مهم جداااااااااااا

[namroosha]

السلام عليكم :nbvppw::nbvppw:



عندي لكم سؤال شنو اهيا الثقافة ؟؟ بعبارة اخرى الثقافة عبارة عن شنو ؟ وشلون انميها ؟ وماهو الاسلوب وشلون اخلي يصير عندي اسلوب ؟

 

[MiṦs ♥ fĩẍ]

ثقافة الانسان اهي شخصيته و طريقة تعامله مع الناس و معلوماته و علمه و ينميها بالقراءة و الاسلوب نفس الشي شلون تتكلمين مع الناس و تتعاملين معاهم و تنمينه بالقراءة بهالمجال مثل كتب الشخصيه و شلون ترتقي بشخصيتك

 

[namroosha]

رد : مهم جداااااااااااا

يعني ثقافتي اهيا اسلوبي باالكلام والقراءة والكلام يزيد مستوى ثقافتي وانميها بهالطريقة ؟

 

[miss alreem]

انا اعرف اللي ينمي ثقافتة يقرا اشياء جديدة

 

[Kadin Cligin]

الثقافة هي مجموعة من القيم والمعارف اللي يتميز بها الانسان ..

يعني المثقف لازم يتحلى بالقيم والاخلاق الاسلامية أولا ..

وبعدين ينمي المعارف عنده ..

ولج طريقة : (اعرف كل شي عن شيء وشيء من كل شيء)

يعني تعلمي كل شي تخصصج وتعلمي فباجي المعارف الثانية

وعندج كتب تطوير الذات ابدئي فيها .. طوري نفسج وذاتج وبعدين اقري في باجي العلوم وتعمقي في تخصصج

 

[Q8Lady]

الثقافة مثل ما قالولج مجموعة من المعارف و شخصية الانسان وفكره وطريقة تفكيره وطرحه حق هالفكر اللي اهوا شايله ، يعني ما تييج وحده وتقولج انا مثقفة وكل سوالفها مثلا عن المكياج !! ولما تسألينها منو مؤلف كتاب كليلة ودمنة ماتعرف !! يعني لازم يكون عندج المام مهما كان بسيط بمختلف انواع الاداب والعلوم والفنون
موضوع الثقافة يطوول شرحة
وتقبلي مروري
وان شاء الله نكون كلنا من صاحبات العقووول النيرة المثقفة