من فيها قولون ترد علي بليييييييز

[ديور88]

بنات
انا احس باألم تحت صدري اليسار
وغازات تصعد من هالمكان لفوق
ومرات احس بنغزات بقلبي
بس اكثر شي يتعبني هالغازات
غير الخوف والاكتآب والوسوسه
انا شاكه انه قولون جذي من عندي
اللي صابها القولون ترد علي بليز

 

[ميمي26]

حبيبتي مو من الدوررة الشهرية
ولا دايم
الله يشفيج

 

[ديور88]

لا وش دخل الدوررره ؟؟؟
يوميا قاعد يصير معاي

 

[مفعمه بالحيويه]

حبيبتي اشرايج تقطعين الشك باليقين !


بإنج تروحين المستشفى وتسوين فحوصات والدكتوره بتساعدج ب هالشي

وان شاء الله مافيج الا العافيه



-

 

[قاهره عذالي]

القولون

لما بطنج ينتفخ بالمنطقه اللي تحت صدرج الى فوق سرج

هذا مكان القولون

اذا انتفخ يسبب الام وغازات وتعب وثقل وهم الهضم يتاثر وتنسد نفسج عن الاكل

القولون نوعين هضمي وعصبي
وعلى اساسه يتم العلاج

انا صارلي سنتين واكثر ماسكني على طول

ومتكاسله اعالجه مع الضفط والظروف النفسيه وينتفخ حيل اصير جني حامل

وانا اصلا ضعيفه فيبين انه شاذ عن جسمي

بالجامعه مره بنات وقفوني يسالوني انتي حامل ؟

هذا شرح موجز للقولون

المستوصف ماعنده حل الا البروفين

والبروفين مسكن وبس

وله اثار جانبيه على الكلى والقلب وترا ما ينفع

 

[om-3azo-83z]

انا معاي قولون عصبي اللي وصفتيه مو قولون كلللللش ولا حتى اعراضه انا معاي من ٣ سنين و الاخت اللي فوقي شرحت مكانه و احيانا في نا تحت صوب الحوض تقريبا هذا عصب القولون و نادر و اذا لا سمح الله قولون لا تلعبين بنفسج بالحكومه نصييييحه خاص و انصحج و بشده عند دكتور محمد عايش الشمالي عيادته بالجابريه واااااايد شاطر بس لحد يقص عليج القولون مايروح بس يهدا

 

[قمر بيت أبوها]

روحي طبيب افضل الله يشافيك

 

[naseem]

شوفي يمكن فقر دم الي معاك مو قولون



ربي يشفيك

 

[e7sasi]

عزيزتي ... الخوف / الاكتئاب / وكللللللللللل المشاعر السلبية اهي سبب القولون العصبي أساسا بجانب الأكلات إلي ماتتحملها معدتج من الأكل الحار والمعلبات والمشروبات الغازية فدايما استغفري عشان يهدى بالج، بدى عندي المرض لما كنت اشتغل بشركة خاصة من كثر الضغط كنت لما أعصب أمسك بطني و أتكور على نفسي غير طبعا - كرمج الله - دخولج الحمام يكون أكثر من مرة في حال كان عندج قولون عصبي والغازات طول اليوم وخصوصا الصوب اليسار من بطنج ، أنا عن نفسي أحس كأن هالمكان مثل الحمم البركانية
طبعا الحكومة بتنزرعين عدل عشان تلقين شي تعيشين عليه لأني سمعت إن القولون من الأمراض الي تضل مع الانسان المهم ماطول عليج في حبوب وصفهم لي الطبيب واظن تقدرين تلقينهم برى بالصيدلية لاني سمعت عنهم من برنامج من قبل لا يوصفهم لي الدكتور واسمها : Salinal ( Simethicone 42 gm )... هالحبوب تحلل الغازات الي فبطنج فترتاحين .. نصيحة دايما شربي دارسين مع الجاي وروحي للطبيب لا تسكتين على عمرج لين تصير حالتج أسوأ وسلامات

 

[ديور88]

مشكوررررين كل اللي ردو

 

[ديور88]

طلع معاي قولون

بعضكم تفسر علا كيفها اقولكم احس فيه غازات وشي شاد علي
الظاهر معاي هضمي وعصبي
لانه لو اكل شي مايناسب
بديت اتأثر نفسيا واتوترررررر

 

[@محبه الرحمن@]

لو هضمى يكون الخروج اعزكم الله فيه قطع من الطعام

ولو عادى يبقى عصبي

علاج القولون سهل

ديسفلاتيل حبوب مضغ قرصين صباحا وقرصين مساءا

وحبوب الاسم العلمى لها مبيفيرين هيدروكلوريد بس مانى متذكرة الاسم التجارى بس اكيد اى صيدلى بيعرفها ودى حبه 3 مرات باليوم

 

[rose2012]

ساعات تاكلين اكل يهيج امعائج عندج حساسيه منه سوي فحص شوفي اذا عندج حساسيه مثلا انا من العطور يعورني بطني و في ناس من الحليب وساعات من التوتر تتوترين بطنج يفرز وايد احماض و حامضه تعور بطنج و تنزل لامعائج تصير بوايد ناس

 

[الدنيا لحظه**]

عادي حياتي لا تحاتين كلنا والاغلب فينا قولون شربي اعشاب المليسه عند العطار روعه وشربي كمون

 

[ام رينـاد]

أأأب