من صار معاها جذي بحملها عفيه يابنات

[غاليه واتغلى]

السلااام عليكم ورحمة الله وبركاته
شلونكم بنات عساكم طيبين
عسى الله يسهل عليكم ولادتكم يارب ويرزق كل محرومه يارب عاجلا غير أجلا يارب العالمين
بنات أنا حامل وبآخر السادس وفيني ضيقه موطبيعيه بس كله ودي ابجي وحتى نومي مرات افز من نومي بسبة الضيقه والله بنات احس بكآبه موطبيعيه للعلم انها صارتلي من اخر 4 ايام بالخامس يعني شوي ويصير لي شهر والله بنات قبل كنت مستانسه بحكم أني بجر وحدي ولهانه عالتجهيز،،
الحين ابدا مالي نفس ضيق وبجي ومالي خلق احد وكله اقول لايكون تيي الولاده وانا جذي متضايقه والله


تكفون يالغاليات في وحده مثلي مرت بنفس حالتي وهل هي حاله عاديه من الحمل والالا للعلم بحياتي كلها لواتضايق مايصير معاي جذي ابدا من البجي بس شوي واشق هدوووومي

عفيه بنات من صار معاها نفسي والله ناطرتكم وعسى الله يوفقكم جميعا مع رياييلكم ويرزق يارب من حيث لاتحتسبون


ولاتنسوني بالدعاء ان الله يفرج همي ويبعد عني هالضيقه يارب العالمين

ناطرتكم
أختكم غاليه

 

[حرم يوسف بيك]

رد : من صار معاها جذي بحملها عفيه يابنات

ياقلبي عااااااادي انا بكل حملاتي احس بكآبه وكله خانقتني العبره وبعد ما اولد الحمدالله كل هذا يروح حتى زوجي قام يعذرني ويطوفلي لاني حامل وعارف نفسية الحامل

 

[Om 3zo0oz_2011]

رد : من صار معاها جذي بحملها عفيه يابنات

الله يفرج همج ياارب

انا مثلج حبيبتي وهذا شي طبيعي ياقلبي لا تحاتين

بس اذا فيج ضيق تنفس لازم تشووفج الدكتوره انا رحت الصباح وشافوا ضغط وتخطيط للقلب قالت طبيعي لان البيبي يضغط حييل


فاتوقع عادي الحمال كل شي يسوي

 

[جذابه بنت ذيابه]

رد : من صار معاها جذي بحملها عفيه يابنات

طبيعي اللي تمرين فيه


انا ببجري ضقت ضيقه .. لدرجة كل منفسسسه ومالي خلق احد وبس ابجي
حتى لما اشوف زوجي ابجي


وحتى حمالي هذا بعد



عليج بقراءة القرأن وكثرة الصلاه


واقري على بطنج


وحطي سورة البقره .. دااايم



وعسى ربي يثبت حملج ويسهل ولادتج




ماتبين تشوفين ضناج ؟ لا تزعلينه وهو يتضايق ترا معاج



ونصيحه جهزززي من الحين

 

[غاليه واتغلى]

ياااحياتي ماقصرتوا
بس عفيه بنات من متى بدى معاكم هالشعور ،،،
وييكم يوم وترك والا ملازمكم أنا ٢٤ ساعه ودي ابجي ومرات اذا بروحي طبعا اطقها بجوه والله تأذيت وموحاسه بفرحةاني حامل ابدا ابدا

 

[غلاي غير]

تعوذي من الشيطان هالوسواس الخناس لاعب فيج لعب
تبين ترتاحين التزمي باذكار الصباح والمساء
الاكثار من الاستغفار
سورة البقره قرائتها بالبيت قراءه متواصله على الاقل كل 3 ايام مره بس لازم يكون فيه تهويه بالبيت وانتي تقرين القران بصوت مسموع او سماع القران
تصدقي ودفعي دفعة بلاء عنج وعن اللي في بطنج يمكن احد فازلج

 

[بيضاء الثلج]

الله يهون عليج حبيبتي إنشاء الله ويبعد الضيقه عنج وأنا مع أختي غلاي غير

 

[خليفة العظماء]

حبيبتي عادي بس عليج بالقرأن سبحان الله علاج الروح والبدن بالقرأن
اقري على نفسج الرقيه يوميا واذكار الصباح والمساء وحاولي تقومين الليل بجم ركعه
وكل همج يروح بأذن الله

 

[خليفة العظماء]

ولاتنسيني بدعاء ان الله يرقزني بالحمل التام السليم

 

[KOKO_284I]

رد : من صار معاها جذي بحملها عفيه يابنات

حبوبه هذا شي طبيعي وبعدين يروح اهي صج مرحله صعبه وكئيبه بس والله تعدي اقري قران وايد ولبسي صوره ال عمران طول فتره حمالج

 

[msmshasnsn]

حبيبتي عادي انا نفس حالتج من الثقل والتعب والله يهون عليج

 

[الفدنه]

اي حبيبتي عاااااادي انا فبجري كنت جذي
والله وبعدين اكتشفت انه اكتئاب من الحمال
بس انا من اول شهر وراح بعد الاربعين
الله يفرج همج ويوسع صدرج حبيبتي

 

[dnyay_mll]

رد : من صار معاها جذي بحملها عفيه يابنات

عادي حبيبتي

ثلاث ارباع الحوامل يمرون بهالحاله

عليج بقراءة القران

والاستغفار

والله يبعد عنج الضيقه ويسهل عليج ان شاءالله

 

[ELFAD3Ah]

رد : من صار معاها جذي بحملها عفيه يابنات

انا بحمالي ماحاشني شي بالعكس كنت وايد مستانسه بس بالاربعين حاشني اكتئاب
بس حبيبتي عليج بالرقيه الشرعيه ودايم اقري قران

 

[سان لوران]

رد : من صار معاها جذي بحملها عفيه يابنات

اضم صوتي لصوت غلاي غير


والله يبعد عنج الضيق والهم

 

[شيخة المعازيم]

رد : من صار معاها جذي بحملها عفيه يابنات

انا يحوشني الاكتئاب بفترة الوحام بس عسى الله يفكني منها على خير
كرهت عمري ....

 

[احب المنتدى]

رد : من صار معاها جذي بحملها عفيه يابنات

اقري قران و اطلعي استانسي

 

[غاليه واتغلى]

الله يجزاكم خير وماتقصرون ياحياتي والله قاعده اسوي كل اللي قاعد تقولون عليه
اقرى قرآن وملتزمه بتذكار الصباح والمساء وبالاستغفار وبالرقيه الشرعيه

بس يارب تفج عني جد والله تعبانه حيل حيل