من يوم عرفت ...!!!!....... فيني العبره ... والدموع اربع اربع

[الخيرية]

اليوم اخوي رد من دوامه وهو في منطقه ثانيه .... وقلي ان زوج وحده من صديقات الثانويه وبدايات التعييين في اول مدرسه ... لما عرفت زوجته بالاسم طلبته رقمي علشان تتصل عليه ....... وانا ليه منها عشر سنوات

نقلت من المدرسه الي تعينا فيها سوى الى المنطقه ذي... بعدين تزوجت وخلفت ..... وانقطعنا عن بعض وانشغلنا بالدنيا... بالغصب تذكرت اسمها ...الي بكاني ... انه لما تتصل اقلها ... اني عانس وما تزوجت ... وان حياتي زي ماهي مافيها جديد ...دوام ونوم ....... وانه الي خواتي الي اصغر مني متزوجين ومخلفين ...قلبتي عليه المواجع

يالله يهنيها ... ويحفظلها زوجها وعيالها ... بنتها البكر في ثالث ... يارب الطف بي وفرج همي

 

[T76IM]

انـــــــــت للحين ما طردووووك

بنااات هذاا ريااااال ديربالكم

مواااضيعه كله جذب حشااكم

الحمدلله والشكررر بس

 

[T76IM]

انـــــــــت للحين ما طردووووك

بنااات هذاا ريااااال ديربالكم

مواااضيعه كله جذب حشااكم

الحمدلله والشكررر بس

 

[شوشو الشقيه]

وااااااك واك بموت من الضحك
والله طلعت ممثل بارع
ههههههههههههههههههه
الله يهداك يا اخوي
هذا منتدي حريم
اتقي الله شكلك انسان محترم وخلوق
ولد ناس
يعني شنو الي خلاك تدخل منتدي حريم
الله يهديك بس
بس قسم ضحكتني من قلب لاني والله صدقت
لو ما قالت الاخت الي فوقي صدقت السالفه

 

[أريام الكويت]

رد : من يوم عرفت ...!!!!....... فيني العبره ... والدموع اربع اربع

لوووووووووووووووووووووووووووووول حجيه مخربط ما فهمت منه شي صج ريااااااااااااااااااااااااااااال كان مره واحد ماشي قاعد خخخخخخخخخخخخخخ

 

[الخيرية]

رد : من يوم عرفت ...!!!!....... فيني العبره ... والدموع اربع اربع

ياخساره ......... ما توقعتك قاسين كذا ........... والله العظيم وعلى كتابه الكريم اني بنت ....... وحبيت افضفض في منتداكم الغالي

واعتبرتكم خواتي ........لكن صدمتي فيكم قوية ... وشككتوني في نفسي ........ليش كذا ... ماقلت شي لاكلام فاحش ولابذي

اقسم بالله اني بنت ..........حرام عليكم احس انهها مشاكل عاديه .... على العموم مع السلامه ... اخر عهد ليه بمنتداكم

 

[أموت برزة عقاله]

رد : من يوم عرفت ...!!!!....... فيني العبره ... والدموع اربع اربع

ولا فهمت شي !! ههههههههههههه يعني هاي شنب ويع ويع اطلع يعلك الماحي هههههههههه

 

[iLLuMinaTion]

nice

يستاهل تصوتين له صح
http://givekuwait.com/givekuwait/public/index.php?pm_controller=gallery&pm_action=viewEntry&d=933

 

[sanforty a7bch]

رد : من يوم عرفت ...!!!!....... فيني العبره ... والدموع اربع اربع

لووووووووول شساالفه ماا فهمت شي لوووسمحت\ي ترجمه

 

[! هُوْ وِينِه !]

لغتج مو مفهومة آختي
ربي يهدي سرج

 

[UNICORNA]

خلاص لا تزعلى اللهم يارب يفرج همك ويعطيكى اللى تتمنينه واكثر (=

 

[كرستال 2008]

شهالكلام المخربط مافهمت شي اصلا
راعي العقل في نعمة شهالبلاوي استغفر الله
انشالله يشوفونه المشرفات

 

[لؤلؤية]

رد : من يوم عرفت ...!!!!....... فيني العبره ... والدموع اربع اربع

مافهمت شي

 

[*ريما*]

رد : من يوم عرفت ...!!!!....... فيني العبره ... والدموع اربع اربع

كلام مو مفهوم

 

[خوختي دنيتي]

مافهمت

 

[مدام سلطة]

واااااااااااي شفيكم عالبنت
داشه تفضفض
ليش الهجوم وشاللي يثبت أنها صبي
لا غلطت ولا قالت كلا يخدش ولا حطت رابط لموقع وحجي وصخ
صراحه أشوف وايد عضوات ويهاجمون ويفسرون المواضيع غلط
مثل اللي صار مع الفدعى وأم أسماء وغيرررررررهم
يعني عشان الواحد أختاركم عشان يفضفض لكم ويقول اللي بخاطره تصيرون انتوا والزمن عليه
يعني اللى ماعندها اسلوب في الكتابه ولاتقدر تعبر عن اللى بخاطرها تقولون صبي وتهبون فيها وتكسرون بخاطرها
ليش تخلون الواحد يطر منكم الكلمه الحلوه
إذا مو عاجبكم الموضوع طلعوا ولا تردون
وإلا إذا عضوه معرووووووفه وكاتبه موضوع تااااااااااااااااااااافه ماله أي هدف أو معني تصير ردودكم اللهم يا كااااااااافي
رجااااااء كويتيتا قولوا خيرا أو اصمتوااااااااااا

 

[bal8es]

اممم مادري شالسالفه والكلام مو مفهوم :!

 

[∫ ∫ ∫ ∫ جــوان ∫ ∫ ∫ ∫]

واااااااااااااى راسى عورنى ما قدرت افكك الكلام

 

[جنتي نوف]

رد : من يوم عرفت ...!!!!....... فيني العبره ... والدموع اربع اربع

نصيييييييحه
خلي منج البنات ..شنو استفدتي؟؟

روحي وطلبي ربج انه يرزقج..ويمكن حياتج احسن من حياتها..مو كل متزوجه متهنيه
صدقيني اهم شي راحة البال...وان شاء الله يعوض صبرج خييييييير

 

[دنيتى زوجي M]

انا مع مدام سلطه شلون حكمتو ان ريال ؟

على العموم الله يفرجها عليج ويشرح صدرج اللهم اميين