من وين تشترون أشغالكم اليدويه عندج خبرة ماعندج خبرة تعالي نتبادل خبرات واستفيدي

[q8sweeta]

السلام عليكم


شلونكم وشخباركم عساكم بخير وعلى القوه


طبعا هذي اول مشاركه لي اهني وحبيت افيد وتستفيد ..و من وين تشترون اغراضكم اللي تستخدمونها حق حرفكم اليدوية والهدايا؟؟؟:gathering:

طبعا انا اشتري من محلات الهدايا اغراض..واشتري من حولي اللي فوق سوق المعلم. وهم اخذ من براات اذا سوالف ستراس وهل امور .:klhfl:

وشغلي لنفسي وللاهلي ورفيجاتي اسويلهم هدايا يعني مو بيع

ياله شاركونا بنات:eh_s(8):​

 

[supermarket]

اخذ من زهور الشرقية ومن المعلم فوق وساعات من دايسو لي لقيت شغلات تسوى

والبلوكات صوب الكلف

 

[bedour18]

مرات في سوق بو 100 فلس الاقي سوالف حلوة مثل ورود صغار او جياس

حلوين ينفعون

 

[q8sweeta]

يعطيكم العافيه بنات ومشكورين على الرد supermarket وbedour18عاد انا اسوي هدايا حلوه وتغليف عند بركات في جمعية الخالديه عليه فناتك وهم يسويلج اللي انتي تبينه بس كاسريه في السعر

 

[الاسطورية]

والله من كل مكان مرات اشوف اشياء ماتتخيلينها لاشغال يدويه بس تضبط
مثل االكسسوارات الجاهزه

والمعروف للاشغال اليدويه
بياع الورد بحولي

 

[q8sweeta]

مشكورة الاسطوريه ..اسم المحل بياع الورد؟ ويين مكانه

 

[ام مضاوي]

سرداب بياع الورد

واحيانا الاقي شغلات حلوه عند طيور الجنه

وبسأل المعلم اي صوب الي تلاقون عنده؟

 

[q8sweeta]

هلا ام مضاوي ..حبيبتي المعلم اللي في حولي اللي جبال الكترونيات الغانم يمكن!! بس جباله الشارع الثاني ..عرفتيه او
شفتي مطعم كناري اللي في حولي امشي قي شارع لين لفت فوق حدر اهو عنده على الشارع..طبعا فوق في سوق بو ميه وفي شغلات حلوة وتحت السرداب سوق شعبي ..والله كله نشتري منه فنايل وستكانات حلوه

 

[al7noona]

هلا حبوبه اكثر شي يشترون البنات من بياع الورد الي بحولي

مكانه جبال دار الشفا في عماره شوفي حاطين بياع الورد وزهور الشرقيه اهوا مكانه بالسرداب

 

[a7la_sanfoora]

انا اسوي الهدايا بنفسي بس احيانا استعين ببوابة الهدايا اللي بالخالديه ( حافظيني ههههههه كل يوم عندهم )
في محل بحولي مقابل مستشفى دار الشفا عنده سوالف حق الهدايا وهم في حركات حلوه ببلوكات وسوق بو 100
واحيانا تلقون علب وحركات حلوه بالمكتبه ( شفت بالشاميه سوالف حلوه وتنفع )

 

[q8sweeta]

مشكوريين al7noonaو a7la_sanfooraاي صج ترى فاتحين طيور الجنه في السالميه بعد يم بركات نفس صفة العماير

 

[ام مضاوي]

مشكووووره سويتا على الرد

 

[q8sweeta]

حياج الله حياتي ام مضاوي

 

[شسوى مليت]

موضوع حلوووو ومفيد ومن راييى يستحق التثبيت صراحه


مشكوره:tek:

 

[q8sweeta]

حياج الله شسوي مليت وتسلمين حبيبتي

 

[ام هجر]

موضوع حلو ومفيد صراحه .... عندج بياع الورد بحولي ومحل بالفحيحيل يم بيت أولادنا هم عنده شغلات حلوه

 

[بطاطة حلوة]

أنا آخذ أغراضي من الزهور الشرقية ومحلات بو100فلس وبركات ومجمع دسمان

 

[SILVER ROSE]

انت تقصدين التغليف وين نسويه والا الاشغال اليدوية؟ اذا الاشعال محلات بومية وسرداب حولي واذا التغليف بوابة الهدايا او القلعة

 

[SILVER ROSE]

اي صوب حبوبة بالضبط الخالدية

 

[q8sweeta]

هلا والله بنات...مشكورين على الرد

اي silver_roseقصدي الادوات وهم اذا تبون تغليف خارجي
منطقة الخالديه اللي فيها كلية الهندسه وكلية العلوم
داخل الجمعية او مادشين على ايدج اليمين محل تلفون ومحل مادري شنو ويم محل الهدايا في واحد هندي اسمه بركات طويل حلو تغليفه بس انا كله انشابه اسوي على كيفي وهو هم يعيطيني افكار وهم انشابه بالسعر لوول لاني زبونتهم يعني تغليفهم رخيص على 2ونص مع المكاسر طبعا ..وكاسريه على جنب مو جبال الزباين لوول عشان ماتخربين عليه