موضة التسعينات ؟؟ ردت ولا لأ

[PuPa^^SWeeT]

السلام عليكم

شلوووونكم

موضووووعي كنت افتر اب قوووقل و لقيييت هبااات قبل كنا انسوييها بالملابس و الاكسسوارات

في بعضهم ردوو

مثل الاساور الجلد و قلااايد وقوووول البييس peace

و همن الحيين الليقنز رد هذي موضة 1980 و هكذا

بس فييه شغلاتتت بعد



اذا تشاركوون بهبات 1990 سواااء رديينا لهم ولا المهم شنو تذكرين انتي كنتي تلبسين ولا اختج

تعااالي كتبييه


يعني انا اذكر كانت عندنا موضة الحينزات اللي ريل منهم سوودة و ريل الثانية مقلمة اسود و ابيض

و في قمييص طويييل ابيض فيه منه الوان بس اللي كان دارج الابيض


انتو شنو تذكرووون ​

 

[كويتيه في روما]

رد : موضة التسعينات ؟؟ ردت ولا لأ

يا حلات ايام قبل

اذكر بنطلون الجيب كلوت الي ردوا عليه الحين

و قمصان الكشاكش الي ردوا عليها الحين

و هم هبينا بالبنطلونات السترج ...الحين صاروا يسمونها ليقنز >>>

والجناط الي مسكت ايدهم طويله من الجتف لي الركبه >>>>> هم هبوا فيها الحين

و جوتي الدبابه >> كان عجيييييييييييييييييييب لووووووووووووول

و الشعر كنا نسوي القذله بكله >>> بف على قولتهم الحين

و الشعر نترسه سبريه و فووم نسوي كيرلي

 

[ديانا سبنسر]

اذكر من موضة التسعينات ثياب الكلوش اللي من فوق ضيق وتحت واسع

 

[بنت السليل]

بعد بشاركج هبت المكياج والحمره كنا نحط تحديد غامج وحمره
فاتحه وما نخلطهم وبعضهم يحددون بكحل اسود والله صج

 

[PuPa^^SWeeT]

صاااجة الكحل الاسود مو صجج انحطه مع الاورانج

لوووووول

كل شي رديناله بس مع فرق الاسم

لوووووووووووووووووووول

بنطلون الجيب كلوت

جووتي الدباااابة بس الحين الجواتي انعم


بعد شنو تذكروووون
اي شي بالللبس ولا الاكسسوارات اي شي تذكرينه

الشعر

اي شي

 

[الدلوعه2008]

حبيبتي كل شيء شيء رجع يعني القديم موضه الحين وكل السنوات للي طافت

 

[يكفيني حنانك..]

انا ببطن امي هذاك الوقت لووول
يعطييييك الف عافيه حبيبتي

 

[انصاريه قمره]

انا من مواليد 90 ماقدر افيدكم بس اذكر امي شعرهاا دايما كيرلي والقله بف
وتحديد لون والحمره لووون

 

[manoooram]

تسلمين على الموضوع اللي لاحظته من الموضة القديمة ورادين له ​

على آخر الثمانينات أو التسعينات

 

[العنود 99]

اتذكر التايرات خصوصا التنانير الكلوش كانت امي تلبسهم

واحنا كنا نلس التي شيرتات القصار والفساتنين بو ربطه من ورا

وشنو بعد اذكر الكويتيات من اهلنا كانو يلبسون حجاب ويربطونها من داخل ماعرف شلون اشرحها

وبعد القذله الي على جنب مرشوشا بالاسبري وينزلون خصلات على الجبهه

والصبغ النحاسي كان دارج اكثر شي

والكحل من فوق والروج الاحمر او برتقالي

واخبر امي كله تروح تشتري ازره حق التايرات وبعد

وياتنا فتره هبينا بالملافع الي جنهم فوطه مادري شبك نسيت

وبعد موضه فرستانشي ما انساها خخخ كلشي فرساتشي الساعه البلوزه النظاره الحجاب

وموضه ساعات سواتش الكبار وسيرها عريض سترتش في منها الوان

هاي الي اذكره الحين لو تذكرت شي برجع لكم

والله كانت ايام حلوه

 

[bulbul3001]

رد : موضة التسعينات ؟؟ ردت ولا لأ



ياقلبي على التنانير الكلوش:rerrerek:

 

[PuPa^^SWeeT]

رد: رد : موضة التسعينات ؟؟ ردت ولا لأ

يسلمووووو عالمشااااركات بنات

اب اب

 

[PuPa^^SWeeT]

رد: رد : موضة التسعينات ؟؟ ردت ولا لأ

اب اب

شدعوا

بس هذا في اكثر

 

[قلبي ابيض]

وييييييييييه ذكرتيني بالبف والتنانير الكلوش والتراجي الكبار

 

[caramil]

ممم اكيد هبة النظارت كلهااا ردت
ووو الجاكيتات ملوت البدله الرسميه بس ردت على احلى وتصحيح كبير
كل ملابس سعاد عبدالله و حياة الفهد القديمه قمنا نهب فيهم الحين
وووو بالتسعينات والله انا كنت عنونه ليش اني مواليد 90
بس اذكر امي كانت تحط حمره فاتحه و تحدد حلجها بتحديد عنابي
او الحمره حمره او برتقاليه
وو نقش الحنه انقطعنا عنه فتره و رد بس على احلى وايد
يازين ايام قبل
كاااك ولا ايام البوكله اللي هبت فيها نوال وكل الحريم قلدوها والحمره الدعمه
وووووو عقبها تطورنا شوي وهبينا بالجينز اللي وسيع من تحت والله نسيت اسمه من كثر ما اهوا منقرض
وكل مالللله ويتوسع من تحت لين صرنا مهرجيين
وبعدين دخلنا بهبة الجينز الديرتي كنا بالشعب كلنا ديرتي جينز اللي مايلبس ديري مو كول لوووووول اووو الجينز اللي امشقق
الحين املاحظه انهم ردوا عليهااا
والنظاره الشمسيه اللي اطارها اسود و عدساتهاا صفره او ورديه او زرقه شوفوا فيديو كليب نونو يانونو اتوقع امصورين فيها
وهم بعددد ميامي اغانيهم القديمه
ووووو بعدين الشباب هبوا بالسبايكي الغبي اللي جنه الشعر امعرق اييب اليهد لوووول بس ماردينا حق الهبه الحمددلله بعدنا
ووووووو اذكررر يت هبه الله لا يردهااااا البنطرون اللي فوقه تنوره شدعوه عليناااااااااااااا
لا والكل لبسهاااا مصخره لوووووووووووووول
وبعدين قمنا نصبغ شعورنا صبغ رش ازرق او احمر ايام الشعب لووووووووووول يعني امقطعين الهبه
ووووكل شي صوب والشباب صوب اول التسعينات الخوال لما هبوا يسوون شعرهم جكسون بس جنهم حاطين قوطي فوق راسهم
( شوفوا مسرحية طيوب وشيطون مالت اليهال تفهمون قصدي كاااك) ولا يت هبه قديمه الشباب قاموا يلبسون بنطرونات تريننغ
غبييييييييه لونها اززززززززززززززززززززززززززرق يبط العين لوووووووووول
لووول وفهمت قصد الاخت اللي قالت الشيله اللي جنها فووطه جنها شببببك تلوع الجبد كلهم شروووا الوان منها
او الشيله المعفسه اللي كانوا يعصرونها علشان يصير شكلها امعفس ..
او الشله اللي جنها شبك ..وبعدين البنات كانوا يلبسون الحجاب بدون شي تحته و بعدها طلعت الانطه ( الطاقيه) اللي تحت الشيله بس كانت تضحك كانوا يلبسونها بشكل يضحك ويطلعون خصله لوووول

وبس هذا اللي اذكره حالياً كانت حالتنا مزريه لوول

 

[caramil]

ونسيت اقول لما الشباب هبوا يحلقون راسهم ويخلون بس قمة راسهم لووووووووووووووول
انا كان عندي هالشباب حدهم ستايل لوووووووول مع اني كنت صغيره ام 7 سنين يحليلي

 

[caramil]

لووووول نسيت شي غبي بعد..
لما قمنا نصبغ هاي لايت مصخررررررررره احمر و وردي و ازرق لوول وبس نسبح يطيح اللون يصير امشوووقر
يبوووووووووووووووووووووووووي بدعنا بحياتنا

 

[jury2003b]

أنا اذكر التراجي الكبار الي لي الجتف مع القمصان داخل البنطرون مع الحزام والاسكارف المربع الي ينربط على الريل او الزند ابيه شكلنا احسه عهلاقة. لا ابيه ولا البنطرون بو تنورة مع بعض ويييييييييع حده. والجناط الي تنشال جنها جناط مدرسة. واهم شي الجبكلوت. وحجاب الحرير ابيه وايد سوالف*

 

[ScarletteO'Hara]

قمصان الغاب الي يكونون وساع حيل و كنا نجفس الجموم و القميص على حسب
مرات داخل الجينز و مرات برا و اغلب الاحيان داخل
الجينز مشقق صوب الركبة لونه ازرق فاتج رايح لونه

و طبعا الجزام بالجينز
قمصان جينز
جيليهات وسيعة
جاكيتات elite

ساعات g-shock و baby g من casio

بنطلونات بوخطين على جنب

جواتي سابيس غيرلز الي اهم platform shoes

بس هذا الي فبالي
عاد انا من مواليد الثمانينات فعشت التسعينات و انا واعية
موضوعج يونس

 

[om_7amad]

بس في هبات ما ردينالها مثل البناطلين الشارلستون و الباقي و المشقق والحزام اللو ويست والجموم الواسعه و الجوتي الدبابه رادينله بس علا شكل انعم والنعال النيديه للبنات والباندات و التيجان ردينه عليهم و اساور اللف سترونق...هذا الي انا لحقت عليهم اعتقد بالالفينات مو التسعينات او اواخر التسعينات لانه انا مواليد التسعين