مهتم بنفسه وبس ..

[Patcholli]

مساء الخير ..


بنات بطرح الموضوع بشكل عام لان الموضوع مايخصني لكن وحده من صديقاتي وايد تعاني من هالمشكله ..


اشلون تتعاملين مع الانسان اللي يهتم بنفسه وبمصلحته فقط ..
خاصه اذا كان انسان قريب منج .. مثلا ابوج او اخوج او زوجج ..وتعزينه وتخافين تجرحينه او تزعلينه او تغضبينه بالمواجهه
انسان مايوجب احد ولا يهتم لمشاعر احد سواء زعل او رضا او فرح
مايشارك اهله بمناسباتهم ..
يهتم بشغله وبوناسته وبطلعته وبسفره فقط ..
وفي نفس الوقت تعزين هالانسان ويحزنج ان صورته تكون جذي بعيون باجي الناس ..

شنو الحل مع توضيح فارق العمر الكبير بينج وبينه ..

اهله وايد يشتكون والناس بعد يتشرهون وين فلان مايوجبنا مايحضر مناسباتنا ولا يدق ولا يسال ولا حتى يعايد على احد ..؟

انا نصحتها انها تتركه بحاله وعلى راحته طالما انه ريال كبير والناس تعودوا عليه وعلى طبعه


شرايكم ؟؟

​

 

[لمى الهاجري]

دام طبعه جي خلاص براحته المهم يعاملها معاملة بالحسنى

 

[ضي الدنيا]

اب يا غناااتي

 

[ليه الجفآ]

تزول الجبال ولا تزول الطبايع

هنوعيه صعب تغييره الا برحمة ربه سبحانه .. بانه يجي يوم يبي العالم حوله .. ومايلقى احد ..



الله المستعان



,,​

 

[طموح لايتوقف]

عموم صعب أنك تغيرين طبع واحد إلى أذا كان التغيير يكون من رغبه صادره منه ،لكن يأختي أذا كنتي ععازمه على تغيير طبايعه راح تواجهين صعوبه لكن من المهم يكون لديك قدرة على الأقناع والأقتاع مهاره بإمكانك تكتسبينها أبحثي وسوي سيرش عن الأقناع وشوفي االمهارات والفنيات

 

[عادت ذكرياتي]

الله يعينها


أب

 

[Pinky -cat]

حياتي الحل بالنسبة لى لا تدققين وطوفي عشان ما تكبرين الموضوع وتعطينه اكبر من حجمة هونيها تهون

وكل واحد ينام على الجنب اللى يعجبة مثل ما يقولون ، خلج بحياتج وشوفي مستقبلج وحياتج واستعمتي بأقل شي

بدنيتج ترا العمر يمشا ومارح يرد الا قضيته بهم وغم وتفكرين هاذا ليش يسوي جذي وابيه يسوي جذي

مارح تخلصين السعادة انتي تسوينها لا تنطرين احد يسويها لج

 

[ام كوثر2007]

انا عندي حماي العود جذى للحين مو متزوج وما يوجب احد ولا يسأل اللهم انا يدق علي بعض المرات يسولف اذا متضايق من شي او يسال عن اليهال

ما يدري عن احد حتي يوم يمعتهم مثلا نتيمع يوم اليمعه بيت عمي اهو ايي تالي الليل لمن كلنا نطلع ..

بدايه زواجي كنت استغرب طبعه .. لكن شفت اهله متفهمين هالشي لانهم يقوولوون انه طبع فيه محد قدر يغيره

يعني حبيبتي المفروض الناس اللى تعرفه خصوصا المقربين يقدرون انه هالطبع فيه محد يقدر يغيره خصوصا اذا كان ريااال عود مثل حماي .. ما نقدر نقوله او نفتح معاه مواضيع وان فتحنا بالغلط يقولج ما احب اللويه والازعاج ويجعمج لووول

عشان جذى تخلونه علي راحته احسن ..

 

[دلع العتبان]

كل شخص وطبعه مستحيل شخص يتغير الا اذا شي هزه من الداخل ( حقيقه)

الله يهديه

 

[اميره1980]

الطبع يغلب التطبع
صعبه بعد هالعمر تغيرون اطباعه

بس على الاقل يوجب الناس القراب منه حيل

 

[Patcholli]

ماعكم حق حبيباتي وانا قلتلها نفس الكلام صعب صعب صعب يتغير اذا ماكان التغير بمزاجه ..
بس كسرت خاطري تقول زوجته منقص ويهها جدام اهلها ساحب عليهم وماكلين ويهها بالسؤال عنه وينه ليش مايوجب ليش مايزور ليش ماايي عزايمنا وبالمقابل اهما مايقصرون لا مع زوجته ولا مع عياله
فأكثر شي هالمووضع الي مسببلهم حساسيه
معاكم حق صعب يتغير

 

[^^roma^^]

.مدام ان هالشخص مو ضار احد ليش تبتعد عنه ..
الله يووفق الجميع..
لا اله الا الله​

 

[granted]

قبل لا اقول رايي بالموضوع بس اقولج انتي من التاجرات الي اتدشيييين القلب فدييييييتج:eh_s(17):
احس تنصحين من قلب اخت لخواتها من زمان خاطري اقولج هالحجي الله يوفقج يارب
لان البعض بس بيعرضون البضاعه طبعاً من حقهم هم في تاجرات شرواج فديتهم ماتحضرني الاسماء والله
بس يمكن انتي الكوب اهو الي يلفت انتباهي انا مفهية بحفظ الاسماء:eh_s(1):
بس انتي كله اشوف نصايحج مستحيل جم كلمه لا نصيحة اخت لاختها اقول الله يوفقها صج حبيتج :eh_s(17):

االموضوع انا اقول الي طبعهم جذي مايهتمون بالعايله يكونون عصامييين الي بدا بروحه ومحد عاونه واغتنى وكبر بروحه من جذي مايحس باهمية العايله بشي وغالباً زوجته من برى العايله بعد
اعرف واحد جذي حتى يمعة العايلة بالاعياد مايحضرها ومن جذي قامو مايخبرونه باليمعات بحكم انه مايحضر ولا زوجته بس يحز بخاطره لما يدري انهم متيميعين ويزعل وهم لمن يخبرونه ماايي شالحل وياه:eh_s(1):
يعني هالنوع نسوي وياه الواجب نخبره واهو بكيفة شنسوي بعد نيره لليمعه ير؟

بيني وبينج الكل ماعاد يهتم بيمعات ولاشي كله برى الديرة ماكو احد الا كبار السن
*

 

[مهندسة الابيات]

انا مستغربة من البنات يقووولون مستحيل لا حياتي مو مستحيل اذا هي صج ناووووية وخاطرها تغير طبعه بتقدر


طبعا انا ما اقوول بسرعة راح يتغير يبيله وقت وصبر ولا تحاولين تضغطين عليه وصدقيني مع الوقت يتغير

 

[دلوعة أبوهآ]

صعب تغيرين طبع شخص متعود عليه ..

 

[كيكه توفي]

يمكن صايرله موقف معاهم او اهوا طبعه جذي في ريايل مايحبون زوارات الاهل

 

[حبيبة أهلها]

الله يفرج همك ويسعــــــدك ...~

كيف تمشي بلا احـــــزان ..

http://www.abdelmohsen.com/play-1129.html


​

 

[Miss Silence :)]

أهو التغيير صعب بس مو مستحيل مهما كان العمر كبير ، يظل إنسان يحس و له مشاعر
بس أنا من مواقف مرت علي و سوالف لاحظت انه يمكن يشوف اللي يسويه و مو معتبره شي كبير ، يعني عادي يكلم اهله مثلا و يزورهم بين فترة و فترة فالشي عندي إيزي لانه لو مقدر أهمية الشي عند غيره جان ما تهاون فيه ، لو تكلمه و توصل لي قلبه و تحسسه حيييل بأهمية الشي هني احتمال يحن و يتفهم أكثر..
بس همن في ناس اتعامل مع الناس اللي جذي بالمثل فترة مؤقتة يمكن ينفع اذا مثلا مَره ريلها مو مهتم ما تهتم و توريه اللي قاعد يسوويه بالمثل او اكثر اذا شافت في تجاوب يعني يحس باللي يسويه هني راح يتذمر فتقوله إنه هذا اسلوبه مع غيره ،بس ما يزيد الدرس عن حده عشان ما ينقلب ضدها إذا شافت الشخص انزعج حيل ما تكمل لانه يمكن ما يفيد..
و بس أتمنى إنس أفدتج و موفقة إن شالله

 

[Pinky -cat]

حياتي الحل وعن تجربة انج تهتمن بنفسج انتي بعد ودوري على السعادة وراحتج بيدج ولا تنطرين احد يعطيها لج

 

[Mjnont '3lay]

الله المستعان يااارب جنج تتكلمين عن اللي عندي
يااااااااااااااااارب الصبر والهداايه يااارب