من يكلف اكثر الولد او البنت؟

[حنانه رنانه]

ادري سؤالي غريب شوي
بس اقولكم شنو القصة
كنت في نقاش حاد مع احدى الصديقات حول الميزانية المخصصة للمدارس و اليهال
صديقتي عندها ثلاث بنات في مراحل دراسية متفاوته مابين الابتدائي و الاعدادي
وانا عندي ولدين بالابتدائي
وجهة نظرها تقول بأن الاولاد ما يخسرون وايد ومتطلباتهم في شراء الادوات المدرسية اقل من البنات
هي تقول بأن البنات يهتمون اكثر بالتفاصيل و الموديلات و الماركات بالنسبة لمستلزمات المدارس
في حين لا يهتم الاولاد كثيرا بذلك
طبعا انا لا اتفق معها ابدا بما قالته لأن عيالي مثلا خلوني الف معاهم اكثر من خمس مكتبات بحثا عن شنط مدارس من ماركة هارلي !!!
بس حبيت اسألكم
هل فعلا اهتمام الاولاد عامة بالهبات يكون اقل؟ هل متطلباتهم في موسم المدارس تكون اقل؟
هل اصر اطفالكم على ماركة او موديل معين و خلوكم تلفون مثلي من مكان ليه مكان تدورونه لهم؟
والا انا بس الا عيالي مدلعين وغير الناس لوووووول

 

[حنانه رنانه]

ويييييينكم يالامهات ؟ اشدعوة 10 مشاهدات و ولا واحدة علقت ؟
:eh_s(16):

 

[حجيه هيونه]

رد : من يكلف اكثر الولد او البنت؟

والله بالنسبه لي اشوف صج الصبيان مو نفس البنات بالسوالف هذي

البنات حدهم يتدلعون

الولد الاساسيات وكفى الله المؤمنين شر القتال

 

[حنانه رنانه]

رد: رد : من يكلف اكثر الولد او البنت؟

والله بالنسبه لي اشوف صج الصبيان مو نفس البنات بالسوالف هذي

البنات حدهم يتدلعون

الولد الاساسيات وكفى الله المؤمنين شر القتال

عيالج جم اعمارهم؟ وفي اي مرحلة تعليمية؟
انا اعتقد ان المسأله تعتمد على العمر
و يمكن لما الصبيان يكبرون و يصيرون في الثانوية يمكن فعلا تقل اهتماماتهم بهالسوالف
وياريت بقية الامهات يقولون لنا رايهم بعد من واقع تجربتهم

 

[حنانه رنانه]

هل احد جرب يحط ميزانية معينه للتجهيز للوازم المدرسة و قدر يلتزم فيها ؟
انا للحين صرفت تقريبا بحدود 150 دينار واظن للحين ما خلصت خصوصا وان طلبات المدرسات مو عارفتها بالضبط

 

[لوازم العائلة]

رد : من يكلف اكثر الولد او البنت؟

ادا الاثنين بالنسبه للمدارس

 

[ريماا]

رد : من يكلف اكثر الولد او البنت؟

ماجربت يكون عندى بنت فمادرى لكن الصبى صج مايهتم بالتفااصيل ويدقق مثل البنت وحتى باللبس مايكلف

 

[Nokia N95]

اللي اشوفه ... البنت تكلف اكثر الصراحة ...

اخوان ريلي توأم ... بنت وولد .....
البنت كل يوم لها طلبات .... ترتر .... استكرز على اشكال معينه ... كلينكس معطر بريحة معينة ... عطر حق الصف ... ورد ... هدايا حق الابلات ... شباصات ... تيجان .... غير طلبات الانشطة .... الاقتصاد المنزلي و الرسم وغيره

والولد ... ان كثر طلبات ... قال ابي الوان مائية !!! والا تكرمين جوتي يديد ( بسرعة الجوتي ينقطع )

 

[ريوومة 1982]

حبيبتي على حسب انتي و قناعتج يعني في ناس ترضا تلبس اعيالها من المحاميد و الجوتي النصر و الجنطه من اي مكتبه طبعا ماراح تتكلف


اما في ناس تحب تشتري من اغلى شئ و تحب تمييز اعيالها سواء بنت او ولد


انا مثلا عندي الاثنين بنت و ولد كلهم نفس التكاليف


لان الولد من النوع يوصخ ملابسه فلازم اكثر فخذيتله من ماركس سبنسر 3 بنطرونات و 3 قمصات و 3 تي شرت

و الجوتي من ايكو و الرياضه من نايك و الدلاغان نكست و الجنطه على الشخصيه اللي يحبها من سنتر بوينت

يعني كلفني بمايقلرب 85

و البنت نفس الشي شريتلها من الايوب ملابس روضه الواحد ب12 و الثانيب 13 و الشياصات و الدلاغات و التيجان من هياويين و النقرة ب 15 و جوتي من ايكو و و الرياضه من سنتر بوينت جنطه صغير اكل

70 مع اخذ بالاعتبار انها روضههههههههههه ماكو مقلمه و جنطه اكل و مطارة اوقلام


يعني نفس الشي


و في ناس ما يكلفهم شي مثلا النفنوف اللي شريته ب13 و حده غيري تشتريه ب 3,5 من النصر و

وعاد انتي حسبي الباجي يعني ممكن الولد و البنت ما يكلفونها 20 كل واحد بدال 8

ادري عورت راسكم

 

[on line]

رد : من يكلف اكثر الولد او البنت؟

طبعا البنت طلباتها اكثر بس ماكو فرق كبير
لان البنت بتشتريلها 3 نفانيف للمدرسه مده كورس كامل
وبيتم نظيف
ام الصبيان مايتم شهر الا يبيلج تردين تجهزين ملابس مره ثانيه وتكرمين جواتي

 

[نورالقمر24]

طبعا البنت

 

[ابلة رسم كتكوته]

انا مع ريومه
وولدي كلفني نفس بنتي
مثل ما البنت تشتهي الولد بعد يشتهي
وولدي عشتو ما يحب اي شي ولا انا احب افرق
المكان اللي اخذ حق بنتي منه
اذا في ولادي اخذ لها اهوا بعد
وعموم عيال الكويت مدللين يا حلوهم
وسلامتج

 

[غلاي عزوزي]

مايبيلها حجي البنات شغلهم اكثر تعالي شوفيني بالعيد ولد\ي خلصته بيوم واحد وبنتي افتريت الكويت ابي شي مميز ويوم لقيت نفنوف تعالي دوري الجوتي جنطه هالاهوب اكسسوارات او 1ذهب باند وشباصات تبي حنه او نقش حنه استشوار الولد طرق الدشداشه ومع السلامه



يعني شغل البنات بكل شي يدوخ استغفر الله وانا وحده حيل احاتي كشخة بنتي حتي ماودي ربي يرزقني بنات لاني وسواسيه حيل واهتم باللبس والشكل وايد وهالشي يتعبني عكس وايد حريم اي شي وبس

 

[توتاتوتا]

البنت عندي و لدين وبنت البنت طلباتها و احتياجاتها اكثر ...بس الولد يستهلك اغراضه اسرع

 

[سفرجل]

انا عندي بنت وولد اسم الله عليهم
ولاحظت البنت اتكلف واااااااااااااااااااااااااااااااااااااااااااااااااايد على عكس الولد
والله يحفظ اعيالنا

 

[ReeMaN]

بما انى ماعندي الا ولد واحد الله يخليه لنا يارب ويبلغنى فيه فانا اقول تكلفه البنت او الولد على حسب اللي حواليه وعلى حسب فطانته

مثلا ولدي انا مو معودته على الماركات ولا ابين له ان ماركه ولبسك كشخه و و و يعنى عادي البسه من الرخيص والغالي المهم ان يكون

مرتب ... خن اقولكم سالفه انا شريت حق ولدي تكرمون جوتي رياضه ابيض ماركه ريبوك من اثليتس فوت ذاك اليوم يانى من المدرسه جان

يما الله يخليج ابي جوتي احمر عليه حصان (قصده ماركة فيراري ) وجوتى اصفر عليه صح ( قصده نايك) قال بالمدرسه عادي يلبسونه

وابي مثلهم ومرات يطلب اشياء بو طقه يعنى رخيصه عادي ... المعنى ان مايقصد الكشخه بس مرات التقليد على اشياء غاليه يذبح وحق ياهل

بسرعه يوصخ الشي اللي عنده ومع الكبر اتزيد الطلبات