موااااقف الخدم *****

[عمري فـداك]

السلام عليكم


كثير من الاخوات تطرقوا لمواقف الزواج وليلة الدخلة وغيرة وغيرة ....

الحين البيوت غالبيتها فيها شغالات هذا اذا ما كانوا أكثر ...ومواقفهم كثيرة بعضها تحزن وبعضها يضحك ...
وياريت كل وحده صار معاها موقف
سواء مضحك او محزن تكتبه
الموضوع للفرفشه والضحك ملينا من النكد والهواش
​

 

[noonaa-thn]

مساء الورد يا ورد
صراحه مادري هو شي يضحك ولا يبكي
بس المهم زبده الكلام عندي اثيوبيه صارلها 6 شهور قرقه بمعنى الكلمه
تتكلم وايد وايد وايد
وانا فالمطبخ قاعده اطبخ وهي واقفه معاي تقطع البصل قاعده تسولف تسولف تسولف وانا اسمع ولا فاهمه شنو تقول يعني تخبط بالكلام عربي خرابيط
ولم لفت علي انا سويت روحي مندمجه معاها ف ابتسمت مع ضحكه خفيفه جان تزعل وتقد تبجي
وبعدين مع المساحل فهمت انها كانت قاعده تقولي قصت حياتها بوها مات وامها قطتها عند عمتها وعمتها ما كانت تعطيها اكل
ف صراحه افتشلت من نفسي
وبس ولحد الحين تسولف وانا اسمع واسمع ولا افهمها وماقدر اكسر فيها اقولها بس سكتي يعني حرام هي بعيده عن اهلها واذا ما قرقت معاي بدور بره وتخترب مثل غيرها

 

[ام زاكي]

ماعندي خدامه ادعولي تجيني خدامه واقولكم عن سوالفا الحلوه مابي سوالف نكد
بس مره خدامه بيت اهلى قالت لها امي حطي فاكه حق الضيوف قامت رتبت الفاكه وجابتهم
الا شنو حاطه مع الفاكه طماط لوووول

 

[عمري فـداك]

رد : موااااقف الخدم *****

لا يوقف لا يوقف

 

[om al ghaleen]

لووول عاد اليوٌم صار لي موقف صج انحرجت منه من خدآمتي الله يهديها

من اسبوعين كآن عرس آخوي وكنت حاطه بشعري حشوه كبيره
وورجعت من العرس حدي تعبانه ومنهد حيلي شلت الحشوه وحطيتها بجيس
وماسألت عنها .. اليوم ريلي بسوي له قهوه ولاخدامتي حاطه الحشوه بكبت المطبخ ويشوفها ريلي
ويصرخ شنو هذا وانا ويهي يقط آلوان حسباله الخدامه مسويه سحر
كلمتها قلت لها يعني مافي مكان الا المطبخ ؟
قعدت تضحك تقول مدام خفت اقطها وتزعلين حدها فشلتني :eh_s(3):

 

[noonaa-thn]

سمعي هالسالفه اليوم صارت
خدامتي قلت لها غسلي الدجاجه مثلجه اول مره اقولها غسليها بدون ما اوقف معاها رحت اسوي شي ثاني رجعت اطالع :bbbiu:
الله لا يراويج الدجاجه تهردجت ما دري شصار فيها
شلعت الجلد صراحه لو اصورها لج تموتين من الضحك ورجولها تعوقت
وقفت اطالع الدجاجه تكسر الخاطر والله اكسرت خاطري
مادري اضحك ولا اعصب كنت بسوي مجبوس دجاج بس الدجاجه ودعت شكلها مصلوخه ههههههههههههههههههههه

 

[عمري فـداك]

رد : موااااقف الخدم *****

يسلموووووووووووووووووووو على المرور

وين مواااااااااااقفكم يابناااااااااااااااااات

 

[شذونه]

رد : موااااقف الخدم *****

ههههههههههههههههههههههههههههه ماعندنا خدام احنا نكرف ليل نهار

 

[ام ناصر 2009]

للرفع