بقولكم سالفه مادري إذا بتعور قلوبكم أول لأ
سنة ٢٠٠٦ طلعت أورام برقبتي كانت صغيره طنشت وقامت تكبر وتزيد لمن أهلي إنتبهولها سويت تحاليل وفحوصات وطلع فيني السرطان طبعن أنا ماكنت أدري لأن أمي تقولي غده وبتروح مثل اللي قبلهم لأن كان فيني لمن كان عمري ٩ سنين سويت ٣ عمليات لأني كنت صغيره وأمي رفضت إني أخذ كيماوي بس هذا كله ماكنت أدري عنه إلا بعدين لمن اعترفت أمي وقالتلي كل شي كانت تجذب علي والدكاتره قالو لأمي إذا ماخذت الكيماوي ترى راح يرجعلها بعد ٥ أسنين وفعلاً رجعلي سنة ٢٠٠٦ ورجع حييييل صعب أنهم يسوولي عمليه أنتشر برقبتي وبخدي كله
خذيت أول إبرة كيماوي سنة ٢٠٠٦ وقفت دراستي سنه وقطعت عن كل رفيجاتي
بعد ماخذيت أول إبره وماكنت أدري أن شعري كله بيطيح أنصدمت لمن طاح كل شعري
لو تشوفوني شلون قلبت البيت فوق تحت وماخليت كلمه ماقلتها لأمي حتن دزيتها وطيحتها من الدرج
وقفلت على نفسي الدار وأمي الله يخليها لي ويطولي بعمرها تحملتني بهالحاله وتترجاني من ورا الباب أفتحلها
عزلت نفسي ٣ شهور مابي أحد يشوفني أما بعدين تعودت وقمت أقعد مع أهلي خذيت ٧ ابر بكل شهر إبره لمن خلصتهم والحمدلله
الحين مافيني شي بس صج لمن أخذهم كنت أشوف الموت بعيوني كانت تعور حييييل حييييل تعور ابره موعاديه
بس الحمدلله
بس السنه اللي وراها كملت دراستي بعد ماراحت علي سنه وقطعت عن رفيجاتي ولمن داومت كان شعري بوي بمعنى الكلمه
لمن شافوني رفيجاتي تمنيت الأرض تنشق وتبلعني كنت أقول بقلبي ليتني ماكملت بعد ماسمعت رفيجتي تقولي
يامعود عطنه ويه شدعوى ولا الثانيه شهالوك اليديد ونظراتهم لي
بس ضحكت وقلت التغيير حلو
وحاولت أرقع بسألتهم لي
بس صج تأذيت وسبه البوي فتحو عيوني على أشياء كنت أجهلها قبل
من كلام من نظرات من رسايل يعني هالسوالف
عاد أنا نظامي ساكته وأسمع وإذا تكلمت تبلعمت
بس حبيت هالشي
