مهرجان "العودة إلى المدراس" عفواً الرياض .."استقبال الاطفال وألخ

[:: SeCRetS ::]

السلام عليكم ورحمة الله وبركاته



صج ان مااااااااااااشبعنا من عطلتنا بسسس:eh_s(8): ..

أمرنا لله قرربت تخلص :eh_s(1):


السنة اللي طافت حطيت خطة انجازات للسنة كاملة

ودنا يامعلمات الرياض نحط خطة انجازات للسنة الياية


يوم استقبال الاطفال "افكار بعيدة عن افكار البهرجة ..افكاااار تربوية للاستقبال تجذب ولي الامر قبل الطالب"..!!

صفج ...شنو الجديد فيه؟؟ مو صبغ او مفرش شنو الجديد من ناحية فكرة تربوية!

تحفيز تربوي من اختراعج موشرط بس بفترة الاركان لا بفترة دخول الطفل للصف وفترة انصرافه


يااااااااريت لو نشارك بأقل فكرة واقل نشاط

نبي افكاار تخدم المعلمة من الالف الى الياء

ويكون مرجع لنا



بعييد عن افكار الاغاني ..الانشطة ..اشارات الاركان



مثااال :


انا فكرت بنشاط المطعم :

حيل مهمش وفي بعض الاطفال ماياكلون والنص الثاني مايكمل وجبته

فسويت وسيلة تفاحه وفيها جيوب

وكل يوم ينسألون من يبي يصير تفااحة اليوم!!

شنو شروط تفاحة اليوم؟

ان حافظ ع نظافته ونظافة مكانه

سوى كل السلوكيات عدل ما تشيطن + الدعاء

واكل وجبته

فيصير اهوا التفاحة

وينحط اسمه داخل التفاحة

فكرتي هذي شافتها مراقبة رياض العاصمة لطيفة العجيل واثنت عليها وايد

فعشان جذي ودنا نتشارك بافكار وحوافز غييير عادية

تخدم الاطفال

والمعلمة

وولي الامر


؟​

 

[أم الجوري]

فكره حلوه صج
المطعم ازعااااااج وما نفكر فيه
انا مثلج ابي افكار جديده لاستقبال الاطفال
استهلكنا اللى عندنا كله

 

[هوفه]

موفقين

 

[ورود]

موفقين انشالله

 

[معلمة رياض اطفال]

المطعم انا مسويه مثل فكرتك يا سيكرت
حلوة وايد
بس كنت اعطيهم هديه كل يوم لاحلى مميز وكانوا الاطفال ياكلون والمطعم رووووووعه
وشكرتنى الناظرة عليه


انا طرشت لك عالخاص
ما رديتى على



عجبنى ها مال الرمل والماي احد يعرف وين احصلة ؟

http://www.elc.co.uk/toy-40837?&parent_category_id=537

 

[لانا]

وااااااي حرام عليكم ....تو الناس مالنا خلق نفكر بالدوام
ماشبعنا بعد.....
معلمة روضه هالمحل موجود بالسعوديه في برج المملكه اذا عندج احد بيروح السعوديه وصيه....

 

[زلابيا]

انا حق المطعم اعطي للطفل اللي ياكل وجبته كامله حلاوه او هديه صغيره او ستيكرز او ارسم علي ايدينهم نجمه .. وشفت نتيجه حلوه واليهال ماشاءالله قاموا ياكلون ..

بس حلوه فكرتج مالت التفاحه يعطيج العافيه

 

[أعرف قدر نفسي]

شرايك تحطين اكياس فيها قلم من بو ميه وطينه صغيرة
توزعينها ع الاطفال اول يوم ؟
ضايق خلقي وماطعلت غير هالفكرة