من وين تشترون ملابس الدوام

[Stay alive]

بنات عفيه سؤال يحوس في بالي وقلت ماكو الا خواتي كويتيات يجابوني عليه


تدرون الدوام وما يعمل

كل يوم لازم بدله غير شكل

وانا وحده احب العملي جنزات يعني وبلايز طويله لي الركبه

انزين بنات عفيه من وين اقدر اشتري وبأسعار معقوله وماتكون ضيجه

يعني دوام ما ينفع اشتري شي غالي لاني ابي اشتري بكميه وكل شهرين تقريبا لازم انزل للسوق واجدد

فــ حرام اشتري قطع غاليه ولا انتو شرايكم ؟؟؟

يالله كل وحده تدش اتقولنا من وين تشتري ملابسها وللأمانه هاا

نبي الكل يستفيد:ggdw:

 

[الكويت جنه]

مشغل الروشنه حددي لها سعر الي تبينه واهي اتسويلج كمية انا سوات هالشي

 

[ملاك-77]

وين صاير مشغل الروشنه ؟

والله انا اعاني نفس المشكله

 

[ام يوسف القمر]

للرفع

 

[تمنيتك]

بالنقره الشمالي في محلين اسعارهم ع 25 و 22 يعني .. حلوين

ستايهلم قمصان مع جنزات بس ذربه

 

[(كويتيه عسل)]

مجمع النقره الشمالي والجنوبي

مكودين عندهم القمصان اللي تبينهم اشكال والوان

على 5 وفي اقل من 5

عاد توني شاريه من مجمع النقره بلايز قطن طوال لحد الركبه

وفيهم على كتر تطريز بالالوان على فراشات وورد باردين للصيف

ومن حلاتهم خذيت منهم الوان خشيتهم للسفر البلوزه الوحده ب5 دنانير

وخذيت بعد بلايز قطن طوال موديلهم فلو فيهم دانتيل هابين فيهم الحين

حدددددددددددددهم ناعمين خذيت منهم افوايت وابيض هم على 5 دنانير

انا اشوف الحريم يكارسونهم ويشترونهم باقل من 5 بس انا مااعرف اكاسر

وعندج في السالميه بعد سطرت المحلات اللي صوب phs و mother care

ومركز العثمان وسنتر بونت اللي في السالميه

بس انا اكثر شي اشتري شي اشتري من السالميه ومجمع النقرا

 

[shaikhat elbnat]

مثل ما قلتي .. الدوام لازم بتجددين و تبين شي عملي و كل شوي بتغيرين فيبيلج شي رخيص او سعره على الاقل مناسب
خلي اغلب هدومج ساده عشان اتغيرين بالاكسسوار

عندج مجمع النقره بتحصلين بنطلونات و قمصان و بلايز على 5 دنانير .. اخذي من كل لون قطعه
عندج لاند مارك تحصلين فيه
عندج سيرز الي بحولي نفس شارع مجمع العثمان بتلاقين فيه هدوم حلوه و اسعارها منــــــــــــــاسبه و بتلاقين ستوكات الماركات بأسعار رخيصه

و هم شوفيلج قلوب و اساور عشان اتنوعين .. و حجابات اذا متحجبه عندج جمعيه الفيحاء في محلين فوق و تحت ,, تلاقين فيهم الغالي و الرخيص

 

[بنت الأصايل]

عزيزتي عندي مجموعة بلايز وقمصان موديلات وايد حلوة وفي المويلات اللي يصير معاهم حزام

ومسوية تصفية على الموديلات اللي عندي

من 5 دنانير الى 25 دينار

وكله موديلات حلوة

 

[bedour18]

تفضلي شوفي صور قمصان بوتيك سويت 16

و الأسعار جدا جدا مناسبة اذا تحبين تجددين على طول

 

[brettey]

عندج المهلب محل امازون وفروغي وتحت تريبوني
الشمالي والجنوبي مكودين في محل بالجنوبي اسمه فينوتشي قمصانه روووعه
وطبعا كل المحلات الي بالمجمعات الي ذكرتها اسعارهم زينه من 10 الى 25
سيتي سنتر مكود قمصان طقه المهلب والنقره

 

[Stay alive]

تسلمووووووووون خواتي
بس بصراحه ودي السعر مايزيد عن عشره لاني بشتري اكثر من قطعه مو وحده ولا ثنتين
وموضة الحزام ماحبها لاني متحجبه ومو شي اخصر جسمي بحزام