من وين تشترون بجاماتكم ؟؟

[**فلونه**]

قوه بنوتات


السؤال واضح .........


ترى البرد دخل علينا ونبي نكشخ بالبيت مو بس بالطلعه


انا خذيت للاشته بجامات من ومن سكرت اللي بالمهلب وتشكيلتهم اليديده روعه ؟؟

والعام خيت من الطاهر ناعمين وايد


وطبعا خذيت من الرخاص اللي بسوق السالميه الاحمر ؟؟ شحلاتهم بس لازم الواحد اجيك على المقاس عدل ........وفي الرخيص من 1ونص لي ال8 دك وما انصح احد ياخذ منهم بو ال8 روحوا ومن سكرت جوده و السعر تقريبا نفسه


وعندكم ايام الربيع اللي بالجنوبي عنده شغلات حلوه

وفي الحويش السالميه اللي اجبال المرينا بس ما انصح فيهم بالمرررررررررره حرام فيهم الفلوس العام خبوني فيهم وشريت منهم شكبرهم وفوق هذا اتوسعون بالغسيل وايد .

حلات البجامات كد ومد ولا شرايكم ؟؟


اي نسيت اقولكم الشبشب ( حلوه الشبشب ) العام خذيت من ايتام اللي بمرينا

وهل سنه من ومن سكرت حلوين

وبعد سوق السالميه الاحمر عنده موديلات اتونس حركات

والنصر الرياضي بعد عنده واسعارهم ارخيصه

وفي اللي على شخصيات اونسون بالعنجري



يالله كملوا تعبت

 

[**فلونه**]

رد : من وين تشترون بجاماتكم ؟؟

وينكم ؟؟؟

 

[غدير^الجنان]

رد : من وين تشترون بجاماتكم ؟؟

اممممممممم

انا اشتري من لاسينزا


ومن الهنادوه اللي بسالميه الحوش عند مجمع منيره


غسيل ولبس
ورخاص


عندي بجام صارلها 3 سنين والبسها صيف وشتا ولا خربت ولا شي

ومستحيل افرط فيها

خخخخخخ

 

[نفيشه]

رد : من وين تشترون بجاماتكم ؟؟

خوش موضوع
اهم شي البجامات الصراحة

انا بالعاده اخذ من لاسينزا
والمحل اللي بمرينا مول يم برومود
وسوق المعلم اللي بحولي من دينار ونص لي ثلاثه اعتقد حدهم
و السليبرز من لاسنزا ايننون او انور
اي ونسيت اقول لكم بعد دبنهامز و نكست بجاماتهم حلوة بعد
امممممممممممممممممممممممم

اذا تذكرت شي ثاني ارد واكتبه

مشكورة فلونة عالموضوع

و

 

[بنت العز]

رد : من وين تشترون بجاماتكم ؟؟

والله الموضوع شدني بصرااحه أنا اغلب بجاماتي من ماركس سبسر و ومن سيكرت و هم ساعات من لابيرلا و الاريج اللي في زهره بس هذيل أسعارهم نااار يم الباجي عشان جذي مااكثر بس انا في أمريكا فكله مطيحه بفيكتوريا سيكرت شغلهم روووووووووووووووووووووووووووووووووووووووووووووووووووووووووووعه اذا دخلتي ودج تخمينه كله ة ما تطلعين

 

[سمسميه]

رد : من وين تشترون بجاماتكم ؟؟

انا اخذهم من لbhs او ماركس سبنسر علشان قياساتهم كبيره وكد ولبس

 

[نفيشه]

رد : من وين تشترون بجاماتكم ؟؟

صح ماركس اند سبنسر فظيع وفيه كل شي

 

[سمسميه]

رد : من وين تشترون بجاماتكم ؟؟

وهدومه كد ولبس انا حتى الملابس الداخليه اخذها منه

 

[زيـنـه]

رد : من وين تشترون بجاماتكم ؟؟

موضوع حلو .. بالنسبه لي .. اول اخذ من الحوش اللي بالسالميه بس مو كل مره يكون عندهم شي حلو و بعدين صج رخيص بس جوده ماكو يتمقطون بسررررعه .. عقب هونت و قمت اخذ من وومن سيكرت خووووش شي .. و اللي طحت فيهم طلبيات من فيكتوريا سيكرت صج فيهم غلا شوي يعني البجاما مع السيلبر مالها يطلعون 15-20 دينار بس شي عليه القيمه و صج صج كد و مد ..
و سلامتكم و تعيشون

 

[حبيبي الوطن]

رد : من وين تشترون بجاماتكم ؟؟

لا سنزا وبس قصاتهم تينن

 

[جوريه]

رد : من وين تشترون بجاماتكم ؟؟

انا ماخذ بجايم من ملوت تجهيز عرسي للحين مالبستهم لان مانقعد بالشقه كله تحت بيت خالتي

 

[رفرف]

رد : من وين تشترون بجاماتكم ؟؟

انا اغلب بجاماتي من لاسينزا وعندي شوي من بي اتش اس وشوي من نيكست وشوي من ومن سيكرت وشوي من المعلم وهم شوي من لاند مارك يعني من كل بستان زهره ....

 

[أمل_UAE]

رد : من وين تشترون بجاماتكم ؟؟

انا اشتريت مجموعه حلوة من البيجامات ويا الشبشب والفوطه ماله من نعوووومي
وباخذ من فكتوريا سكرت قريبا ان شالله

 

[**فلونه**]

رد : من وين تشترون بجاماتكم ؟؟

هلا والله بكل بنوتات المنتدى الحلوين نورتوا الموضوع

ومشاء الله عليكم ...........كل شي حلو عندكم ..............ذكرتوني بأماكن رايحه عن بالي

bhs سوالفهم نااااااااعم بس موديلاتهم اهيا اهيا ماتغير وايد بس شغلاتهم روووووعه

مارك اند سبنسر السنه الماضيه شفت عندهم شغلات روعه وترددت ما خذيتها لما رجعت لاطاااااااايرين ...............كمياتهم وايد صغيره يعني اللي تعجبها قطعه لا طوفه .

سوق السالميه الحويش عندهم اكثر من صناعه اللي صناعتهم هنديه لووووووووعه انا اكتشفت بعد ماشريتهم انهم هندي ............وايد وايد يتوسعون بشكل مو طبيعي .

اي تذكرت عندكم بعد مجمع السندس عنده بالسرداب محل ملابس داخليه بضاعتهم حلوه .........وبعد بالسرداب في محل هنود كبير عنده شغلات حلوه بس ما جربته


بناااااااااااااااات سؤال محل نعومي اللي بالايوب اهوه نفسه محل نعومي الاصلي ولا بايقين الاسم ؟؟؟؟؟؟؟؟؟؟؟؟؟؟

واللي يطلبون من فكتوريا سكرت من وين تطلبون ؟؟؟