من قطـــــــر الحب الى الكويــــــــــت ..

[قطرية وراسي مرفووع]

مساء الخير بنااات ..

انشالله الاسبوع الجااي بجي الكويت .. وهذي اول مرة اجي فيها الكويت وبتم فيها 5 ايام .. اذا ماعليكم امر ابي اعرف الفنادق الكشخة وتكون قريبة من المجمعات وسعرها يكون حلو ..

وابي اعرف المجمعات اللي يستاهل احد يروح لها ..

وابي اعرف المطاعم الحلووة ..

وابي اعرف اماكن الترفيه اللي اقدر اغير جو فيها ..

واماكن افصل فيها جلابيات وعبايات ..

وبس .. اتمنى مااثقل عليكم ومشكوورين ..

 

[حمامة الرؤية]

حياج الله بتنورين الكويت فديت اهل الدوحة والله
المجمعات عندج الافنيوز - سوق شرق - مجمع الصالحية - الراية - المهلب - المرينا - الفنار - الكوت - المنشر - والبلازا - العثمان - كويت ماجك
سوق المباركية هذا سوق قديم مشابه لسوق واجف عندكم وفيه كل الي يخطر بالج بارخص الاسعار بس مو ماركات
والدراريع بتحصلينها بمجمع الاوقاف والعربيد واعتقد العربيد فيه عبي بعد
والاماكن الترفيهية حديقة الشعب والمدينه الترفيهية والكورنيش ولازم تروحين الابراج عشان تقولين انج رحتي الكويت
والمطاعم المجمعات مليانة مطاعم وقهاوي لاتحاتين وعندج مطاعم المرينا على البحر
ولاتنسين وانتي رادة الدوحة بالسلامة تاخذين معاج زلابية ودرابيل لانه اهل الدوحة يحبون الحلويات الكويتية القديمة
وحاضرين لاي استفسار اقامة سعيدة في بلدج الثاني

 

[الزين مني وفيني]

هـلا فيج يا قلبي

تـشرفينا و الله بزيارتـج

و بــ تنور الكـويت فيكم

و أختي حمامه الرؤيه ماقصرت

و أي أستفسار ثاني أحنـا حاظرين يا قلبي

 

[عادي من قلبي أشيلك]

ياهلا والله ومرحبا

وان ماشالج المكان نشيلج بعيونه

و أختي حمامه الرؤيه ماقصرت

ان شاء تستانسين بدولتج الثانيه.,.,.

 

[ان شكينا بكينا]

اهليين اختي

حيااج الله بدييرتج الثاننييه

وعندج فندق المارينا يطل عالبحرر ويمه اسواق وبتكونين بنص الديره بالضبط

وعندج بعد فندق او شقق فندقيه يم مجمع المارينا مول بالسالميه وبتكونين بوسط السوق

وعندج بالسالميه ورا مجمع منيره شقق فندقيه رفيجتي قطريه يوم زارتنا استانست عليه واسمه دريم ان

والخوات ماقصروا قالوا لج الاماكن

واي استفسار انا حاضره ماعليج الا تسالين بالخاص

وحيااج الله مره ثانيه

 

[راعية الخير]

مجمع زهره / مجمع ليلى جاليرى / مجمع الفنار / سوق شرق / المارينا / الافنيوز / الحمرا مول / المغاتير/ الكوت / كويت مجيك/ سوق السالميه / مجمع المهلب/ مجمع النقره الشمالى والجنوبى / فيلا مودا/ مجمع الصالحيه/ مجمع الرايه / معرض بيت ديفا مقابل المستشفى الاميرى وايد حلو لايطوفج ................ الفنادق الشيراتون/ المريديان/ المارينا/ موفنبيك/ روتانا/ هوليدى ان/ النخيل / هيلتون............لازم اتروحين سوق المباركيه وتشترين من محل الشمالى رهش وقرص عقيلى وزلابيا وبالعافيه عليج

 

[As-chocolate]

هلا فيج بديرتج الثانية
اذا تبين الدراريع الحلوة بأسعار حلوة بعد عندج العربيد بالفروانية
والبدلات الحلوة انا عن نفسي احب مجمع المهلب بمنطقة حولي لان في موديلات كشخة غير عن المجمعات اللي شوي ستايلها عملي اكثر
واذا بتقعدين بقهوة بالجو الحلو والمنظر الاروع والناس رايحة ورادة جدامج يعني يصلح حق خزنا احنا البنات عندج مارينا كرسنت كلها كوفي شوبس بانواعها << طب وتخير
وسلامتج

 

[فرونة]

شوفي عندنج سليل الجهراء على هالرابط:http://www.syaaraat.com/userimages/saleel.gif
:68_asmilies-com::68_asmilies-com:
http://q8soog.com/userimages/saleel_block.gif

www.friends-qtr.net/uploads/37d1c9b35e.jpg[/IMG]

 

[حناينq8]

أهم شي نبي رايج عقب ما ترجعين من الكويت


وحياج الله بديرتنا حبيبتي

 

[سارونه87]

ماقصروا البنات كفوو وفووا
وحياج الله بديرتج الثانيه

 

[غير كل الناس]

الاسواق عندج الافنيوز والكوت وكويت ماجيك والمهلب

هذا الصراحه حلووو


اما المنتزهات

عندج الشعب والمدينه الترفهيه اما الفنادق ماعندي فكره والله

وانشالله البنات يفيدونج اكثر

واجازه سعيده

وحياج الله بديرتج الثانيه

 

[صاحبة البلاط السلطاني]

للعبي في مجمع النقره الشمالي اسعارهم جيده لا تروحين العربيد العبي هناكcheap موراقيه وفي مجمع الأيوب أذا تبين الرخيص بس اذا تبين الغالي والراقي في عندج المتحجبه بمجمع الكوت

 

[مطيريه ماركه]

هلا فيج أختي حياج الله بالكويت

أحلى شي بديرتنا المطاعم والسوق

واحلى وقت تزورين فيه الكويت هالوقت الجو حلوو

الأسواق عندج : المارينا مول ، سوق شرق ، الأفينيوز، الفنار ، البستان ، تالا ، ليلى جاليري ،البستان ، مجمع زهرة

روحي مجمع منيرة بتلقين بجايم ولبس رخيص وحلوو

حولي : مجمع النقرة الشمالي والجنوبي لبسهم حلو وبسيط ، المهلب ، مجمع العثمان ، بلازا ، السندس ، الأيوب

الفحيحيل : أجيال ، المنشر ، الكوت

بو حليفة : كويت ماجيك وعندهم بعد منتزه ع البحر

الفروانية : العربيد بلازا ، الحمرا مول هم بتلقين دراريع عندهم ،المغاتير بتحصلين فيه جناط وساعات حلوة

سوقة الجهرا خواتي يمدحونها وإلا أنا مارحت لها مثل الوافي ، الخيمة مول ،وفيه مجمع جديد مادري افتتحوه وإلا بعد اسمه صحارى على فكرة فيه فندق

تبين دراريع ذربة روحي العربيد للدراريع موقعه يم جمعية الفروانية مو بعيد عنها أنا توني قبل جم يوم رحت وخيطت لأمي جم دراعة وأسعارهم معقولة < موديلات بسيطة

تبين فخامة روحي مجمع الأوقاف ( شارع القاهرة )

أماكن تمشي وتغيير جو روحي شاطيء الشويخ صج الجو بارد شوي بس هالبحر هادي نوعا ما ، شارع الخليج يرد الروح تمشوا فيه العصاري روووعة بس بالليل غمتة من الزحمممممممممممة

المركز العلمي روعة ومتطور وبتستانسون فيه ، المدينة الترفيهية فيها العاب ومحلات ومطاعم والإثنين مخصص للنساء ، حديقة الشعب فيها ألعاب كذلك ، مرح لاند الصباحية ، حولي بارك بعد ألعاب وفيها مكتبة جرير

ابراج الكويت فيها مقهى ومطعم الأفق اللي مايزور الأبراج ماشاف شي بالكويت

تبين فندق عندج بطول بهالرد ولج حرية الإختيار يعني مو إلا بنص الديرة لأن الكويت كبر عيني والبعيد تقربه السيارة

قبل تجون الكويت اتصلوا لأن الحين هلا فبراير ويالله تلقون لكم حجز نصيحة عشان ماتوهقون

هوليدي ان السالمية : +9651840004

فندق كورت يارد ماريوت

+96522997000

موفنبيك < وهم هذا حلو وأحلى شي أنه بمكان هادي ويمج محلات ماركات

+96524610033

ميرديان

+96522543164

شيراتون

+9652433772

جي دبليو ماريوت " أنصحج فيه مجربة أكلهم " < بطينية

+96522428575

كراون بلازا ( الفروانية )

+96524742000

هذي الفنادق إذا تبين شقق فندقية وراقية أنصحج في بو دل للأجنحة الفندقية

0096525757999

ترا حجوزاتهم مضبووطة

نجي للمطاعم تبين مطاعم أكلات كويتية

عندج فريج صويلح

تشيليز < يم ابراج الكويت

فدركرز ، ،هارد روك ،أبل بيز << على شارع الخليج

مطعم البردوني بالسالمية أكلات لبنانية

ميس الغانم < شارع الخليج بس عيبه ماكو كباين بس المطعم روووووعة رووووووعة

برج الحمام < هم على شارع الخليج واكله يوناني بس عيبه طبق اليوم ماكو غيره جم مرة اروح وأنجبر آكل طبق اليوم ههههههههههه عاد مادري تغيروا والا بعدهم جذي

مطعم زوربا ههههههههههههه هالمطعم اكلي منه واكسري صحنج هالمطعم يوناني

وحياج الله بالكويت من نقبلين لين تردين ديرتج