من ولية امر الى... المدرسات ..

[@سوسن@]

السلام عليكم

ه الموظوع بيكون مختلف في قسمكم بيكون لي ولكل وليات الامر

بسألكم الله يعطيكم العافيه انا ام لطالب برابع ابتدائي وخايفه انه يرسب للامانه مافي تأسيس وقاعده
اتعب وياه وابيه ينجح ويتميز والحمد لله الامور تمام

وشنو المفروظ علي اسويه؟

ونو نوع العلاقه اللي المفروظ تكون بيني وبين المدرسه ؟

هل اتواصل معاهم في اجتماع الامهات وشنو المفروظ علي اقوله؟

للامانه اول تجربه لي ومتوهقه .مره رحت وفت الامهات يترجون الابلات مادري والله ماكلمت ولا ابله ومايعطون وجه والله يعينهم يلحقون على منو والا منو

ياليت تنصحوني خواتي المدرسات باختصار ما المطلوب مني ؟؟:eh_s(22):

 

[بنات حواء2]

حبيبتي يحقلج تتكلمين مع الابلات هذا حقج و حق الطلاب عليهم مو فضل منهم المفروض انج تتناقشين معاهم مع المشاكل الي تشوفينها موجوده عند ولدج لا تستحين من شي هذا واجبهم مو فضل منهم و الله يوفق وليدج يارب

 

[بنات حواء2]

احب اضيف نقطه مهمه حاولي تتبعين اسلوب مختلف في تدريس ولدج او مراجعة ما تعلمه حاولي انج تستخدمين طريقة اللعب

 

[samara20001]

الله يعينك حبيبتي بس اصابعج مو سوا في معلمات قديرات ويتعبون مع عيالنا ويدرسون بذمه وضمير وهذي الأغلبية وفي مثل ماقلتي بدون تأسيس ولاذمة ولا ضمير

 

[PuPa^^SWeeT]

حبيبتي معاج حق انج اتخافين على ولدج


وانا اقولج روحي و سالي الابلات و خليهم يركزون علييه

ترا لاتلومين الابلات ممكن شوية منهم مهملات بس الباجين يحاولون كثر مايقدرون


بس صعبة خصوصا المناهج اليدييدة لها تايم و توقيت معين اتخلص فييه

تتعب الابلة و خصوصا اذا اولاد



انتي روحي للابلة و شرحي الموضوع للابلة بحضور الاخصائية

وطلبي من الاخصائية انها اتدير بالها عالولد نقلو مكانه اذا كان اخر الصف


وانشالله كل شي يتم باحسن مايكون و ينجح

 

[قاهره عذالي]

انا اشوف تجيبين له مدرس خصوصي يعلمه بالبيت او مدرسه للتأسيس احسن
لان كل طلبة الابتدائي جذي الحين

 

[@سوسن@]

الله يعطيكم العافيه حبيباتي ما قصرتو

كلامكم صحيح انا اعرف وحدهتتكي من وليات الامر تقول ازعجونا ولدي وولدي ما صارت

وطرى علي اني ما اروح نهائيا والله لاتستغربون قلت بعيد لبعيد ماابيهم ينزعجون ويحطون عليه للامانه ها كان ظني في البدايه

يمكن لاني اول تجربه كنت اروح قبل ايام ماكان في بدايات سنوات التعليم بس ما كنت مهتمه حيل بالتواصل كثر ما كنت اهتم فيه في البيت ولا يهمني حتى التقييم كان تركيزي ع الرايايات والعربي والانجليزي والتربيه الاسلاميه وهم ظاغطه عليه في الصيف
باتقويه انا اللي اقيمه انه ممتاز بس بما انه في رابعه بديت احاتيه .
الله يعطيكم العافيه ابلاتنا

 

[:: Diva ::]

اختي اهي مو سالفة تأسيس
اهي سالفة ملف انجازي


يدز اليهال و ينجحهم حتى و ان كانوا ما يعرفون يمسكون القلم
يوصل رابعه فجاه اختبارات و توزيع و كتابه !!!


الله يعينج
اما انتي تمسكينه يوميا تعيدين و تزيدين و تأسسين او تحطينه عند مدرس معتبر
او نادي تأسيس و الله المستعان

 

[@سوسن@]

الله يعطيكم العافيه وعساكم على القوه ولا خلا ولا عدم كل اللي ردو كل وحده باسمها

خواتي المتابعات هالموضوع مو شخصي كل ولية امر تقدر تستفيد منه وتسأل المدرسات عن اي شي بخاطرها والله يعطيهم العافيه ابلاتنا و مقصرين

تحياتي

 

[PuPa^^SWeeT]

شصار على ولدج

رحتي ؟؟؟


و شنو قالولج

 

[RowTow]

و عليكم السلام و الرحمه

إختي آنا أدرس رياضيات الصف الرابع. هالمرحله حيل حساسه لأنها أول مرحله يختبرون فيها التلميذ.
فيحس إنه ضايع, و الأهل اللي كانوا ما يهتمون بأول 3 سنين لأنه ملف إنجازي راح ياكلونها للأسف.

شوفي احنا كأبلات للأسف ما نقدر نسوي أكثر من اللي علينا, يعني احنا نجابل الصف الواحد 40 دقيقه باليوم و نحاول إن ما نطلعهم من الصف إلا فاهمين. بس الرك عالبيت حبيبتي, المنهج الجديد مستحيل يخلي التلميذ ينجح من غير متابعة يوميه من البيت.
أهم شي حق الرياضيات حفظيه جدول الضرب, و خليه يراجع الطريقه اللي تناسبه لإيجاد الناتج إذا نسى.
خليه يحفظ القوانين اللي خذوها ألحين حجم مساحه مسافه.....

آنا عندي 7 بنات ساقطين بصفي, ما جتني و لا وحده من أمهاتهم تسأل عنهم.
البنات بالمنطقه اللي أدرس فيها عايشين بعالم ثاني.
عندي بنت ما تعرف حتى تكتب, تشخبط على ورقة الامتحان. مأساه هالبنت.
و هذا للأسف من منتجات الإهمال و الملف الإنجازي.

الله يوفق ولدج.

 

[نآعمـه]

.
وشنو المفروظ علي اسويه؟
المفروض انج تراجعين لولدج دروسه تساعدينا بعد بتدريسه
تقعدين معاه الجمعة والسبت تقوينه بالمواد الضعيفه

ونو نوع العلاقه اللي المفروظ تكون بيني وبين المدرسه ؟
دايم تسألين عن ولدج تبينين انج مهتمه فيه خايفه على دراسته
مو ضعيف بالتأسيس وحاذفته لا تسألين ولا شى انا كـ معلمة
لو شفت طفل جذي وامه ما تسأل مع احترامي لج بقول شنو
هالاهمال ..!!

هل اتواصل معاهم في اجتماع الامهات وشنو المفروظ علي اقوله؟
تسألين عن مستوى ولدج ,, ليش اهو ضعيف تشوفين امتحاناته
تكلمين المدرسات تحضرين اول بأول لاجتماعاتهم مو تاركه الحبل
ع القارب وتبينه ينجح ويتفوق ويتميز بعد !!​

 

[طالبة1990]

والله المشكلة بالمناهج

بس ع فكرة الابلات يفرحون اذا شافوا ولية الامر مهتمة وتسأل عن ولدها

مستحيل اكو معلمات تتضايق من هالشغلة


بس بالنسبة للمنتهج فكثلفتها مو طبيعية

الله يعييننا ويعيينكم عليهااا


ي

 

[MISS SUGAR]

تواصلي مع المدرسة اول باول
وروحي اجتماع الأمهات .....
وراجعي معاه اول باول ... لأن لازم تأسيس ....
أسسيه ألحين وبعدين راح ترتاح ....
الله يوفقه وينجحه .....

تقبلي مروري ..... شكرا....

 

[pop_corna]

سوي لولدج مراجعه يوميه وبتعرفين نقاط ضعفه وروحي لابلته طلبي انها تركز عليهم .... وطريقتج مع ولدج خل تكون اخذ وعطا

 

[exanon]

حبيبتي سألي الأبلة مباشرة وين نقاط ضعف ولدج بعدين حاولي انج تعالجين نقطة نقطة معاه
وتواصلي معاها دايما لين ما تحسين انه ولدج صار أوكي

 

[@سوسن@]

شصار على ولدج

رحتي ؟؟؟


و شنو قالولج

شصار على ولدج

رحتي ؟؟؟

اي ياقلبي رحت وكلمت الابلات كلهم وكلهم يمدحون فيه والحمدلله تقديره حيل حلو
بس اللي تعبني بصراحه ولاحظت على الاطفال اللي في عمره عيال خواتي ورفيجاتي نفس الملاحظه

خصوصا رابعة ابتدائي عندهم شوي لامبالاه مو حاسين بحجم المسؤوليه ومو فاهمين علشان ننجح لازم ندرس ونتعب على بالهم نفس المراحل اللي يقبل سهالات ياحرام والله مقطعين قلبي

والحنمدلله اسسته من جميع النواحي تقريبا الحمد الله الامور تحت السيطره

مشكوره حبيبتي على السؤال والاهتمام وسوري على التأخير في ردي

 

[@سوسن@]

و عليكم السلام و الرحمه

إختي آنا أدرس رياضيات الصف الرابع. هالمرحله حيل حساسه لأنها أول مرحله يختبرون فيها التلميذ.
فيحس إنه ضايع, و الأهل اللي كانوا ما يهتمون بأول 3 سنين لأنه ملف إنجازي راح ياكلونها للأسف.

شوفي احنا كأبلات للأسف ما نقدر نسوي أكثر من اللي علينا, يعني احنا نجابل الصف الواحد 40 دقيقه باليوم و نحاول إن ما نطلعهم من الصف إلا فاهمين. بس الرك عالبيت حبيبتي, المنهج الجديد مستحيل يخلي التلميذ ينجح من غير متابعة يوميه من البيت.
أهم شي حق الرياضيات حفظيه جدول الضرب, و خليه يراجع الطريقه اللي تناسبه لإيجاد الناتج إذا نسى.
خليه يحفظ القوانين اللي خذوها ألحين حجم مساحه مسافه.....

آنا عندي 7 بنات ساقطين بصفي, ما جتني و لا وحده من أمهاتهم تسأل عنهم.
البنات بالمنطقه اللي أدرس فيها عايشين بعالم ثاني.
عندي بنت ما تعرف حتى تكتب, تشخبط على ورقة الامتحان. مأساه هالبنت.
و هذا للأسف من منتجات الإهمال و الملف الإنجازي.

الله يوفق ولدج.

فعلا كلامج صحيح التراكمات مشكله انا الحمد الله من قبل الابتدائي والروضه دخلت عيالي الباكستنيه للامانه اسسوهم ع الرياضيات والانجليزي والحمد لله ماتعبوني في هالمادتين ..وايضا باول السنوات كان يهمني التأسيس خصوصا الضرب والقسمه وهالسوالف لانها اساس الرياضيات
والحمدلله مرتبه اموري معاهم
تسلمين ياقلبي ع الاهتمام في الموضوع واسفه ع التأخير

 

[@سوسن@]

.​

وشنو المفروظ علي اسويه؟
المفروض انج تراجعين لولدج دروسه تساعدينا بعد بتدريسه
تقعدين معاه الجمعة والسبت تقوينه بالمواد الضعيفه ​

ونو نوع العلاقه اللي المفروظ تكون بيني وبين المدرسه ؟
دايم تسألين عن ولدج تبينين انج مهتمه فيه خايفه على دراسته
مو ضعيف بالتأسيس وحاذفته لا تسألين ولا شى انا كـ معلمة
لو شفت طفل جذي وامه ما تسأل مع احترامي لج بقول شنو
هالاهمال ..!!​

هل اتواصل معاهم في اجتماع الامهات وشنو المفروظ علي اقوله؟
تسألين عن مستوى ولدج ,, ليش اهو ضعيف تشوفين امتحاناته
تكلمين المدرسات تحضرين اول بأول لاجتماعاتهم مو تاركه الحبل

ع القارب وتبينه ينجح ويتفوق ويتميز بعد !!​

مشكوره حبيبتي ع النصايح وهذا تقريبا اللي اسويه بس ماكنت عارفه الابلات شيبون بالضبط

وولدي اساسا مو من النوعيه اللي يسوي مشاكل كنت اروح للاجتماع ما يمدي اتكلم كلمتين يردون الابلات باختصار بدون تفرع مايمديني اسأل سؤال ثاني الا مداحرتني وليه امر ثانيه .ياليت يغيرون هالطريقه يعني يخصصون صف معين الامهات قاعدين في كراسي وحده ورى الثانيه يسألون اللي يبون مو بهالطريقه الله يعين المدرسات وليات الامر مذابح عليها والله اشوفها مسكينه مدودهه كلمة مني وكلمه مناك ...

مشكوره ثاني مره

 

[@سوسن@]

حبيبتي سألي الأبلة مباشرة وين نقاط ضعف ولدج بعدين حاولي انج تعالجين نقطة نقطة معاه
وتواصلي معاها دايما لين ما تحسين انه ولدج صار أوكي

فعلا كلامج صحيح ياليت يكون اللقاء بهالطريقه مرات اروح ايام عاديه علشان نتكلم بهدوء وبتركيز اكثر بس الابلات مايحبون هالشي وانا ما الومهم اكيد وراها حصص