من صار لها مثلي من ركبتها تطقطق وعالجتها وتشافت ساعدوني مالي حد بالدنيا بعد الله انتو

[ام هديل الحمام]

بنات انا رجلي اليسرى مدري شو بها يمكن من كثرة انا اثنيها او اتربع لما اجلس لاني رجلي اليسرى هي اللي اثنيها دائما او اجلس عليها دائما
فلاحظت هالفتره اني لما امشي احس انه عظم جالس يحتك بجهة ركبتي او احس شي يطق داخل يعني لما اثنيها او امشي احس بطقطقه في ركبتي والطقطقه ماينسمع بس انا احس فيه يعني احس شي جالس يحتك داخل ركبتي
والحين اليمنى اشوفها صارت مثل اليسرى بس بشكل خفيف
مدري هذا تليف مفاصل او خشونة الركب او احتكاك ماادريوش السبب اعتقد بسبب جلوسي عليهم كثير جلسة القرفصاء
وش الحل بنات ؟
استخدمت الفكس العادي يومين ولا اشوف خفت
شريت فكس خاص لتليف المفاصل للركب
وشريت زيت كابور حق خشونة الركب
وشريت زيت الكمال حق الاعصاب والمفاصل والالتهابات
قلت بستخدمهم وعلى الله
اذا في حل ثاني جربتوه او سمعتو فيه ساعدوني
طبعا المستشفى لاتقولو روحي لاني رحته مرتين وماستفدت عطوني مراهم وخرابيط وربي ماستفدت ولا شي
وش السواه ؟


الله يخليكم اقبلو الموضوع بسرع وقت

 

[ام هديل الحمام]

ليش تنقلوه هنيه ع الاقل خلوه هناك يوم يومين لانه هناك ذاك القسم تفاعل اكثر

 

[قلبي وينك]

الله يعينج ما ادري بس انا الصوت يطلع يوم اصلي او اني اقوم بسرعه بس مو باستمرار وما اخذ اي ادويه

 

[سكوتي بذوقي]

لما تتربعين تتأثر ركبتك ترى

هاذي الجلسه خطأ

شوفي اختي فيه دكتور ممتاز بالشرقيه

بمستشفى فخري اسمه فتحي نعينع

الله يشفيكِ يارب

وحاولي ماتثنين رجلك وتصلين وانتي قاعده لحد ماتطيبين إن شاء الله

 

[فرحتي2.2]

ماتشوفين شر حبيبتي

انا كنت نفسج وكنت بالمستشفي وقالو لازم عمليه نغير الركبه وسبحان والله انا انطر دوري وتقعد يمي مره كبيره ونسولف وقالت اني صغيره تو الناس علي عظامج ونضحك وقالتلي شفيج وقلتها انا ركبتي طقطق وساعات تعورني وساعات بالبرد هم تعورني وفشله وانا صاعده او نازله من اي مكان مرتفع الكل يدري ان انا اللي نازله من صوتها المهم

قالت يابنتي انا بنصحج لا تسوين عمليه بوصيج باشياء سويها وان شاءالله طيبين

قالت ابتعدي نهائيا عن ماي الصحه بانواعه واللحم الاحمر والطماط كلش نهائيا حتي بالمرق والملح

وامشي كل يوم نص ساعه كل عشر دقايق اوقف واشرب ماي لاني اكيد راح اعرف وافقد ماي وتركز الاملاح

وعسي الله يشافيج يارب

 

[ام هديل الحمام]

اشكركم خواتي ماقصرتو والله

 

[ام هديل الحمام]

قالت يابنتي انا بنصحج لا تسوين عمليه بوصيج باشياء سويها وان شاءالله طيبين

قالت ابتعدي نهائيا عن ماي الصحه بانواعه واللحم الاحمر والطماط كلش نهائيا حتي بالمرق والملح

وامشي كل يوم نص ساعه كل عشر دقايق اوقف واشرب ماي لاني اكيد راح اعرف وافقد ماي وتركز الاملاح

وعسي الله يشافيج يارب

طيب انا م نالسعوديه وتخيلي امشي نص ساعه وكل عشر دقايق افتح الغطايه واشرب ماي بيضحكو الناس علي ههههه
عادي في تهوية بيتنا بالحوش حوشنا كبير امشي فيه نص ساعه اروح واجي وكل عشر دقايق اشرب ماي زي ماتقولي
؟؟؟؟؟؟

 

[Big Bubble]

الي اعرفه ان هالشي غضاريف محبوس فيها هوا ويطلع مع الحركة ويطلع صوت مثل اصابعج لمن تطقطقينهم

قالت ابتعدي نهائيا عن ماي الصحه بانواعه

!!!

 

[JANAA]

شوفي حبيبتي انا صارت معي بعدين حسيت بالم شديد ورحت مستشفى خاص سولي رنين مغناطيسي طلع عندي قطع بالغضروف وسويت عملية بالليزر وصارلي 6 شهور بدت رجلي ترجع شوي شوي لطبيعتها بس السبب الاول زيادة الوزن لازم الوزن ينزل علشان يسوي ثقل على المفاصل

 

[طال السكوت]

اهم شي الحين سوي اشعة رنين مغناطيسي لانه بعدين مع الوقت راح تتعذبين من الالم

نفس حالتي بالضبط بدايتها طقطقة ونهايتهاا الم لااا يطاااق ...ما افاول عليج وان شااااااااااء الله ما تكونين مثلي ...لكن السعيد من اتعظ بغيره ..كما قال حبيبنا المصطفي عليه الصلاة والسلام

بعد الاشعه راح يبين بالضبط شنو معاج ,,,, وعلي حسب امكاناتج وصبرج ,,,,اذا قاعدره تصبرين سجلي بالحكومه لما يجيج الدور ....واذا مو قادرة روحي خاص

وعسي الله يرفع عنج ويشفيج وجميع المسلمين ويرحم شهداؤنا في سورياا ويرفع عنهم البلاء