مهما كان ايمانج قوي لابد من الضيقه 

[وبعدين؟]

السلام عليكم ورحمه الله وبركاته

الحمدلله على كل حال الواحد يدش اهني يفضفض ويحاول يرتاح
بنات انا حملت مرتين مره باابر ومره طبيعي
الحين وبعد مرور ثلاث سنين سويت تلقيح صناعي وكنت متفائله ينجح والله وكلهم افشلوا
ووالله اني من شفتها قلت انا لله وانا اليه راجعون بس لازم يحوشج شويه كدر وضيق 
الحمدلله على كل حال بس حبيت اسأل عادي اسوي تلقيح ورا بعض والا لازم فجه بينهم لانه الدكتوره
فوزيه القطان تقول لازم ترتاحين 

 

[قلب مغليك]

الحمدالله كل شي خيره
اللي كان مصبرني قبل ومااشيل هم لانه عندي يقين انه خيره يقين مو طبيعي انه لو بحمل قبل أكيد شي مو زين فربي راد هالشي عني
الحمدالله جا الوقت اللي احمل فيه
اللهم لك الحمد الله يثبته يارب يارب

 

[سعودية بالكويت]

أي والله إن هذي الضيقة جتني البارح للفجر

نمت ودموعي على خدي مدري وش فيني

أنا الحين أنتظر الأربعاء عشان أسوي

التحليل بعد التلقيح الصناعي بس شكلي ماراح

أحلل بأنتظر الدورة لحد ماتجيني ويارب ماتجي

وأكون حامل

حبيبتي أنا سألت دكتورة التلقيح بمستشفى هادي

قالت إيه عادي تسوينه وراء بعض ثلاث أربع مرات

آخر شيء جربي أطفال الأنابيب والله كريم

أنتي أول مرة خلال الثلاث سنوات تسوينه

 

[hello kitty84]

الله يرزقكم ياررب ويرزق كل محرومه

 

[وبعدين؟]

اي والله اول مره بعد ثلاث سنوات لانه بعد السنه الاولى وجم شهر حملت بعلاج وعقبه اجهضت ورديت حملت طبيعي واجهضت وصرت اعالج ومااحمل وتوني سويت تلقيح وماضبط ويااااي

 

[Q8_QT]

الله كريم حبيبتي وان شاءالله يعوض صبرج خير

 

[ام يوسف القمر]

الله كريم ربي يرزقني ويرزقج ويرزقنا جميعا من عندة يارب

 

[حلمي الأمومة]

ياقلبي الحزن والبجي مو حرااام بالعكس الرسول صلى الله عليه وسلم لما توفى ولده ابراهيم بكى وحزن وحتى العام الي ماتت فيه خديجة وعمه ابوطالب سموه عام الحزن

لكن الحرام الكلام والجزع وعدم الرضا بقضاء الله مثل تقوليين ليش ياااربي ومن هالكلام


والصبر اجره عظيم عند الله


واتوقع ترتاحين شهرين احسن حتى جسمج يكون متهيء ومرتاح وماعليج ضغوطات نفسيه كلها تاثر عليج

فرصتج استغلي الوقت هالايام بالاعمال الخيريه وثقي علاقتج بربج واستغفري وادعي وصلي القيام

والله يجعله في موازين حسناتج ويفرح قلبج عاجلا غير اجلا

 

[غلاك]

الله كريم ... الله يرزقك ان شاء الله

 

[hello kitty84]

يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة




يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة
يا رحيـــــــــــــــــــــــم ارزقنا الذرية الصالحة المعافاة

 

[&هند&]

بنات انا زوجي سوى عمليت الدوالي بس مادري هل انطر علية كم شهر ؟؟؟ ولا اسوي تلقيح محتاره ،،،،،،

 

[شقاوه صبايا]

يارب ياكريم يرزقك زيرزقنااا

 

[~ذووق~]

اتوقع كل وحدة تمر بهالحاله ,,
مرااات اقعد يومين ابجي وعقب اقعد استغفر واقول هاذي ارادة ربي ..
(( وعسى ان تكرهوا شيئا وهو خير لكم ))
بس انا للحين ماجربت التلقيح ولا الانابيب ..
يارب يرزقني ويرزقج ويرزق كل محرومه يا رب العالمين ,, من غير هالسوالف ..

 

[أميره الورد]

الله يرزقنا بالذريه الصالحه نصيحه يابنات اذا نزلت دورتج قولي
اللهم اجرني في مصيبتي واخلفلي خيرا منها

 

[أحبك يالبنفسج]

((هند)) ترا عقب عمليه الدوالي تتحسن الحيوانات المنويه وايد مع العسل والفيتامينات انشالله لو تصبرين عالاقل 3 اشهر الله يرزقج