من ينصف معلمة الرياض الرجاء الدخول وإبداء رأيك يا معلمه

[الماسة777]

انا موافقه وأبصم لج بالعشره المهم انخفف الظلم الذي يقع على المعلمه المسكينه والتي من يبدأ يومها الدراسي وهي تركض وتلهث الى نهاية الدوام وياليت في تقدير من الناظره او المشرفه لعملها ، فهي في عيونهم دائما مقصره في عملها ولا تؤدي واجبها علي اكمل وجه ، فنحن المعلمات من بداية اليوم نستقبل الاطفال هذا غير اذا في مناوبه علينا بعد ثم ناخذهم للفصل نلقنهم ونلبسهم اذا شعبي او اذا في مسابقات فرديه نركض بالمسابقه نوديها النشاط ثم نجهز للحلقه ثم نركض نجهز الاركان كلها ثم نركض للفرصه ولل9 اركان نباشها كلها ونرتب الفصل ونجهزه للغد ونجهز التحضير والتقويم وسجل المهارات والتحضير للاسبوع المقبل ......... هذا بعض من عملنا وبالآخر لا يعجب الناظرة او المشرفه ويحضرون لنا ويدورون السلبيات قبل الايجابيات ........ تحسون قلبي مليان عليهم ،، اذا في معلمه تايدني ترد ارجوكم بإعطاء رأيها بالموضوع

 

[معلمة متقاعدة]

الدعاء في جوف الليل وحده بوحده

الله يجزآك الف خير
من قالها فقد ابلغ في الثناء

 

[رولكس ذهبيه]

شنو فايدة الكلام

خلاص ماكو فايده ولا احساس مادام اللي يتحكم فينا الحريم الموجهات

آخ لو يخلوني انا اللي اتحكم بمنهج رياض الاطفال اسنعه عدل

مافي نشاط الغي الاصفي والحركيه اجيب مدرسه متخصصة

اخلي الحصص تعليميه اكثر مثل نظام الحضانه

حصص دينيه

بس هذا حلم

 

[أم^سعد]

والله يالغاليه انا مرة واجهت الادارة وكتبت كتاب أفند في اعمالنا وان في اعمال مو من صميم عملنا ولا احنا مجبورين فيه ولا هالشي انا درسته ولا ملزومه في واهيا اشياء وايد مثل :
الحركيه يحاسبوني على اداء المهارة والعضلات الدقيقة والتوافق العضلي يبا احنا مادرسنا تربية بدني وكل هاللي نسوي بالبدنية اجتهادات شخصية ولا مو عاجب
المكتبة ليش ما المكتبة تصير حصة تاخذهم فيها امينه المكتبه مثل فترة الموسيقى وبصراحه خسارة فيهم الكادر لا شغلة ولا عملة ولا بعد لي دخلتي عندها جنها شامة ريحه خايسة تنفس عليج
فترة المطعم شكو انا معلمة بمجابل يهال ياكلون لا انا مدربة على الاسعافات الاوليه ولا شغلتي اوكلهم ولا انا دارسة 4 سنين بالجامعه عشان اجابل ياهل ياكل ويشرب شمهنة منفذات الخدمة والتغذيه بدل تنقل الحجي والحش خل يحللون معاشهم يستلمونهم من المعلمه توكلهم وتردهم للصف لي خلصت الفترة قاعدين طول اليوم لا شغلة ولا عملة

هذي كلها فترات تزيد العبء على المعلمه وتستنفذ طاقتها وتخليها مالها خلق العمل فوق هذا والنقد لي الراس ويدورون عليها الزلة

الله المستعان وانشالله الله يكرمنا ويحسون فينا

 

[عبارات العيون]

السلام عليكم رحمة الله وبركاتة
اي والله يتوو علي الوتر صج كل هذا الشغل وياريت يعجب ولا بس المعلمة الاساسية تشتغل وتكرف وتاكل هوا والثانية ما تصدق تفتك من فترتها وتروح صج شي يعور القلب

 

[الماسة777]

تدخل الناظره والمشرفه عليج بالحلقه والمشكله ما تدور ايجابياج بل بالعكس تقعد لج علي الزله اغلطي بكلمه وحده تتحاسبين عليها وتسجلها سلبيه ضدج وكأننا رسل لازم ما نغلط ولا حتي بكلمه وتحاسبج علي الغلطه وتنسي كل التعب اللي تعبتيه بالحلقه

 

[doweha]

رد : من ينصف معلمة الرياض الرجاء الدخول وإبداء رأيك يا معلمه

انا موباط جبدي الا ناظرتنا اتلف الروضه كلها وبعدين اتفكر وتختار الصف وترجع لج لما اتكونين امخلصه الحلقه شنووووو تقهرني بهالحركه لا والمشرفه طايحه ابشغله تدخل وماتسجل نقد اتوقعين بعدين تكتب على راحتها والى يقهر ازياده الشله المحببه ايتم تبليغهم قبل الدخلة باسبوع علشان تختار الهدف واتحط حيلها وباقي الايام طاف ولاشئ اتحط من انشوفها حطت وحده فيهم نعطي عمرنا الراحه ودي اعرف شنو السر كقوه ما في اقوى من شخصيتي وفنيا الحمدلله امسويه ادروس على مستوى التوجيه واذا على المبادرات جاهزه غير الشغل الى اسير بالخش ودس ماتدرين غير امخلصين وسرت الحين اناشبهم على الكبيره والصغيره ولا فيه فايده حتى طريقه راقيه باخلاقي ما انفعت وانا مليت وخلاص انشالله اتقاعد قبل ما انجلط

 

[الماسة777]

اللي يضيق الخلق صج ناظرتنا من بداية الدوام ماسكه دفترها وتدخل علي المعلمات اكثر من المشرفه نفسها ولا اذا دخلت ما يعجبها شي تبي ابداع ما ادري وين بتوصلنا يعني مو ناقص الا نتحزم ونرقص علشان نوصل للابداع اللي تبيه
والحين صارلها بهالروضه٦ سنوات ما ادري متي بيحوشها تدوير وتفارجنا