من زوجها مثل زوجي ...... ايش الحل

[dreeams]

السلام عليكم

بنات زوجي قاهرررررررررررررررررررررررني اربعه وعشرين ساعه عند اهله صار لنا سنه زواج وهو على ها الحال
حاولت معه بكل الطرق مافيه فايده بس مره ضقت عليه وكنت عند اهلي ورفضت اطلع له علشان نروح لبيتنا وقلت له اذا ماتبيني قول من اول وقلت لامي السالفه قالت امي سوي الي يريحك ورفض اطلع ليييييييييين انا مليت من مكالماته ورحت بيتي وجلست ابكي ساعتين وقالي خلاص انا بتغير وبسوي الي تبين
وفعلا تغير يومين بسسسسسسسسسسسسسسسسسسسسسسسسسسس


ورجعت حليمه لعادتها القديمه والله تعبت تخيلو دوامه الصباح مايرجع الاالعصر يجلس ربع ساعه ويروح لاهله مايرجع الا11 الليل بنات والله تعبت منه يرفع ضغطي دايم ايش اسوي

 

[dreeams]

.....................

 

[راعية الطويلة]

خليه على طبعه
طول ما حس إنه مو عاجبج الحال
بيزيد و تحلى السالفة بعينه

خلي الأمر طبيعي
و عليج بكثرة الدعاء و اإستغفار
و ما كو شي يستمر على حاله



الله يوفقج

 

[توتا حمرا]

روحي معاه
ذلين اهله ما تقدرين تمنعينه عنهم​

 

[pusy cat]

دام انه وعدج انه يتغير اطلبي منه شي معقول

يعني مثلا حددو يومين بالاسبوع يطلع معاج

وعلى فكره ترى اغلب المتزوجين جذي اول ما يرد من دوامه ينام عقب يطلع مايرد الا بالليل

وعلى فكره احمدي ربج انه يرد الساعه 11 غيره مايرد الا 2 او 3

خليه يروح بيت اهله وانتي روحي بيت اهلج ولما يرد البيت يمرج

 

[dreeams]

احيانا اروح معه بس فشله تخيلي كل يوم انا عندهم وخاصه اهم مو من عايلتي من عائله ثانيه
وماعنده الا امه وهي كبيره عمرها 70 الله يطول في عمرها
وعنده اخت ثانيه بس كبيره يعني اطفش عندهم مررره وهو مايجلس مع امه مع اخواته

 

[الأميرة جوري]

شسوي عندهم كل هالوقتّ!!! روحى معاه علشان يخف عنهم

 

[dreeams]

انا قلت له عادي كل الايام لك بس ارجع بدري على الاقل
قال انا كذا ومو انتي الي تغيرني

 

[ظل الياسميـن]

ما ادري والله شقولج

بالنهايه هذول اهله

ما تقدرين تمنعينه عن اهله

 

[dreeams]

ادري والله واصلا حرام علي امنعه منهم
بس يجلس عندهم الى 11 او12 الليل مو معقوله والله

 

[اسراء205]

اولا : الريال لازم تتقبلينه بمزاياه وعيويه ماراح يتغير
ثانيا: على الاقل اهو مع اهله عارفه انتي وينه مو احسن من الدواوين والقهاوي
ثالثا: روحي معاه اذا حبيتي موبس وقت الزواره صدقيني راح يستانس

 

[!الجادل الصعب!]

يمكن دوانية اهله فيها يتجمعون
وهالشي يكون متعود عليه وصعب تغيرينه ..،

 

[Dodo80]

حبيبتي قولي الحمدالله انا ريلي مايرد البيت الا عال 1 او 2 او 3 ومرات 5 الفير وطبعا من الساعه 8 يروح ووين يروح القهوه طبعا حق الشيشه

اول ايام زواجنه كانت كل يوم نجره ومشاكل وزعل اقوله اتمني انام وريلي يمي بالفراش نفس البشر المتزوجين احس نفسي اعزوبيه كله بروحي بجيت وزعلت بدون فايده

بس عقب ما فكرت وعرفت شلون اعالج المشكله قتله حياتي اقعد عندي لي الساعه 11 بعدين روح عشان اكون دايخه وابي انام لانه ودي نقعد مع بعض ونطالع التلفزيون (وطبعا احطله القناة الي يحبها الرياضه واتابع معاه حتي المباراة اقعد اطالعها واشجع فريقه بعد هههههه) شسوي لللزوم احكام ههههه


وبالويك اند بس يروح القهوه اقعد اطرشله مسجات حب وغرام ومشتاقتلك وناطرتك مابي انام من هالسوالف الحلوه واشوفه الساعه 1 راد البيت وعلي هالحال


انتي اخذيه بالهداوه تري بالعصبيه والعناد وبالامر مايمشي عند الريال تري يعاند اخذيه بالكلام الحب والغزل تري الزوج مثل الياهل

وبين فتره وفتره قوليله اعزم اهلك بيتنه ليش كله انت عندهم خليه يغير الروتين الي متعود عليه


والله يهديه لج يارب

 

[chole_84]

ماااالج الا الدعا اخر الليل
يمكن متعلق بامه حييل

 

[بيبي سبايس]

حبيبتي حاولي انج توفريله جو فرفشة بالبيت يعني لو لاقي اللي يونسه ابيته جان قعد ضحكي سولفي معاه لعبي معاه عشان يشتاق يرجع للبيت

 

[dreeams]

والله ماقصرت فيه خاصه الرسايل فاتورتي صاكه مدري كم من الرسايل مافيه فايده
يقول انا احبك واموت فيك واحب البيت بس الرجال مايصلح يجلس في البيت كثير وها الطبع في عائلتهم بس

 

[صمت المرافئ]

شوفي توقيعج وانت تعرفين الحل
عسى الله يرزقج الذرية الصالحة
اللي تملا البيت وتخلي ريلج
يرجع ملهوف من الدوام علشان يجابلج ويجابل عيالكم
وما يصير صمت في البيت ولا وحدة
يا رب ما تمر سنة إلا وعندكم من تقر عينكم فيه
الله يسخركم لبعض انتو الاثنين
آمين
​

 

[dreeams]

ااااااااااااااااااااااااااااااااااااامين يارب الله يسمع منك
الفتره الي راحت كان كل شي عندي تمام وماصار حمل قالو لازم زوجك يحلل قلت له عصب ورفض
تعبت والله ونفسيتي زفت والشهر الي راح صار عني ارتفاع في هرمون الحليب
الله يعين

 

[kitty eyes]

حبيبتي لا تزعلين

بس اللي ما فيه خير باهله ما فيه خير فيج

وانتي اذا مزعلج روحي معاه قعدي هناك فترة وبعدين قوليله يلا مشينا عندي شغل والا عندي شي ولما يرد معاج خليه يكمل يومه عندج

 

[حفيدة نوخذة]

أختي قولي الحمدلله انه عند امه مو هادج وبالديوانية لي الفير تستاحشين بروحج

واملي وقتج بالصلاة وقراءة القران والاستغفار بنيه ان ربي يسخر لج زوجج ويرزقج ذرية صالحه

واذا راح لاهله روحي معاه وبري امه او روحي لاهلج

وقولي الحمد لله انه مايرد متاخر الفير

وربي يسخره لج ويرزقكم ذرية صالحه عاجلا يا رب:eh_s(7):