآليدنآ .. Call Me OldStyle
بس أنآ فعلاَ أحس أنه في حدود لآزم نرآعيهآ ..

و مع إني مآ قرأت الروآية بل تصفحتهآ إلآ أنه
مستوى مضمونهآ مآ شجعني .. و الأسلوب آلروآئي مآ كآن جيّد
آلكآتب إستخدم أكثر موضوع مثير لِ آلجدل لِ بيع كتآبه
و ليس أسلوبه آلروائي..

و آلحيين لمآ هآجموه على الرواية و الحلقة أول شيء قال
"بعض المتخلفين يهاجمون الرواية"
و بعدين قال أنه معد الحلقة أهوآ مستلم تفاصيلها

الرواية اذا بيعضونها كيفهم ! بس الكويت بريئة من هَ الافعال ..
بنات الثانوية اسم عام .. اسم يشمل الجميع .. اسم ظلم وايد
بنات .. و محمد النشمي يدين لِ الشعب الكويتي بِ إعتذار كبير!

تحيآتي لج ديفآ و لِ الكل
و ههههههههههه يَ ليت يعرضون روايتج
نسوي رعب شوي !!
​

* .....
*​

 

[Omniya]

وعليكم السلآم والرحمه , الحمدلله عالسلآمه ..
انا أتفق مع مزيونه .. مادري شلون تجرأ الكاتب يسويها مسلسل !
انا مو ضد الفكره ضد الروايه نفسها مستواها الأخلاقي منحط !
وعيب ان يعرضون هالمسلسل برمضان .. ماعرفنا البويات وشلتهم
إلا من المسلسلاات لحد يقول المسلسلات تعالج واتنبه الأهل إلا اتزيد الخراب
وحتا لو بنات هاليومين ماخلو شي .. يعني نعرضها عادي ؟ بدال ماكل ام تمسك بنتها
انزيد الطين بله ؟ وفي بنات بريئين وفي يهال ممكن يتابعون المسلسل .. مادري ليش
مسلسل خليجي مرتبط مع الدراما والمآسي والحزن والإنحطاط الأخلاقي !
وانا عن نفسي اكره الكاتب وودي اقوله وخر عن الأدب مو مكانك

 

[شموخ عزي كويتيه]

*​

..... *​

بِ صرآحة أنآ ضدهآ ..
و حطيت بِ حسآبي بِ تويتر لِ متآبعيني أنه
يحطون لأ بِ إستفتاء الوطن لِ عرضهآ أم لأ ..
و في bbm و whatsapp بعد !​

بنآت الثآنوية قصةتخدش آلحيآء و تخدش كل مبادىء
ديننآ الإسلامي و عآدآتنآ و تقآليدنآ .. Call me oldstyle
بس أنآ فعلاَ أحس أنه في حدود لآزم نرآعيهآ .. ​

و مع إني مآ قرأت الروآية بل تصفحتهآ إلآ أنه
مستوى مضمونهآ مآ شجعني .. و الأسلوب آلروآئي مآ كآن جيّد
آلكآتب إستخدم أكثر موضوع مثير لِ آلجدل لِ بيع كتآبه
و ليس أسلوبه آلروائي.. ​

و آلحيين لمآ هآجموه على الرواية و الحلقة أول شيء قال
"بعض المتخلفين يهاجمون الرواية"
و بعدين قال أنه معد الحلقة أهوآ مستلم تفاصيلها ​

الرواية اذا بيعضونها كيفهم ! بس الكويت بريئة من هَ الافعال ..
بنات الثانوية اسم عام .. اسم يشمل الجميع .. اسم ظلم وايد
بنات .. و محمد النشمي يدين لِ الشعب الكويتي بِ إعتذار كبير!​

تحيآتي لج ديفآ و لِ الكل
و ههههههههههه يَ ليت يعرضون روايتج
نسوي رعب شوي !! ​

* .....
*​

​

صحيح كلامج عزيزتي أيد رأيكِ ..

و في فروق بين الجراءة و الوقاحة

و رواية ليست جريئة بل و وقحة

مع احترامي للكاتب ..

 

[Freakya]

انا قريت جزء من رواية بنات الثانوية

واااي هالقصة وايد منحطة و ما تناسب الا اللي فوق 18

شلون بسوونها مسلسل .. اكيد بيكون مصخرة !!

هالسنة بنات الثانوية .. السنة الياية بنات التجاري

لا يحووووشك @@

 

[غيدآء]

الحمدلله على السلامه ديفا..

انا مثلج شفت الخبر باخبار الوطن...وسامعه عن الروايه من قبل بس ما تستهويني هالروايات..واعتقد مسلسلات الخليج بشكل عام طرحت قضايا العن من اللي بيطرحه مسلسل بنات الثانويه ...واذا على سوالف المدارس والمراهقات اعتقد انه المسلسل ما راح يطرح شي من راسه اكيد شي موجود بالمجتمع الحالي...

عن نفسي ماراح اتابعه لاني مثل ما قلت لج ما تستهويني هالقصص لانها مكرره ومعروفه للكل

 

[blue ocean]

ماتشجعت اقرى الروايه وماسمعت احد يمدحها ..​

ومن البنات ان المسلسل ماراح يبشر بالخير ..​

علعموم ممكن نتصور الاحداث ومن تصورنا اتوقع راح يكون جرىء​

ويسيىء لسمعة بلدنا ..​

 

[مطيريه ماركه]

آول شي آلحمممدلله ع آلسّلآمة ْ
وشلون آلديرة لي شهر ونص عنهآ خخ
ثآنيآً : مآ آؤيّد عرضهآ
قريت آلروآية في جزءهآ آلآول وآذكر آن تنآقشنآ في روآية آلنشمي :
" بنآت آلثآنوية "
وتقريبآً آجمعنآ على آنهآ خآدشة لـ آلحيآء
مو معنى آن في مجتمعنآ بويآت وآيمو
آن نمثل هـ آلآمر ونذيعه في آلتلفزيون وكآنّ في كل بيت كويتي !
آلمرآهقين رآح يعتبرون هـ آلآمر عآدي ويمكن آلسذّج يتأثرون بـ آلمسلسل

 

[بنوته جميله]

الي مو متربيه تسوي هالاشياء الي تكلمون عنها وانا بصراحه ماقريت الروايه بس شفت المسلسل وبصراحه المسلسل حيل عاجبني موعن وحده تكلملها واحد ماشفنا جذي بكويت وعن نفسي انا بالكويت وين ما ارووح القى البنات هم الي يلحقوون بالشباب وبعديين حبيبتي كل وحده وتربيتها صح ولا لأ واذا انتي مو متأكده من تربيه بنتج وخايفه عليها تشوف هالاشياء لا تخلينها تطالع تلفزيوون وبعدين مو كل شي تسوي التلفزيونات لازم نسوي نفسه ولازم انعرف على شان نتعلم من اخطائهم واحنا ترى مو اغبياء انه احنا انسوي نفسهم وكل شي ايسونا نسويه وارد واقوول كل وحده وتربيتها
وبعدين سوري بس انفعلت اشوي الان الكل يقوول لأ وصخ وبناتنا مراهقات ويمكن يسووون نفسهم فأحنا لازم نمنعا بس تدروون ان امي تطرشت مسج تأيد هالمسلسل الان واثقه من تربيتنا ولا يمكن ان احنا انطيح راسها وراس ابوي بالارض وانا والله شفته وعجبني ما أأيدكم على الي تقولونه بصراحه لا تزعلوووون *

 

[بنوته جميله]

سوري نسيت الحمدلله على السلامه وسووري