موضوع الشوفه ...اشرايكم ؟؟؟

[عبااير]

السلام عليكم بنات

اشرايكم بسالفه عرض البنت على الشاب لما يجي يخطب .....تدخل البنت ويتمقل فيها الولد وبعدين عقب ايام الرد من ام الولد الله يرزقها ...الولد مايبيها
وبعد فتره هم تنخطب وهكذا .....

انا احس انه يسوي سمعه مو شي للبنت ...يعني باجر تطلع دعايه ان جم واحد شاف البنت واكثر الشباب يقولك لايبا هذي فلان وفلان شايفينها
اشرايكم ؟؟؟؟

 

[om_3kash]

هذا امر ديني و اهو من حق الخاطب على خطييبته

الله حلل هلشي انتوو يالبشر تيوون تحرمونه على كيفكم

الله يكملكم بعقلكم

 

[JaDeL]

حبيبتي الشوفة مو عشان الرجال يشوف البنت عشان البنت بعد تشوف الرجال واشوفه احسن بالعكس وهذا امر ديني

ومشكورة

 

[جوك احلى جو]

الحمدلله احنا طريقتنا مو جذي احنا لما البنت يبون يخطبونها مايشوفها بالبيت يعطونه مكان دوامها او كليتها او دوامها ويشوفها واذا يازت له يتقدم يخطبها اما سوالف انه ييي البيت عشان يتمقل فانا اشوفه تقليل من شان البنت جنه يشوف بضاعه وممكن ماتعجبه فيجرح مشاعرها

 

[زبــــــــدة]

مو بس اهوا يشوفها ...

حتى اهيا تشوووفه....

شي طبيعي يعني ... شلون بيتزوجون عيل ...لازم يشوفون بعض

وبعدين اذا الريال ريااال مايقول انا شفت بنت فلان وماعجبتني ...

 

[JaDeL]

وبعدين الحمدلله احنا عيالنا سنعين ورياجيل مو معقولة يقولون شفت فلانة بنت فلان وحتى لو قال شافها بشي محلله الشرع

 

[Gears]

انا ماشوف فيها شي


اصلا هالشي موجود بالدين !


وعمري ماسمعت ناس يتكلمون عن البنات ، ، وجذي

البنية ماسوت شي غلط وهالشي شرعي وجدام اهلها =)

وهذي النظرة الشرعية ،،


ويعطيج العافية

 

[عبااير]

اختلاف الراي لايفسد للود قضيه

وام عكاش ...الله يسامحج على اسلوبج (الله حلل هلشي انتوو يالبشر تيوون تحرمونه على كيفكم

الله يكملكم بعقلكم)
انا ماحرمت هالشي ...مجرد موضوع طرحته لج الخيار اتايديني او اتعارضيني ....ان شاء الله ان الله مكملي بعقلي وسلمتي عالاسلوب
وخواتي الباقيات اشكر لكم طيب طرحكم

 

[البنفسج]

اختلاف الراي لايفسد للود قضيه

وام عكاش ...الله يسامحج على اسلوبج (الله حلل هلشي انتوو يالبشر تيوون تحرمونه على كيفكم

الله يكملكم بعقلكم)
انا ماحرمت هالشي ...مجرد موضوع طرحته لج الخيار اتايديني او اتعارضيني ....ان شاء الله ان الله مكملي بعقلي وسلمتي عالاسلوب
وخواتي الباقيات اشكر لكم طيب طرحكم

..

فديتج عباير لاتصيرين حساسه .. في بنات يقطونها بالوجه ..

أنا أقول موضوعج حلو .. بس شرعاً لااازم يتشاوفون .. مو عيب ولا حرام .. ومافيها تقليل للبنت .. وعلى قولة اختي

رجاجيلنا عندهم خوات ماراح يتمشى ويسولف يقول شفت فلانه وعلانه .. وبعدين اذا ماشافها الا بوقت الملكه وماعجبته أبد

؟؟.. أو العكس ماتقبلها .. شيسوي يطلقها ؟؟..

 

[عبااير]

مشكوره يالبنفسج على ذوقج .....بس صدقيني انا مو حساسه لهالدرجه ...وعادي الامر سهالات خخخخخخخخخخخ
يسلمووووو يالغلا مره ثانيه

 

[katko0ota]

مساء الخير حبيبتي

طرحج حلووو لموضوع يمكن اغلب البنات مرو في هالموقف

من وجهه نظري الشخصيه الي يفكر بالطريقه الي قلتي عنها اذا المشكله فيييه اهوو مو في الموضوع او الموقف نفسه

احسن من انهم بشوفووون بعض يووم العرس و يتوهقوون ببعض (مزحه)

و تبقى وجهه نظر

 

[^_^ حوراء ^_^]

الموضوع من زمان منتهين منه لووووووول

بالعكس انا عندي هاذا اهم شي ..

لان في ناس سبحان الله مافيهم شي بس من تشوفينهم ينقبض قلبج من ناحيتهم ..


يعني ما تسوى علي اتزوج واحد مو شايفته ولا مو شايفني و بعد الزواج ما يصير في تقبل من الاثنين لبعض ..

بالعكس بالعكس بالعككككككس اهم شي انج تشوفينه و يشوفج و ترتاحون حق بعض و يصير استحسان بينكم


تن ترا را رارارا خلاااص خلصت خطبتي ليوم اليمعه لوووووووووووول ..


و رايج شي يرجع لج ..

^_^

 

[عاشقه رويشد]

الشرع محلل هشي احنا بنمنعه ليش يعني

 

[عبااير]

نورتوا صفحتي
اسعدني تفاعلكم مع موضوعي

 

[KaToMa]

انا احس هذا اهم شي
يعني لي متى ما يشوفها ؟ بعد الزواج ينصدم بعقليتها ولا شكلها ولا تفكيرها
على الاقل يشوفون بعض يعرفون بعض وهذي شغة بالدين
بعدين ما اتوقع الاهل راح يدخلون اي ناس يشوفون بناتهم الي بعدها الصبي يتكلم واساسا محد يسوي هالشي الا فيه خلل

 

[KaToMa]

شغة = شغلة للتوضيح فقط ;$

 

[tmtmt]

وممكن لما يشوفون بعض الولد يكون ابيها والبنت تقول مابي ما ارتحت

يعني ممكن يكون الرفض من الاثنين ..

وبالعكس سبحان الله في اشخاص من اتشوفبنهم ما يدخلون قلبج وما ترتاحيلهم وفي لا والله يدخلون القلب من غير استئذان

يعني الشوفه حق الاثنين

 

[• قلبه نصيبي •]

والله ياقلبي عندي عادي لان الشرع حلل هالشي !
واذا واحد بيمشي ويتكلم عن المره الي شافها فهاذا واحد مو صاحي

 

[LoOLoO-17]

الله ورسوله ماحللوا شي الا لفائده يعني شلون ماتشوفه ولا يشوفها؟؟

وشلون بتصير الفه وود بينهم الزواج عشره عمر اذا مافي الفه وقبول من البدايه شلون بتستمر الحياه

وانا عندي الشخص يشوف البنت ببيت اهلها احسن مايشوفها بره او يتفقون على مكان ليش البيت شفيه اامن واستر وبين اهلها

انا يوم يو يخطبون اختي قالوا الولد يبي يشوف البنت بره يعني بمكان مثل جمعيع ولا كليه امي وابوي مارضوا قالوا اللي يبيها يجيها لي بيتها وبين اهلها ويشوفها واهي بعد بتشوفه واذا صار نصيب الله يتمم على خير واذا مافي ماتشوفون شر


هذا رأي واحترم كل الاراء

 

[أوركيد]

شرعاً ...يجوز الشوفه ..ليش نرفض والله حلل هالشي وأجازه!!!!

الافضل انه الولد يشوف البنت واهي بعد..اذا ما صار القبول بينهم الحين احسن من انه يصير بعد الزواج..