مواقف رحلة الفحص الطبي للوظيفه ( مجلس طبي )

[حنين]

بسم الله الرحمن الرحيم

بنات تعالو قولولي مواقفكم الحلوه لما رحتو فحصتو
انا اليوم رحت صارت لي مواقف
ماراح اقول الا لما تقولون

 

[حنين]

شدعوه

 

[KnDOoSh]

رد : مواقف رحلة الفحص الطبي للوظيفه ( مجلس طبي )

ليش شصار معاج قوووليلنا
انا بعرف الحين لما اراجع الوزاره يوم الثلاثاء راح يعطوني اوراق الفحص على طوول؟؟
وتطول السالفه ولا تخلص بسرعه؟

 

[حنين]

وين قبلوج ؟

اولا مشيت من بيت ساعه 7 ما وصلت مجلس الطبي الي في صباح الاساعه9 كان في زحمه صوب العمريه و شويخ زهقت عمريه تقريبا قعدنا بالشارع ساعتين لما وصلنا منطقة صباح ودخلنا مجلس طبي وصلنا حق شباك رقم 20 وعطوني ورقتين ورقة تحليل تكريمين بول واشعه اروح مستشفى مبارك وصلت مبارك وخذانا هندي يدلينا مكان تحليل رحت اخذ رقم وعطوني علبه بيضه انا فتشلت لان الي عطاني ريال قالي روحي غرفه 10 لما وصلت الغرفه طلعت حق تحليل دم قالتلي دكتوره هذه تحليل بول روحي الحمام انا هني حدددددده افتشلت دخلت الحمام ماني عارفه شسوي على ما عبيت طلعت روحي وطامه الكبرى شلون اطلع وانا ماسكه العلبه وقمت احوس بين الغرف اقولهم وين اودي اثاري في كوشك بره اعطيهم اياه لما عطيتهم وستلمو يا الهندي خذى تحاليل كلهم جان يني يقولي ماما هذا تحليلج انا هني مادري شرد عليه قتله ها شنو قال خلاص ماما وعقبها رحت فوق اسوي اشعه دخلت عطتني الهنديه ثوب برتقالي وقالتلي فسخي الستيان والعبايه وشيله ولبسي ثوب( حدددده تحفه الثوب علي) وعقبها طلعت من غرفه ولا ريال دايس 150 دعمني مادري شمعيله ومارديت البيت الا مع اذان الظهر كل هذا من زحمه

 

[KnDOoSh]

رد : مواقف رحلة الفحص الطبي للوظيفه ( مجلس طبي )

هههههههههههههههههههههههههه خووووش رحله والله يعطيج العافيه.. اهم شي انج خلصتي كل شي وافتكيتي ولا بعد؟؟

انا قبلوني بالتربيه.. وانتي وين؟

 

[حنين]

تقريبا خلصت باقي نتيجت التحليل
اقبلوني الاوقاف

 

[حنين]

شدعوه 40 مشاهد ولا احد رد

 

[KnDOoSh]

رد : مواقف رحلة الفحص الطبي للوظيفه ( مجلس طبي )

الله يوفقج انشالله

بس مو قالوا من الثلاثاء المراجعه؟؟ انتي توه قبلوج بهالدفعه صح

و متى قالولج عن نتايج التحليل عسى ما يأخرونا بس

 

[حنين]

اي معاكم قبلوني وعادي اليوم ولا باجر تروحين يمكن قالولج اخر يوم ثلاثا ونتي عبالج ثلاثا
اليوم نتيجه
ترى سهالات لا تخافين وناسه تجربه حلوه استانسي وستعبطي لووووول

 

[نـ(المطيري)ـازكـ]

رد : مواقف رحلة الفحص الطبي للوظيفه ( مجلس طبي )

دخلت الحمام ماني عارفه شسوي على ما عبيت طلعت روحي وطامه الكبرى شلون اطلع وانا ماسكه العلبه وقمت احوس بين الغرف اقولهم وين اودي

مت عليهاااااااا من الضحك هههههههه

حبيبتي انتي قبلوج مع الدفعه الاخيرة

لان موعد ع يوم الثلاثاء ..

وشلون خلصتي طولتي والا لا .. لان انا الصراحة هم احاتي التحليل ومستحية ^_^

 

[نـ(المطيري)ـازكـ]

رد : رد: مواقف رحلة الفحص الطبي للوظيفه ( مجلس طبي )

اي معاكم قبلوني وعادي اليوم ولا باجر تروحين يمكن قالولج اخر يوم ثلاثا ونتي عبالج ثلاثا
اليوم نتيجه
ترى سهالات لا تخافين وناسه تجربه حلوه استانسي وستعبطي لووووول

بس مكتوب بالجريدة المراجعه ع يوم الثلاثاء !!!

انتي بأي وزارة ..؟

 

[KnDOoSh]

رد : مواقف رحلة الفحص الطبي للوظيفه ( مجلس طبي )

اي صج لان مكتووب بالجريده من يوم الثلاثاء المراجعه

نازك شلوونج وينج مختفيه وصج وين اقبلوج انتي ؟؟

 

[نـ(المطيري)ـازكـ]

رد : مواقف رحلة الفحص الطبي للوظيفه ( مجلس طبي )

هلا كندوشة .. والله انا بخير الحمدلله ..

انا بالصحة ياقلبي .. ^_^

تصدقين ع حجي حنين شكلي بروح اليوم عن الزحمة بس اخاف اتعنى واخر شي انجل ههههههه

 

[@فطفوووطه@]

هههههههه ان شاء الله انقبل بالوزاره اللي في بالي واقولكم مواقفي

بس صج ليش الثوب البرتقالي عشان شنو ؟؟؟

 

[KnDOoSh]

رد : مواقف رحلة الفحص الطبي للوظيفه ( مجلس طبي )

مبروووووك حبيبتي الله يوفقج

حتى انا والله قاعده افكر نفس الشي عن الزحمه جني برووح

 

[نـ(المطيري)ـازكـ]

رد : مواقف رحلة الفحص الطبي للوظيفه ( مجلس طبي )

الله يبارك فيج حبيبتي والله ..

امممممممم والله ما ادري اروح او لا .. عادي اخلي حد يروح بدالي ع الاقل لو الوزارة يستلمون اوراق الفحص والا لازم حضوري !!

لاني سهرانة من امس ومالي مود ههههههههههه بس احاتي الزحمة .. ^_^

 

[حنين]

رد: رد : مواقف رحلة الفحص الطبي للوظيفه ( مجلس طبي )

مت عليهاااااااا من الضحك هههههههه

حبيبتي انتي قبلوج مع الدفعه الاخيرة

لان موعد ع يوم الثلاثاء ..

وشلون خلصتي طولتي والا لا .. لان انا الصراحة هم احاتي التحليل ومستحية ^_^[/quote
تحليل راح يعطونج علبه بيضه وتروحين الحمام تكرمين تعبين
اليوم جفت جم وحده يايبه اوراق تعينهم وسوو وياي
اتصلي ع ديوان وسئلي
قبلوني بالاوقاف

 

[حنين]

هههههههه ان شاء الله انقبل بالوزاره اللي في بالي واقولكم مواقفي

بس صج ليش الثوب البرتقالي عشان شنو ؟؟؟

حق الاشعه

 

[حنين]

رد: رد : مواقف رحلة الفحص الطبي للوظيفه ( مجلس طبي )

الله يبارك فيج حبيبتي والله ..

امممممممم والله ما ادري اروح او لا .. عادي اخلي حد يروح بدالي ع الاقل لو الوزارة يستلمون اوراق الفحص والا لازم حضوري !!

لاني سهرانة من امس ومالي مود ههههههههههه بس احاتي الزحمة .. ^_^

خلي ولي امرج ياخذهم

 

[نـ(المطيري)ـازكـ]

رد : مواقف رحلة الفحص الطبي للوظيفه ( مجلس طبي )

حنين ع البركة حبيبتي ..

بسألكم الحين لو خلصتوا الفحوصات واستلمتوا مباشرة العمل ع طول بتسلمونها لادارتكم وبداومون .. يعني مثلا يوم الاحد

والا بتقعدون اسبوع اسبوعين لي بعد العيد ..؟