مهري قليل بزمن غالي :(

[عروسة زوجي]

سلام عليكم

شلونكم حبايبي انا متابعتكم من زمان :eh_s(7):

احبكم في الله <<<< خلصينا ههههههه

مهري بس 4000 والحمد لله على كل حال

وطبعا الشبكه مو من ضمن المهر:ggdw:

الحين ابيكم تساعدوني بالتجهيز

شلون اقسم مهري؟!!

كل وحده تقدر تفيدني خل تفيدني

تأكدوا اني بستفيد منها وبدعيلكم

والله يوفقني ويوفقكم يارب:yaaaaaarb:

 

[قلبهـ 86]

اب
اب

 

[Fajory]

نصييحه من اخت تبي لج الخير
حطي ايدج عالفلوس وقولي من قلب
( اللهم بااارك فيهم ) وكل ما تشوفينهم والا تطرينهم قولي هالدعاء
او حتى اي فلوس تستلمينها .. وخلي عندج ثقه ان ربي بيبارك فيهم
*********************
بالنسبه للتقسيم على حسب حاجاتج مثلا اذا عندج مكياج من اول لا تخصصين له فلوس وايد ونفس الشي العطورات اذا عندج لا تكودين وترى بيبون لج هدايا شكثر اغلبها عطورات وقمصان وناس تعطي فلوس..
المشتروات كالاتي:
1- ذهب
2- ملابس ( داخلي - قمصان نوم - بدلات للبيت << لا تقعدين ببجايم خلي كشختج بالبيت اكثر من الطلعه - بجايم ولو يكونون ستان احلى - بدلات الطلعه اذا ما تلبسين عباه واذا تلبسين لازم تفصلين جم عباه يديده - ملافع - الاكسسوارات
( جناط يدد وجواتي و الخ )

اهم شي انتي سويلج خطه
كتبي كل الاغراض اللي تحتاجينها وشوفي كل شغله شكثر تحتاج فلوس
الله يعينج عالذهب مولع ناار


ومبرووووووك والله يهنيييج يارب

 

[Fajory]

صج انصحج بعد تتصدقين منه لو بشي بسيط عشان ربي يبارك لج فيه
وانا افضل تهدين الوالده والوالد منه اللي تقدرين عليه هالحركه حلوة

 

[الأميرة جوري]

الله يوفقج يارب

 

[عروسة زوجي]

صج انصحج بعد تتصدقين منه لو بشي بسيط عشان ربي يبارك لج فيه
وانا افضل تهدين الوالده والوالد منه اللي تقدرين عليه هالحركه حلوة

مشكورة قلبي
:yaaaaaarb:الله يوفقج يارب و يرزقج من حيث لا تحسبين

الله يوفقج يارب

اجمعييييييين يارب

 

[مدّهره !]

الله يبااارك لج فيهاا ولا يخسرج ياااعسل ,,,,
أنتِ لاتحطين ببالج إنهاا ماتكفي عشاان ماتنضغطين نفسيااا ....~
سوووي لج جدول بالإحتياجات الأسااسيه اللي تآخذ نصيب قوي من المهر ( الذهب أولهاا )
بعد بدلة العرس حسب تشترين أو تأجرين !!
اللي بووصل له لازم خطه وجدول ورااجعيهم أكثر من مره لأن لو صرفتِ فلووس بغير محلّهاا ماراح تقدرين تسترجعينهااا
والبناااات هني أكيييد ماارااح يقصروون معاااج لأنهم سبق قسمواا وإشترواا وأعرف باللوااازم ...~
عسى الرحمن يووووووفقج ...

 

[زهره الجلنار]

الله يهنيج ويتمم عليج

 

[Miss Eteket]

آلفف مبرووكك ..~

حبيبتـي نصصيححه كل مـآإ هـآإنٌ تبـآإركك ..~


و في موآضييع وآيد مقسمين آلمههر : ) و آلبنـإآت بععد مآ قصصروو ..~

 

[@توتا@]

خلصي اهم شي
اول يوم واول ليله يعني نفنوف الحفله وتوابعه وقميص النوم وبعدين ساعه وجنطه تمشي مع وايد اشياء والصالون و٥ عطور ومكياج الي ناقصج بس وبخور بقيمه ١٠٠ وفوط وبدل طلعه ٥ مع توابعهم وخاتم ذهب مع اسوارته وسلسه طويله وقمصان نوم وبس خلصتي

 

[القمـر]

ااااب

الله يوفقج

 

[توفـــا]

الله يسهل عليج ويكفيج لان انا كان 5 وزدتهم 2 من عندي وغير الباجي وتعبت وانا اصرف السوق نار صاير وهم اقول يبيلي اكثر فلوس الحمدلله علي كل حال بس حاولي كثر ماتقدرين ماتخربطين في اشياء مو لازم اول شي اشتري الاشياء الضرووريه خصووصا اذا تبين عرس او حفله محفووفه يعني لازم تخصصين حق النفنوف والشبكه ميزانيه وحاولي كثر ماتقدرين تختارين شي سعره زين ومناسب لج واذا عندج مكياج لا تشترين واشتري قمصان نوم وعطورات اشويه مو تكثرين والجوتي عزج الله للحفله او العرس مع جنطتين ماركه اذا قدرتي وساعه

اي ولا تنسين طقم روب حمام واشويه اغراض من الجمعيه من شامبوات وصابون واكسسوارات الحفله اذا تبين حق الشعر


والمسكه بعد من ضمن الميزانيه اذا في عرس​

 

[دهورتني يازين]

اب


الله يوووفقج ويسسسعدج ​

 

[reem alflla]

الله يبـــــــــــارك لج فيهم يااااربي
دايم كرري اللهم زد وبارك هاذي الرسول كان يقولها يوم كان يطبخ حق عرس بنته فاطمه اذا ماخاب ظني والاكل كان شويه واهو يقول قولو حق الكل اي يكفي الله يبارك بما معناه
اهم شي فرحتج وفرحته لا اللبس مهم ولا التجهز مهم اكيد انتي عندج اشياء قبل الزواج استغليهم والحين العرايس على 7 مهورهم مع الذهب فحلو انتي 4 بدون الذهب صرتي نفسهم لانه الذهب الحين ناااار اكيد راح يكلفهم مبلغ وقدره ​

الله يسعد قلبج عروووستناااا اهم شي القناعه ​

 

[bride2011]

سوي طريقه الاظرف حطي اظرف وقسمي الفلوس عليها ووقولي هذا ظرف المكياج مثلا فيه 200 واصرفي على قد فلوس الظرف ونصيحه لاتكثرين اشتري الي يكفيج لمده شهر بس

 

[غمزه وإبتسامه]

الله يبارك لج بمهرج يارب

 

[كتكات احمر]

1700 طقم ذهب وساعة
400 عطور وبخور
550 بدلة العرس ومسكة
250 مكياج اول ليلة
250 تصووير فوتو وفيديو
650 دراريع وبدل استقبال ودراريع بيت
450 قمصان نوم وبجايم وملابس داخلية وبديات وجنزات للشقة
350 جناط وجواتي وشحاطات
400 عبي وملافع
250 ساعات
200 اكسسورات للبدل
100 اغراض الجمعية
100 حمامات مغربية وتنظيف بشرة واسنان وشعر

 

[بشوررة]

اختى مهرها 4000 بعد
اجرنا بدلة العرس من زياد انطوان 600دك
راح نشتري عطرين من دبنهامز وباقي العطور من مودا بدي شوب وايد حلوة
مو معنى هذا ان نشتري كل شي رخيص
فصلنا كفر اول ليله 170 دك عند مشغل في الجهراء
كفر ثاني 45دك كفر اخر 25 دك
دريم مول والفروانية والسالمية عندهم تنزيلات
على فكرة الذهب علينابس هم راح يجيبون شبكة صغيرة
والله يبارك لنا في مهرنا ويبارك في مهرج

 

[انار الحلوه]

شوفي حبيبتي اول شي الله يبارك لج فيهم وتشترين كل اللي خاطرج فيه يارب:yaaaaaarb:
والله يااختي ياما وياما سمعنا عن بنات مهورهم وصلت ل10 و15 الف لكن اهم شي التوفيق من الله وانتي دوم قولي يارب بارك لي فيهم واتمنى لج كل الخير والتوفيق.....:eh_s(7):

 

[أم غمازة-Q8]

اول شي فستان العرس
والمصور و المكياج

و برنامجج


1

بدلات استقبال ...فصلي كم عبايه اذا تلبسين عباية ..


2

البدلات ..انا كل موديلاتي من النت و رحت اخذت الخام من البلوكات الي في المباركيه وصلتهم وربي احلي بدلات وكل يسالني من وين ومن وين ؟؟!!! وانا مهري ترا اقل منج 3000 و شبكه ...والله البدله كلها طلعت علي بعشره دنانير !!!


ولا تنسين البلايز الطويله حق البدل و الجنزات اذا تحبين التركيب وجذي

وبعد ما خلصت البدل ..رحت شريت ملافع علي حسب لون البدل ..واكثر شي شريت القطن الاصلي
و شيفون

و بعدين الشوزات هم علي حسب لون البدلات


وبعدين ساعات و الاكسيسوارات هم علي حسب بدلاتج


وبعدين قمصان النوم واختاري طووول ولا تنسين قميص النوم ليلة الدخله هذا بروحه حساب ثاني

و الملابس ال داخليه

وعلاليق حق ملابسج



وديباجات لا تشترين وااايد لانه راح تييج هدايا وااايد


و طقم فوط

وكشخي حمامج احلي كشخه روحي اكيا في شغلاااااااات تجنن او شنتر بويت ...


ولا تنسين وراج تشترين ذهب ..


امممم ماادري شنو بعد نسيييييييييت