من مطبخي لابني الغالي بالصور

[ab_q8]

اكيد بعض البنات يواجهون مشاكل فى طرق اختيار الاكل للاطفال خصوصا بعد الفطام والتنويع بالاكل انا وحده منهم تعبت من ولدي عسى ربي يحفظه ما ياكل ابد مهما اسوي عمره سنه وتسع شهور عسى ربي يخليه لي ويحفظ اعيالكم طبعا انا اجتهد بالاكل والباجي على الله سبحانه وتعالي عشان جذي راح انزل كل يوم الطبق اللي اسوي له بالصور واللي حابه تشارك تنزل لنا طريقة الطبق بالصور والمقادير عشان الكل يستفيد سويت له هذي الوجبه لما قعد من النوم العصرالغالي تفرج على الاكل وقام وان شاء الله راح ياكل لما يتعود يشوف الاطباق

سويت له فطاير زعتر وجبن
المقادير :-
3 اكواب طحين + ربع كوب حليب بودر + ملعقه كبيره خميره + ملعقه صغيره ملح + كوب ماء + ربع كوب زيت + صفار بيضه
الطريقه
اخلطي جميع المقادير مع بعض واتركي العجينه لما يتضاعف حجمها
قطعيها كور صغيره افردي كل كوره بالحجم المناسب وحشيها بالجبن اما الزعتر افرديها ورشي الزعتر فوقها دخليها الفرن لما تستوي وهذا الشكل النهائي

[url=http://www.gulfup.com/]

[/url]

انا قدمتها له مع عصير برتقال وحبة عرموط ولا فكر ياكل وعندي امل ان شاء الله ياكل
هذا الشكل النهائي

[url=http://www.gulfup.com/]

[/url]


بانتظار ردودكم

 

[@ام يوسف@]

الله يحفظ لج ولدج ومشكوووره

 

[ab_q8]

الله يحفظ لج ولدج ومشكوووره

اسعدني مرورج وعسى ربي يحفظ لج عيالج وننتظر مشاركتج

 

[hooryah q8]

شالسنع
كل اليهال جذي ترا يبيلهم وقت بالاكل و طولت بال

 

[فرفورهـ]

يخلاته ويحلات اكله عسى ربي يخليه لج

 

[queenbeeuty]

الله يحميه و يحفظووو

 

[ريح قهوه]

لاتحاتين اذا توج فاطمته راح ياكل بس نصيحه لاتحنين عليه راح يعند ويتدلع لانه محتر يبي يتزعل عشان تردين له الممه شوفي عطيه طاف واكلي قدامه ولاجنه موجود صدقيني راح يحتر وراح هو بنفسه يطلب انج توكلينه وخليه حتى لو ماكلا نص يوم صدقيني الجوع راح يخليه يستسلم واصبري عليه شهر بالكثير راح ياكل البيت بكبره اسم الله عليه عسى الله يبلغج فيه واخر نصيحه لا ادلعينه لانه راح يتدلع ويغثج

 

[<<لمار>>]

الله يخلية لكم ويفرحكم فية ماعلية كل اليهال جذي يعاندون بالاكل انتي تابعي صحتة ووزنة اذا طبيعي خلية ياكل شهوتة لاتغصبينة

 

[ريف الخفوق]

الله يخليه لك بس ايش العرموط

 

[مشتاقة الى الله]

تسلم ايدج وطباخج
وان شاء الله ياكل ويستمتع بهالوجبة الذيذة

 

[اماني معتوق]

ماشالله عليش الله يعطيج العافيه ويخلي لج ولدج يارب

 

[فتون777]

ماشاءالله حلو ومرتب بس اصبري واعطيه حديد مده ثلاث شهور بس وشوفي كيف يصير ماراح تشتكين من اكله

 

[ام حاتم *]

الله يخليه لج

 

[aldanaha]

الله يخليح اولدج وتفرحين فيه يارب
بس نصيحه فطاير واهوا بالعمر عيين
انصحج بالخضار المسلوقه العيج تحطينه بالخلاط يمكن تقولون اكبير بس تبقى نصيحه شكرا

 

[مولاي الفرج]

تسلم ايدج والله يخليه لج

بشري قام ياكل ولا لا

 

[ab_q8]

بنات انا اقصد من الموضوع هذا كل وحده تدخل تكتب لنا طريقة وجبه وحده مفيده بس بالصور والمقادير والله يخلي اعيالكم مشكورين على الردود

طبق اليوم الغدي هذى مكوناته شوربة الشوفان والخضار + المعكرونه

بصل + ثوم + زبده + شوية كمون + كزبر + كركم بعد ما نحمسهم نضيف لهم الخضار اللى بالصوره وقبل ما تستوي الخضار نضيف لهم الشوفان ملعقتين او حسب الكميه اللى عندج وهذي صور الخضار



وهذى المعكرونه حمسة بصل + طماط + ثوم ونضيف لهم معجون طماط حسب كمية المعكرونه وبعد ما يتجانس نضيف المعكرونه وهذا الشكل النهائي

 

[خاطره]

الله يخليه لج يارررب

 

[noora_333]

الله لا يحرمج الاجر والله اني استفدت خوش موضوع بالصور والمقادير لليهال صج حلو ويستحق التثبيت انا بعد احتار وايد فى اكل اليهال ياريت الكل يشارك لو بطبق المقادير بالضبط والصور نبي تنويع فى التغذيه لعيالنا انا سويت شوربه الشوفان والخضار روعه تسلم الايادي وبانتظار اليديد منج :ggdw:

 

[!!انا!!]

عليه بالعافيه بس عندي ملاحظه

ولدج صغير تعطينه

العرموطه على عدالها

احس خطره عليه لا يقص

ابشريها بالمبشاره احسن

وعجبتني الطاوله والكراسي الصغار على قده يحليله

 

[nono78]

عيالي بالغلط ياكلون
اكثر اكلهم بسكوت دايجستيف وحليب
كورن فلكس
جكن ناقتس بس اسوي من غير زيت بجهاز تيفال
قمت اسويلهم ذره اكواز المثلجه بجهاز البخار

وتحت التهديد الايبود والايباد

يالله غصب ياكلون يا عيش او معكرونه ولا شوربه او سلطه
او عل الاقل صمونه فيها جبن