مهم لي هدرجه ولا لا

[Preity]

السلام عليكم ورحمة الله وبركاته

اشلونكم شخباركم ان شاء الله تمام

اللي حمسني اني اكتب هالموضوع رساله وصلت لي ع الايميل وهي عباره عن صورة

بيتزا مسويتها وحده من بنات هالايام صراحه مدري هي من صجها والا تستهبل
انا يوم شفت هالصورة تذكرت قصه :



شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :

الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، والا الباب يدق
قال هم ذولا وصلوا يالله همه يا مره وراح عند ربعه يقهويهم....
المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه


والمفاجأة ... ؟؟؟؟؟؟؟؟؟؟

7

7

7

7

7

7

7

7

7

7

7

7

7

7

7

7

7


يدخل زوجها عليها ويرمي لها (50000) خمسين ألف دينارقال هذا حقك قالت وشوا حقه قال الرهان اللي بيني وبين زملاي العشرة على كل واحد
(5000) بأنك تطبخين ليلة الدخلة وش يكون ردة فعلك موافقه والا .. لا وانتي من كسب الرهان وتمت ليلتهم على خير وصاروا اسعد زوجين .........


هذه قصه من قديم الزمان هل ستفعلها واحده من بنات جيلنا الان؟؟
في موضوعي هذا ساتطرق الى البنات اللاتي لايجدن الطبخ طبعا هذه الظاهره تكونت لدينا وبدأت تكثر في الاونه الاخيره

واسبابها:
1\ الاستعانه بالخادمات حتى في احضار الماء
2\الانشغال بالدراسه
امم هاذي الاسباب من عندي اذا عندكم اسباب ثانيه قولوها

اكيد الزواج مو كله طبخ لكن الطبخ شي مهم




سؤالي؟ :
هل تؤيدين فكره انك تتعلمين على الطبخ قبل الزواج والا على قول (الدنيا تعلمها)؟؟


اتمنى التفاعل الجدي والواقعي

 

[طموحه بزياده]

صراحة الصورة ضحكتني هههههههههههههههه الظاهر رفله ماتعرف تسوي




انا أأيد اتعلم الطبخ قبل ما اتزوج ترا لي الحين الزوجات الجدد فيهم خير

الرجال اللي متزوج بتكون عنده احلام بزوجه تطبخله او على الاقل تسوي اي شي يوكل بيدها مو حلوه تطلع ما تعرف تسوي شي زوجه على شنو؟؟

 

[غمـــ ^^ ـــازه]

لووووووووووووول امبي الصوووووره ابداااااع لوووووووووووول

صراحه لازم الوحده يكون لها خبره لو قليله عن الطباخ

علشان اتعرف اشلون اتمشي حياتها اذا تزوجت والمثل يقولج (اقصر طريق لقلب الرجل معدته)

 

[ياعشيري جعلك السلال]

انا اعرف اطبخ ومومتزوجه

وامي تعلمنا كلنا حتى اختي الصغيره قاعده تتعلم

 

[*FaRaWlA*]

اقرب طريق الى قلب الرجل معدته ))

لوووووووووووول

انا بالنسبه لي اعرف اطبخ بس مو الي طبيخه يعني حدي سوالف معكرونيا و جذي

.......

وانا أأيد الي تتعلم الطباخ قبل الزواج احسن لها

 

[العيون الشقيه]

لا اكيد لازم تكون عارفه الطبخ

مو حلوه بحقها

صراحه انا دايم اقيس مدى شطارة المره ع مطبخها

يعني اللي تعرف تطبخ وشاطره اكيد مهتمه فبيتها

وسنعه

لكن اللي ماتعرف تجيب قلاص ماي

ماظن بتفلح بغيره !!

 

[فيونكة_وردية]

لوووووووووووووووووولل والله انج يبتييهاعالجرح ههههههههههههه انا اخااف اطبخ العيووش بالذاات معني احب العيش بس عادي عندي اسوي كل شي ثاني ستيكات سلطات بيتزات فطاير كيك وحلو بس المجابيس وتوابعها اخاف ماجربت بس راح اتعلم غصب قبل لا اتزوج لوووول خلييه يا كل من ايدي وشهووله المطاعم ")

 

[*أم*خالد*]

الطبخ مهم للبنت والولد

الشباب اذا سافرو ولا راحو شاليه ولا اي مكان يطبخون .. يا شوي او إموش أو غيره .. خاصة اللي يسافرون يدرسون بره يشتاقون حق الاكل الكويتي

بالنسبة لي الجنسين لازم يتعلمون مبادئ الطبخ مثل انواع الطهي من قلي وفوح وغيره
وبعض الأكلات البسيطه اللي تسد اليوع
مو شرط مجابيس

انا اعرف اطبخ اشياء عشان ما اموت يوع بس عيوش وايدام لا والله ماعرف
واذا احتجت راح اتعلم .. سواء بزواج او بدونه

 

[ناعم العود305]

انا مع البنت تعلم الطباخ قبل الزواج عشان ما تتوهق اذا طلب منها الزواج تطبخ له

 

[ReeM ^ Style]

لوووووووووووووووول عجبتني القصه 50.000 ريال مو دينار

عالموم انا اشجع البنت تتعلم الطباخ قبل الزواج لان الاكل شي مهم بالنسبه للمره المتزوجه ومشكوره حبيبتي عالموضوع

 

[زود الغلا]

لااااااااااااااااااااااااااااااازم الوحدة تعرف تطبخ قبل الزواج مهما كان الزوج يحب يذوق شي من ايد زوجته.

 

[Preity]

ماشاء الله يعني كلكم مأيدين تعلم الطبخ قبل الزواج
صح شي مهم
تسلمون حبيباتي ع المرور
منورين

 

[Petite]

مشكوره على الموضوع العجيب صج يا على الجرح

من أول يوم خطبني ريلي أبوي قاله بنتي ماتعرف تسوي شي غير الكيك

 

[لولو البحرين]

من قبل لا اتزوج كنت اطبخ على خفيف يعني سوالف عشا بس وفي الخطوبة بديت اتدرب شوي عليه واجرب فيه هو واهلي اما العيوش فعقب الزواج على ماضبطت تقريبا كل شي....احس الزوج يستانس اذا اكل شي من ايد زوجته حتى لو بيض مقلي بس عاد مو كل يوم بيض خخخخخ.

 

[جماااانة]

لووووووول لا مووصج القصصه معقووولهـ فييه رهاان جذي ...

بس زين سوت العششا لهم >> بنسبة لي عادي اسوييه

اماا الصوورة تحفه صج رفله اللي سوت البيتزاا اششدعوه ما تعرف اشلون يسون البيتزاا احد يحطهاا ع شبك الفرن


والله شووفي ماكوو احد مايعرف يطبخ حتى ابوو 5 سنين يعرف يسوي له شي حتى لوو يحشي صمون وجبن

بس اللي فييهم بناات هالاياام كسسل لا غييييير واعتمااد علي غييرهم ... يعني حتى قلاص المااي الخادمة هي تجيبه لهااا

وطبعااا لازم الوحده تتعلم قبل الزوااج عششان متتوهق بعد عرسهاا ...

 

[صاحبـ السمو ـة]

هههههههههههههههههههههه
<<قعدت ساعه تستوعب الصورة لوووول
انا بصراحه وحده علاقتي بالمطبخ نفس علاقه جدتي باللغه الانجليزية

يعني مـــــــــــــــــــــــــــــيح

والله ودي ودي اتعلم قبل لا اتزوج
وانشاء الله اتعلم
لان بصرااحه انا ضد البنت الرفـــــــــــــــــــــلة

<<<علمي نفسج

 

[Preity]

مشكوره على الموضوع العجيب صج يا على الجرح

من أول يوم خطبني ريلي أبوي قاله بنتي ماتعرف تسوي شي غير الكيك

ههههه عاد من اول يوم :dddds:
مشكوره على مرورج
منوره :tek:

 

[عاشقه مودي]

أكيد مهم الطبااااخ
لان مهما كانت ظروفج أنتي الي بتطبخين بيت زوجج ولازم بيوم زوجج يشتهي شي من أيدج ..
وترا السالفه مو صعبه بالعكس سهل وحلووو..
بس الظاهر الي سوة البيتزا تستهبل :krkrkr:

 

[أم حمد =)]

حلو ان البنت تتعلم طبخ مو بس حق الزوج لا حق نفسها يعني تتعلم شغله حلوة ومفيده ..

والي ماتعرف شي .. اكيد لما تتزوج راح تدش المطبخ بتخرب مره مرتين ثلاث بس اخر شي بتتعلم ..

انا اول ماتزوجت حاولت اسوي مجبوس دياي سويته ثلاث مرات كل مره الديايه تحترق والعيش كله دهن يعور البطن

 

[Preity]

من قبل لا اتزوج كنت اطبخ على خفيف يعني سوالف عشا بس وفي الخطوبة بديت اتدرب شوي عليه واجرب فيه هو واهلي اما العيوش فعقب الزواج على ماضبطت تقريبا كل شي....احس الزوج يستانس اذا اكل شي من ايد زوجته حتى لو بيض مقلي بس عاد مو كل يوم بيض خخخخخ.

اي اشوي اشوي البنت تتدرب ع الطبخ

هههه احلى شي لو عيشناه على بيض :dddds:
مشكوره على مرورج منوره :tek: