مهم مهم

[ام غندر]

السلام عليكم ورحمة الله وبركاته
يااخواتي عندي اخوي الصغير يموووت في الاغاني تعبت وانا انصحة ايش اسوي فيه انصحوني تكفووووون قهرني انا ماحب اسمع الاغاني عمرة 16 شنو اسوي

 

[بدالخلايق]

الله يهديه يارب

يختي حاولي تكلميه وتنصحيه وان شاء الله يتركها

 

[فلة قطر]

اذا عنده بلاك بيري

حاولي اطرشين له قصص اللي تابوا

يعني او قولي له قصص بطريقه غير مباشره

لانه في هالسن مايحبون احد ينصحهم ياخذونها بحساسيه

 

[هناء - Hana]

دزي له قصص وشوفية شلون بيتوب<*

 

[اماراتيه سنعه]

السلام عليكم

انا لاحظت اللي فهالسن مايتقبلون النصيحة فالاغلب !!

يعني لازم ماتكون نصيحتج بشكل مباشر لا تقوليله بتدخل النار و وذنوب و و و و

لان المراهقين كل همهم يشبعون غريزتهم و يبتعدون عن اللي يكدر مزاجهم


حاولي ماتوجهين له النصيحة بشكل مباشر قعدي معاه و مع غيره حاولي تتفقين مع اي حد من اهلج او اخوانج ان الكلام لهم وعلى اساس متقبلينه وان صدق اتغيرو بعد ما تركو هالشي


وصدقيني هالشي اذا تركه مرة وحده بيرجعله مره ثانيه لازم بالتدريج لازم يخفف لين مايترك

انا كنت اسمع الاغاني يوميا ومااقدر على اني اودره وكنت اقول مااقدر مااقدر لين ماسمعت وقريت طبعا تفكيري مايتقارن بتفكير مراهق ( المراهقين لهم حالة استثنائية فالتعامل ) ولين ما الله فرجها و تركت هالشي ولله الحمد


اسأل الله العظيم ان يعينج على مساعدته و في خطوات وايده فالنت تقدرين اتسوين سيرج ادورين عن فن التعامل مع المراهقين صدقيني وايد بتستفيدين

والسموحه ع الاطالة