مهما نصحنا بنتنا على المغازل .. ماينفع !!

[*E.B.D.A.3*]

يسعدلي صباحكم بنات ،،،


مع اني مو كبيرة بالعمر.. مجرد 24 سنة ،،
لكن الي شفته بحياتي من بلاوي ومصايب،خلاني اتعلم الكثيرر
وعطاني دروس ،
وقاعد يبرهنلي يوم عن يوم ، ان كلامي صح ونظرتي للامور أصح !!

موضوعي يهم كل ام ، وكل وحده مقبله على الزواج وتكوين اسرة ...
ايضا يهم كل بنية واقعه في هالمشكلة !!
وكل وحده ودها تساعد رفيجتها ..


عندنا اليوم مشكله اجتماعية كبيرة ... تضر بالدين قبل كل شي !
الا واهيه "المغازل" والعلاقات الغرامية ..

ابي اتكلم عن نوعية البنات الي وايد منغمسه بهالشي
الي تكلم من كان عمرها 14 والا 15 .. والحين صك عمرها ال23 سنة ومو راضية تفج
عايشه بدوامة العلاقات والمغازل و القز والتضبيط!
والنوع المتطور الي وصل مرحلة الحفلات بالمخيمات والشقق
والنوع الي يبي يسوي نفس امريكا، وتعيش بشقه مع حبيبها وتخلي اهدومها اهناك ونص قشها

اعرف بنات من كل نوع من هالانواع
والمشكله ان كل بنت تقريبا، طاحوا عليها اهلها وشبعوها طق
تابت شهر.. شهرين، وردت على نفس الموال لكن بحذر اكبر
بدال ماتقز بالاماكن المعروفه مثل المرينا .. خلت قزتها تصير بالبدع
وبدال ماتواعد رفيجها علني،، حولت لي الشقه !
وبدال ماتروح حفلات بالليل، خلتها الصبح!!

مع انها شافت الموت بعينها !!!!! وكلت طق موتها واهيه عايشه!!
امها بجت عندها وترجتها تترك هالحياة
ابوها ترجاها تترك هالحياة
اهيه نفسها تاثرت وقالت بترك هالحياة
ولكن ترد مره ثانية وثالثه .. لا وعلى درجة اعلى من الحذر بحيث ان صيدتها صارت مستحيله !!!

السؤال الي يطرح نفسه وبقوة
ليش مانفعت معاها لا الدموع ، ولا الطق و لا التنكيل!
ليش مانفعت معاها النصايح بشتى اشكالها؟؟

والسبب وبكل بساطه
هو ابتعاد تلك النصايح عن الواقع!!

الام لي طاحت على بنتها على طوووووول بتقول
" هذا يلعب عليج هذا مايحبج هذا يستغلج"
ولكن بنظر البنت ، شكثر هالنصيحه واقعية ياترى؟؟
البنت تشوف ان هالصبي يحبها! وتشوفونهم صج عايشين قصه حب!
البنت تملك كل الدلائل الي تثبت للام انها على غلط ، خصوصا اذا كان الصبي مضحي بوايد اشياء عشانها!!
الام مهما نصحتها، مراح تاخذ نصايحها على محمل الجد، لان قاعده تشوف بعيونها الثنتين ان الصبي فعلا يحبها!!!!
سوى كيت عشانها وكيت وكيت وكيت !!!
بعد هذا كله ، اتيي الام وتقول " والله هذا مايحبج؟"
البنت بتسمع النصيحه من اذن واطلعها من الاذن الثانية !!!

ابتعاد النصايح عن الواقع ،، مايسوي شي غير انه يثبت البنت اكثر واكثر على الطريج الي اهيه سلكته!
وعشان جذي البنت تسمع لنصيحة رفيجتها الي تفضفضلها ،، اكثر من الام!
لان رفيجتها على دراية بالموضوع وعارفه الريال ولو نصحتها مثلا انها تخليه لانه فيه العيب الفلاني والعيب العلاني
اشكره بتسمع كلام رفيجتها !
ليش بدت كلام رفيجتها على امها؟؟؟
لان رفيجتها ادرى بواقعها من امها !!!

عزيزتي الام او الاخت ،
اوجه لج كذا نصيحه في حال اذا عرفتي انه بنتج اتكلم!
اولا :
الطق ما اييب ولا يودي ، بالعكس ، اذا استخدمتي العنف
راح تحن اكثر على حبيبها!! وتكره اهلها ويصير حبيبها اهوه ملاذها الاول والاخير

ثانيا:
كلميها واخذي تفاصيلها علاقتها معاه بكل اريحية
خلج مستمعه جيده ووخري الغضب على صوب اشوي
ساليها عن كل شي .. و خلج مرحبه بالموضوع ومهتمه ،،
تذكري : انتي تبين تكسبين بنتج، ماتبين تنفرينها منج!
وبعد ماتخذين التفاصيل،،
دسي السم بالعسل !!
وحطي ابالج زين ان اغلب العلاقات العاطفية مبنية على عاطفة محضة!
مراح تلقين بينهم توافق عقلي ، ويمكن يكونون تماما مختلفين عن بعض، اهيه شيعيه واهوه سني
اهيه حضرية واهوه بدوي ..إلخ!
فانتي كلميها بمنطق عقلي سليم .. وقوليلها اشلون راح تختمون طريجكم باجر؟
هل تنفعون للزواج؟
واذا اهوه مايفكر بالزواج ، عيل ليش قاعد يكلمج؟؟
انتي حل مؤقت له ليمه تتزوجين؟ وهل ترضين على نفسج تكونين تقزوره وقتية ؟
اذا اهوه ماينظرلج كزوجة، معناته مو قاعد ينظرلج اي نظرة ثانية غير انج ( ----- )

عطيها وقت وقوليلها، كلميه بموضوع الزواج وشنو راح يرد عليج
وتالي كلميني!!
وانتي يالام ابني ردتج فعلج على ردة فعله تجاه فكرة الزواج

نصيحها من واقعها
انسجي لها نصيحه من واقعها ،،
اقنعيها ان هالشي غلط مو باستخدام الاسطوانة المشروخة والكلام المستهلك مثل
" هذا مايبيج هذا يلعب عليج إلخ" انا والله عن نفسي طقت جبدي من كثر ماسمع هالكلام ينكتب بالمنتديات والمواقع لمه وحده تبي تنصح الثانية !!

كل ماكانت نصيحتج ملامسه للواقع كل ماكان وقعها على القلب اقوى!

 

[كيكه توفي]

مشكوره

 

[عيونك دنيتي D]

يعطيك الف الف الف عافيه

والله كلام منطقي وسليم .. بس وين اللي بيطبق!​

 

[سفيره الكويت]

اذا فصخ الانسان الحياء وخوفه من الله فسيفعل مايشاء ولكن هيهات هيهات فسيدفع الثمن غاليا بالدنيا او الاخره فليتحمل كل شخص

نتيجه افعاله ولا يظن انه سينجو..!

 

[Only One]

حبيبتي الحين اللي انا اشوفه انه البنات مو هدفهم الزواج بس يبون يقزرون وقتهم مع الشباب والله اعرف وحدة تكلم جم واحد وكل يوم متعرفتلها لها على واحد وعندها واحد تكلمه صار لها 8 سنوات وغيره بعد من 4 سنوات يعني تلعب على الحبلين وفوق هذا كل شهر تتعرف على 3 غيرهم وكل شوي تبدل وتغير وهذولاك يحبونها ويموتون فيها يعني اهي اللي تلعب عليهم وتقزر وقتها ولما تسالينها بتزوجين منو فيهم تقول ويييييييع اللي ناقص اخذ هذول اصلا مليت منهم اكيد لا بغيت اتزوج اخذ واحد لا اعرفه ولا يعرفني عشان تكون قصة يديدة...!

 

[أأأحبه]

كلامك مرررا حلو وسليم
اعجبني طرحك
بس فيه نقطه ودي اقولها من وجهة نظري
أنو لو كلنا حرصنآ ع تقوية علاقة عيالنا بالله
وتقريبهم منه وتذكريهم فيه في كل وقت ,, وطبعا بالاسلوب الى مانحسسهم انو واجب
تصلين واجب تذكرين وتحبين الله لآ بس
نعرفهم مين الله ومين الرسول وانو فيه جنه نبي ندخلها كلنا

راح يبتعدون من انفسهم عن المحرمات ويحاولون يتقون الله في ذا الشي وهذا الحل نتبعه من صغرهم
علشان في كبرهم يكونو تربوا ع هالشي


لأنو بجد هالظاهره ماصارت ولا انتشرت الا من بعد الناسس عن الله

 

[سفيره الكويت]

حبيبتي الحين اللي انا اشوفه انه البنات مو هدفهم الزواج بس يبون يقزرون وقتهم مع الشباب والله اعرف وحدة تكلم جم واحد وكل يوم متعرفتلها لها على واحد وعندها واحد تكلمه صار لها 8 سنوات وغيره بعد من 4 سنوات يعني تلعب على الحبلين وفوق هذا كل شهر تتعرف على 3 غيرهم وكل شوي تبدل وتغير وهذولاك يحبونها ويموتون فيها يعني اهي اللي تلعب عليهم وتقزر وقتها ولما تسالينها بتزوجين منو فيهم تقول ويييييييع اللي ناقص اخذ هذول اصلا مليت منهم اكيد لا بغيت اتزوج اخذ واحد لا اعرفه ولا يعرفني عشان تكون قصة يديدة...!

هذا لي كنت اقوله من زمان مثل مافي شباب يلعبون فيه بنات يلعبون بس الله ينتقم من يلعب بقلوب

الناس

:eh_s(17):

 

[المرتاحة]

تعجبيني

ويزاج الله خير على الموضوع

رفيجة وحده من خواتي كانت تكلم و امها طاحت عليها....... تدرون شنو سوت امها؟!!!


قالت لها يا حليله اهو ولد منو ووين بيتهم و من هالاسئله .. وقالت لبنتها عطيني اكلمه

واتصلت عليه امها وكلمته جدامها وقالت له يا ولدي انت امبين عليك ولد ناس و ترى بنتي انا مربيتها واخاف عليها من نسمة الهوا .. اذا انت تحب بنتي و تبيها ترى احنا نعين و نعاون بس تقدم لها وترى ما عندنا سوالف كلمني واكلمك بالتلفون

الولد انحرج و قال لها يا خالتي يسلم راسج وانا راح ابتعد عن بنتج

تعجبني هالام

بطريقتها بينت لبنتها ان هالولد اللي قاعده تكلمه قاعد يلعب عليها وكرهته كره العمى

 

[حبيبة أهلها]

اي والله هالشــئ منتشر بكل كبير قبل الأم كانت تخاف على بنتها من لقطه تلفزيون او انها ترد على تلفون البيت اخر الليل الحين الوضع اختلف 180 درجة وهذا للأسف الاستعمال السئ للتكنولوجيا مجرد ضغطة على الكي بورد او دخول الشات او اضافة ماسنجر وغير مشاكل الايفون ووو ... وداخل البيت صارت ماترتبط الا بالطلعه برا البيت واحس الأم لما تربي صح وترسخ عيالها وبناتها على الخوف من الله والمراقبة الذاتيــــة سبحان الله ترتح والصحبة لها دور وقلة الوازع الديني والاحسـاس بالفراغ العاطفي نتيجة لفقد الحنان والاهتمام وايـــــد اسباب واحيان الثقة الزايدة من الأهل بدون متابعـة والله قلبي يعورني كل بنت تورطت بالعلاقااات ودايم ادعي يارب اي بنت تورطت الله يهديها ويصلحــــها مهما كان هي الاخت القريبة واختي المسلمة قبل كل شئ ولازم ناخذهم بالاسلوب والتفاهم والاقناااااع واشكرك اختي على الطرح المميز ولو تسوين حملة راح يكون الموضوع روعهـ ماشاء الله اسلوبك رائع بالأقناع الله يوفقك ويسعـدك ...~​

 

[بدوردا الأموره]

وااااااااي اول مره اسمع ان في بنات جذي معقوله عندها شقه مع حبيبها ومخيمات وبلاوي الحمدالله والشكر ضيعت دينها واخلاقها الله يستر على بنات المسلمين

 

[PuPa^^SWeeT]

للاسف الشدييد ان البنات مايعرفون مصلحة نفسهم


ولو الام هدت بالها و حلت الوضع و بينت للبنت فعلا انه مايحبها و يلعب عليها صح ابتبتعد عنه


بس بتكلم غيره لأنه حست انه امها تاخذ و تعطي وياها

 

[سفيره الكويت]

تعجبيني

ويزاج الله خير على الموضوع

رفيجة وحده من خواتي كانت تكلم و امها طاحت عليها....... تدرون شنو سوت امها؟!!!


قالت لها يا حليله اهو ولد منو ووين بيتهم و من هالاسئله .. وقالت لبنتها عطيني اكلمه

واتصلت عليه امها وكلمته جدامها وقالت له يا ولدي انت امبين عليك ولد ناس و ترى بنتي انا مربيتها واخاف عليها من نسمة الهوا .. اذا انت تحب بنتي و تبيها ترى احنا نعين و نعاون بس تقدم لها وترى ما عندنا سوالف كلمني واكلمك بالتلفون

الولد انحرج و قال لها يا خالتي يسلم راسج وانا راح ابتعد عن بنتج

تعجبني هالام

بطريقتها بينت لبنتها ان هالولد اللي قاعده تكلمه قاعد يلعب عليها وكرهته كره العمى

طريقه مثاليه لكشف النوايا امام البنت وقتها يظهر المعدن الاصيل من الغشاش

:eh_s(15):

 

[manoooram]

تعجبيني

ويزاج الله خير على الموضوع

رفيجة وحده من خواتي كانت تكلم و امها طاحت عليها....... تدرون شنو سوت امها؟!!!


قالت لها يا حليله اهو ولد منو ووين بيتهم و من هالاسئله .. وقالت لبنتها عطيني اكلمه

واتصلت عليه امها وكلمته جدامها وقالت له يا ولدي انت امبين عليك ولد ناس و ترى بنتي انا مربيتها واخاف عليها من نسمة الهوا .. اذا انت تحب بنتي و تبيها ترى احنا نعين و نعاون بس تقدم لها وترى ما عندنا سوالف كلمني واكلمك بالتلفون

الولد انحرج و قال لها يا خالتي يسلم راسج وانا راح ابتعد عن بنتج

تعجبني هالام

بطريقتها بينت لبنتها ان هالولد اللي قاعده تكلمه قاعد يلعب عليها وكرهته كره العمى

طريقة الأم حلوة ان بينت لبنتها شنو معدن الولد اللي ضيعتي سمعتج وخسرتي ثقتنا على شانه .. وهو اللي باعج
وتوصل الأم لبنتها رسالة مهمه ان ما سويت هالحركة لأنه عادي
بس ببين لج ان عيال ابليس وايد ياخذونج لحم ويقطونج عظم
من بعد هالموقف ضروري ان الأم تحتوي بنتها أكثر وتلازمها وتهتم فيها أكثر
ووين الخلل وشنو السبب اللي وصل البنت لهالوضع اللي طاحت فيه !!
واذا كان عندها هواية تحبها أنميها لها وأشغلها فيها ...

 

[نجداويه نجد]

~

لاحوله ولاقوة إلا بالله

هذا ماابتلت به كثيرا من الأسر المسلمه والسبب هو الترف الزائد من قبل الأهل لأبنائهم ..
فهل يعقل ابن / بنت .. 14 أو 15 يكون بحوزتهم البلاك بيري او الأيفون ..!!
أي ثقه أودعها الأب / الأم الأبنائهم ... الثقه مطلوبه ولكن بهالسن تحتاج لحزم وثقه حتى تصح المعادله في إنشاءجيل صالح

لاازيد علي ماذكرته فقد وضعتي يدك علي الجرح ..

كل الشكر

 

[um khaled]

لما البنت هالايام عندها بدال خط التلفون عشره
و تقعد لين الساعه 9 بالجامعه وتقول ادرس
ولما تقزز بالمطاعم لين آخر الليل
ولما تطلع بفل ميكب وجنها طالعه عرس
ولما تلبس ضيق و استرش و لما ..ولما ..
كل هذا بعلم اهلها اشلون ما تخترب وتضيع
اذا انتو يا الاهل تثقون بتربيه بناتكم لانكم زينين مو حسبالكم بناتكم سنعات نفسكم
واذا تثقون ببناتكم .. هل تثقون بكل الناس اللي براا البيت ؟؟ هل تثقون برفيجاتهم ؟
و ليش ما تخافون عليهم من تأثير البنات عليهم
الله يهدي الاهل بس

 

[THE HONEY]

انا معاج بكل كلمة قلتيها وهالحجي الي دايماً اردد فيه

نصيحتي للأمهات روحي دورات ومحاضرات تعلمج (كيف تتعاملين مع ابنائك)
في امهات محتاجين حق مثل هالدورات او اقري كتب عن هالموضوع
صدقوني بتعلمكم شلون تكسبون عيالكم سواء بنت أو ولد
واحسن واحد يأسسج الدكتور ابراهيم الخليفي الله يكثر من امثاله يارب

والله يوفق الجميع

 

[غززلان]

آيه والله كل كلمه قلتيها ي صااححبه الموووضوع صادقه فيهاا



انا اعرف وححده امها كم ممره تصصصيدها وكل ماتعطيها الثقه ترجع ع انها تقولي انها بتووب وكذا بس ماتصصصحى الا وهي بنفس الطريق ممره ثانيه ممدري وش السبب انا اللي اععرفه امها قااسيه ششوي وشكاكه يمكن هذا السبب اللي يخليها تلجا لواححد تحسسه يححن عليها وكذا عالعمووم الله يهـــــــــــــدي كل بنات المسسلمين يااااااااااااااارب

 

[غيدآء]

يعطيج العافيه كلامج سليم...

لكن في بعض العينات من البنات ما يفيد معاها الكلام السليم ممكن انها تنجرف اكثر...ترا يعتمد على حسب نوعية البنت نفسها في بعضهم يردعها الطق وفي البعض يردعهم الكلام المنطقي وفي بعضهم تردعهم العاطفه نفسها من الاهل لمن يزيد الاهتمام فيها!

وهالشي المفروض تعرفه الام وتشوف بنتها اي نوع من هالنوعيات وشنو اللي ممكن يردعها عن هالطريج لو سمح الله واجهت وصادفت انه بنتها لها علاقه بـ شاب !

وعسى ربي يستر علينا وعلى بنات المسلمين


وشكرا لج مره 2

 

[قمورهـ]

ولاعمرها النصايح راح تنفع!!!

بطلي التلفزيون شوفي قصص الحب والهيام اللي تخلي اللي ماتحب فعلا تحس بمشاعر الحب حطي عالراديو وسمعي الاغاني والكلمات اللي اقل مايقال عنها اباحيه!!،بطلي المنتدى شوفي اشعار الحب والغزل والفراق والاهات دخلي على اركان البنات في منتدى الشعر وشوفي الكلام اللي يكتبونه ..يعني وين مارحتي راح تشوفين الحب المجتمع والاعلام قاعد يعزز الحب والعلاقات بكافة انواعها!!البنت تربت على هالشي خصوصا الجيل اليديد كل مابطلوا عيونهم شافوا حب فهالشي صار عادي ومستساغ وموجود جدامها اضافه الى ان الحب شعور مغروس بالانسان والله خلقه فيه فخل نكون واقعيين لما نقول مافي حب مو صحيح ..في حب بس شلون نوجهه ونستغله ..نخلي البنت تتعلق بالصحابه والرسل تتعلق باهلها تهتم بالاطفال الصغار عشان تفرغ عاطفتها عليهم ترا المرأه كائن عاطفي يحب يسمع..اشبعوها بالمديح وكلمات الاطراء والثقه قبل ماادورها في مكان اخر!

 

[اخت واختها]

ماكو تربيه عندنا

اكو مراقبه اكو شك اكو حرمان

الحين حتى اليهال بيدهم التكنلوجيا محد يقدر يحرم احد

والضغط يولد الانفجار الحالات الي نشوفها بمجتمعنا ردت فعل طبيعيه