من وين القى حق بنتي بدله حق 25-26 فبراير

[Janna-q8]

بنتي عمرها شهور توها صغيره و ابي لها بدله كيوووت حق اليوم الوطني

دلوني اذا سمحتوا على معارض تبيع بمقاس بنتي و سعرهم معقول

 

[غـلآوي ّ ~]

عندج التاجره مدام فاشن بيتها بالقصور تهبل نفانيفها للجهال

http://www.q8yat.com/u93634.html

 

[غـلآوي ّ ~]

ايييي وعندج معرض افكاري بالري فيه شكثرر بس مادري عن الاسعـآر

 

[الملكة فيكتوريا]

شوفي سوق المعلم امس مزين بالاعلام

وفيه بجايم حلووه وع الظهر مكتوب اشعار " حمرا مواقعنا وخضرا ......"

دوري يمكن تلقين بدل

 

[Janna-q8]

مشكورن غلاوي و فيكتوريا ... باخذ بنصيحتكم و اشوف... و اتقبل اراء اخرى بعد اذا اكو اماكن ثانيه

 

[عاشقة الخيل]

آفكآآري تلقين وشغلهم حلو

 

[صادقة بكلمتي]

افكاري فيه بس احسهم الاسعار وايد عليهم ما ادري ليش؟يعني مرة شفت عندهم على اربعين وايد هم يهال حرام ع بدله
ان شاء الله البنات يفيدونا بعد كلنا للي يعرفون

 

[بواسم]

اختي شوفي مواضيعي عندي من عمر المولود الى xxl

لجميع افراد الاسره

http://www.q8yat.com/t1001165-2.html

 

[لاندري كالسيوم]

ممكن الفريق يصممها لج وشكرا

 

[رتبه دبلوماسيه]

افكااري

 

[سلاسل ذهبيه]

بنتج الله يخليها لج صغيره اشتري لها تي شيرت كم طويل ولبسيها ع بنطلون جنز ودلاغ اخضر وجوتي احمروباند او تاج كروشيه اللوان العلم انا عندي باندات عليهم وردات جوخ اللوان العلم ,,,

 

[Janna-q8]

اوووكي مشكورييين بس مابي بصراحه اربعين وفوق!!! يبيلي فره والله و بشوف شغل التاجرات بعد

 

[manoooram]

حبيبتي مري على المعارض اللي يم مستشفى الأميري كاريزما - ديفا

 

[Janna-q8]

oook manoram thanx
بس يتراوالي غاليين هناك مو؟؟

 

[امل الكويت2011]

حبيبتي شوفي معرض افكاري

انا شفت اعلاناتهم بالجرايد شغلهم روووعه

ودقيت على اكثر من وحده اسعارهم واايد حلووه ويسون لكل الاعمار

​

 

[زعفرآنه]

اختي اشتري لها بلوزه علم الكويت و حطي فوقها بروش و دانتيل على الوان علم الكويت ونفس الشي الباند حطي عليه
وروحي عند ماكس مادري h&m في هناك تنانير صغار حيل كشكاش خامتهم تور في احمر واسود وهم بعد حطي عليها فيونكات وحركات جذي
واشتري لها هيلابوب
ترى هالحركه اناا سويتها السنه اللي طافت حق اختي الصغيره وطلعت اكشخ وارقى وحده فيهم

 

[Janna-q8]

صاجه زعفرانه فكرتج حلوووة حبيبتي
انا شفت اللي قلتي عنهم بس مافيه حق عمر بنتي

 

[شوقي وغلاي]

شوفي النمران سنتر كله حق اطفال ويفصل من عمر شهور واسعاره رخيصة ...

 

[زعفرآنه]

عاد انا امس رحت النمران بالسرداب تحت شفت آلاف من الموديلات يهبلون وروووووووعه بصراحه وتذكرت جنا ههههههه
قلت وينها لوتشوف هالنفانيف والبدل قمممممة الروعه وحركات يديده بس انا عاملت على ثوب يلبس 9 سنوات على 17 دينار
انتي بنتج صغيره الله يخليها لج اكيد السعر ارخص

 

[Pissy Missy]

وين صاير النمران ؟؟