من نصائح ال bbc ،،، كيف تصبح نحيفا

[أإأم روويم]

شاهدت عدة حلقات من BBC المجموعه عن حقائق عن الاكل the truth about food

و الحلقه اللي شفت انها اهم وحده اتكلم عنها بوضعنا الحالي هي how to be slim

كيف تصبح نحيفا



شاهدت الحلقه و حاولت بقدر الامكان ارتب لكن النقاط

بعضها بسهب عنها شوي و بعضها بسهب فيها واجد

و اتمنى تكون معلومات مفيده للجميع و اعذروني لو هذرتي واجد

او صار مني تقصير او نسيت شي بس بحاول قدر الامكان احط كل النقاط اللي قالوها

و اعذروني عن النقاط اللي ما تناسبنا كمسلمين ما بتطرق لها

*********

هذا برنامج وثائقي قائم على ابحاث طبيه من مراكز معروفه عالميا و مذكوره

اسمائها بالوثائقي في الكريدت بنهاية الحلقه وانا تاكدت منها

فاللي تبي تشكك انه مجرد خرابيط تروح تكتب اسم الحلقه باليوتيوب او

موقع البي بي سي و تتاكد من اسماء مراكز الابحاث و تقرا عنها ولا تجي

تغثنا هنا بكلام ماله داعي. انا ما الزمت احد يتبعها حرفيا

اذا ماعجبها تتركه وتخلي غيرها يستفيد


*********



بداية الحلقه وحده اربعينيه ضاع عمرها و هي تضعف و تمتن و من دايت لدايت

الى ان قررت انها بتستعين باستشاره طبيه و قاموا بتصويرها

بالرنين المغناطيسي و تصوير كميات الدهون خصوصا اللي تحيط باعضائها الداخليه
الهدف انهم يتخلصون من هالدهون الداخليه الخطيره و الخارجيه بنفس الوقت

و شرحوا انه الجسم فيه عدد معين من الخلايا الدهنيه اللي ينولد

فيها الانسان و كلما زاد اكله زاد انتفاخ هالخلايا لحد ما توصل

الخلايا ماتقدر تستوعب المزيد من الدهون ف يقوم الجسم

ينتج المزيد من الخلايا الدهنيه عشان تستوعب الزيادات

اللي الجسم قاعد يستقبلها

من كلى و قلب و رئه و رحم لانها هي اول المناطق اللي يتجمع عليها الدهون

و الهدف انهم يتخلصون من هالدهون الداخليه الخطيره و الخارجيه بنفس الوقت

فعلى مدى عدة اشهر كل فتره يعطونها نقطه وحده تمشي عليها مع شرح التجربه اللي

ادت الى اكتشاف هالنقطه و بالنهايه لين تعودت عليهم كلهم بتقدر تستمر عليهم كاسلوب حياه
​

 

[أإأم روويم]

النصيحة الاولى


تناولوا المزيد من البروتين


الدراسه اللي سووها بانهم اخذوا 3 اشخاص متساويين بالوزن و اسلوب الحياه

و حبهم للنقنقه بين الوجبات و جوعوهم 12 ساعه و بعدها حطوا كل واحد لحاله

بغرفه معزوله زي الحبس الانفرادي و واحد عطوه وجبه اساسها الكاربوهيدرات

النشويات و كانت مكرونه بالصلصه الحمرا بدون لحوم و الثاني عطوه

وجبه اساسها الدهون مكرونه بصلصة الالفريدو اللي اساساها الزبد والكريمه

و الجبن و بدون لحوم اما الثالث عطوه وجبه اساسها البروتين

الكثير من الدجاج المشوي و القليل من المكرونه

و بعدها حسبسوهم بدون اي اكل لمدة معينه و اعطوهم وجبه ثانيه

و اللي هي البيتزا المفضله عند الجميع و بنفس المقدار للثلاثه

فاللي اكل البروتينات هو اللي اكل اقل شي من البيتزا

و اللي اكل الدهون هو اللي اكل كل البيتزا ،،،


ما يستفاد من التجربه


اكثروا من تناول البروتين الخالي من الدهون خصوصا ع الفطور لانه بيخليكم

تاكلون كميات اقل خلال اليوم​

***********

النصيحة الثانية


تناول المزيد من مشتقات الحليب قليلة او منزوعة الدسم



كانت الدراسه على مجموعه من الناس خلوهم ياكلون يوميا

عدد معين من السعرات الحراريه و يغلبها الزبادي و الحليب و الجبن لاسبوع كامل

و كل يوم يحتفظون بخروجهم في دورة المياه وانتوا بكرامه و يودونه

للمعمل للفحص

و بعد الاسبوع عطوهم دايت بنفس السعرات الحراريه للدايت الاول

لكن خلاله ما تناولوا ولا اي من مشتقات الالبان و نفس الشي

يودون خروجهم وانتم بكرامه للمعمل للفحص يوميا و اكتشفوا

ان الفتره اللي كانوا ياكلون فيها مشتقات الالبان كان خروجهم

وانتوا بكرامه فيه دهون اكثر و الاسبوع اللي ما اكلوا فيه مشتقات

الالبان كان ناشف و اقل دهون

و كشفت التحاليل المخبريه ان كمية الكالسيوم هذي تختلط مع الدهون

اللي في الاكل و تحولها لسائل زي الصابون الجسم ما يمتصها و تطلع

بدورة المياه و انتم بكرامه



ما يستفاد من التجربه

تناول مشتقات الالبان قليلة الدسم والافضل الخاليه من الدسم

يخفف نسبة امتصاص الدهون من الطعام بنسبة 50٪ و يقوم

بالتخلص منها في دورة المياه و هذا يعادل تقريبا مابين

3 الى 5 كيلوجرام من الدهون سنويا يتخلص منها الكالسيوم​

 

[أإأم روويم]

النصيحة الثالثة​

الانتباه لحجم كمية الاكل و حجم الصحن و طريقة تناول الاكل في الحفلات والتجمعات​

سووا تجربه على مجموعه في السينما عطوا نصهم بوب كورن حجم ​

كبير و نصهم حجم متوسط و بعضهم فريش و بعضهم قديم​

و مقحم و ماهو لذيذ و اثبتت الدراسه ان الواحد دامه يشاهد​

وهو ياكل بدون وعي بياكل اي كميه يعطونه وياها مهما كانت​

حتى لو ماهو لذيذ و ماعجبه ،، دامه موجود بياكله طالما مو منتبه​

و التجربه الثانيه​

كلما زادت زحمة الناس مثل المناسبات والاعياد و كلما زادت خيارات الاكل على السفره او مثل البوفيه المفتوح زادت كمية الاكل​

مايستفاد من التجربتين​

حطوا اكلكم في صحن محدد و صغير و لا تضيفون عليه مره ثانيه​

و اذا تعددت خيارات الاكل لا تاكلون اكثر من 3 انواع والا بتفرطون بالاكل​

**********​

النصيحة الرابعة​

تناول الحساء او الشوربه يساعد بنزول الوزن​

التجربه​

جابوا 4 اشخاص مو ماكلين 12 ساعه و قسموهم فريقين​

كل فريق في سياره و بيمشون في خط بالبر​

لا محطات ولا ناس بس الحر و طريق طويل جدا و مايوقفون لين​

يحسون بجوع شديد يمنعهم من الاستمرار​

و قبل الانطلاق الفريق الاول عطوه وجبه من دجاج و خضار و ​

عطوهم معاها كاس من الماء واما الفريق الثاني عطوهم نفس الوجبه ​

بالضبط بنفس المكونات و السعرات و لكن الفرق انهم ضربوا​

الاكل بالخلاط مع كاس الماي و سووه شوربه​

و بعد مسافه معينه الفريق الاول توقف من الجوع و بعده بساعه​

كامله الفريق الثاني توقف من الجوع​

ما يستفاد من التجربه​

تخيلوا المعده مثل المصفاه او المنخل او المشخال فاذا اكلتوا​

الاكل الصلب و شربتوا كاس الماي بينزل الماي من المشخال بسرعه​

و بيظل الاكل في المعده ينهضم لحاله و ينزل​

اما اذا في حالة الشوربه الثقيله فلو صبيتوها في المشخال​

من ثقلها بتحتاج وقت اطول عشان تنزل من المشخال و بالتالي​

بتظل فتره اطول بالمعده و تعطي احساس اطول بالشبع​

 

[أإأم روويم]

و بعد انتهاء المدة المحددة لتطبيق هذه النصائح بالتدريج

سووا للحرمه اللي تكلمنا عنها بالبدايه فحص و خفت 40٪ من

كمية الدهون اللي كانت تحيط باعضاءها الداخليه

و تعدلت صحتها و نفسيتها و كانت التغييرات بسيطه بحيث

قدرت تعتمدها كاسلوب حياه بدون ماتعتبره دايت او تزهق منه




انتهى التقرير عن الحلقه

******************







معلومتين سمعتهم بحلقه ثانيه في ال BBC بعنوان

The big fat truth abot low fat food

يعني حقيقة الماكولات الجاهزه اللي مكتوب عليها قليلة الدسم

اللي متوفره بالسوبرماركت





و لان الحلقه مافيها الا هالمعلومتين ماحبيت افتح موضوع كامل عنها


*********


نصف كوب من كورن فلكس سبيشال كي special k

مع نصف كوب من الحليب منزوع الدسم به كمية من السكر

تعادل نصف كوب من الايسكريم. ?



*************



عند تناول المشروبات الغازيه او الساخنه بسكر الدايت

فان طعم السكر بالفم

يعطي الجسم الايحاء بان هناك طاقه ستاتي مع السكر

لاستهلاكها و لكن السكر الدايت لا يعطي طاقه فهو مجرد

طعم في الفم فيجوع الجسم بسرعه بعدها ليحصل على

الطعام للحصول على الطاقه فيؤدي ذلك للزياده في كميات

الطعام المتناوله و هذا يخرب الدايت




التجربه

اخذوا لاعبين فريق كرة قدم و قسموهم بالنص بعد التمرين

النصف الاول خلوهم يشربون الكميه اللي يبونها من مشروبات الدايت

بعد التمرين و النصف الثاني خلوهم يشربون نفس

المشروبات لكن مو دايت

و بعدها سمحوا للمجموعتين بتناول كل الاكل اللي

يشتهونه بدون حدود من نفس البوفيه بشرط انهم يكتبون

كل شي ياكلونه بالتفصيل الممل عشان يتم حساب السعرات

اللي تناولتها كل مجموعه

فوجدوا ان المجموعه اللي شربت المشروبات الدايت تناولت

كميات سعرات حراريه اعلى من المجموعه الثانيه بمتوسط

142 كالوري للشخص الواحد



******



يصنع محسن العجين اللي ينحط في الدقيق

حق الخبز و المعجنات والبيتزا عشان يزيد حجم نفختها

و ثبات النفخه و بياض لون العجين في اوروبا من ريش البط

اما المصنع في الصين و ڤيتنام فيصنع من شعر الانسان​

**************


الموضوع منقول للافادة

من منتدى عالم حواء

 

[حنانو 89]

يعطيييييج العااافية حبيبتي الموضوع حييييييييييييييل مفيد

 

[modern]

واااااو موضوعك جداً رائع و مفيد
بس آخر معلومة ما فهمتها!!

 

[Sleepyprincess]

ثانكيوووو خووووش معلومات تسلمين حبيبتي عالنقل

 

[Anestazya]

مشكوووره

 

[أإأم روويم]

منووورين

 

[Môre N!Ce]

يصنع محسن العجين اللي ينحط في الدقيق

حق الخبز و المعجنات والبيتزا عشان يزيد حجم نفختها

و ثبات النفخه و بياض لون العجين في اوروبا من ريش البط

اما المصنع في الصين و ڤيتنام فيصنع من شعر الانسان

اي ، يعني شنو ؟؟؟

مشكورة الله يعطيج العافية ..

 

[متجر جنات عدن]

يعطيج العافيه على هالموضوع

 

[Mrs_Efron]

نصف كوب من كورن فلكس سبيشال كي special k

مع نصف كوب من الحليب منزوع الدسم به كمية من السكر

تعادل نصف كوب من الايسكريم. ��

weh weh weh my diet buddy 3ad

 

[احبك يايمه]

شكررررررررررررررا عالمعلومات بس وشو محسن العجين

 

[دبدوبه عوبه]

يعطيج العافيه ع النقل