موضوع حساس و مهم و مفيد ان شاءالله...عطوني رايكم

[life1]

السلام عليكم



انا ابي اتناقش معاكم موضوع اكمال التعليم او بداية التعليم في سن متاخر


مثال : امراه بدت تدرس الابتدائي في سن الاربعين واتخرجت من الثانوي في عمر الخمسين


هل هالشي راح يفيدها بشي من ناحيه اجتماعيه و ماديه و معنويه


ولا مجرد تجذب على روحها


مثال-2: رجل تخرج من الثانوي بعمر ال18 و بدأ يكمل الجامعه بعد 30 سنه ...وحده من الثنتين:

1-هذا الشي انجاز و اشجع عليه

او

2-الريال قام يلعب بالوقت الضايع و اشجعه على انجاوات من نواحي ثانيه يعني اذا كان قصده مادي احسن له يفكر باشياء ثانيه


على فكره انا شوي ضيعتكم عشان اوصل لكم الفكره بس اتوقع الي ابي اقوله وصل ....ناطره الردود

وبالنهايه اوجه لكم السؤال:اتعرفين احد جذي (سواء من الموجوجين حوليج او شخصيه تاريخيه ) ؟ اذكريه الاسم او القصه ؟​

 

[funkia cool]

رد : موضوع حساس و مهم و مفيد ان شاءالله...عطوني رايكم

بالعكس شي حلوو الواحد يكمل تعليمه يزيد ثقافه وعلم
بس في ملاحظه ترا مو كل شخص يدرس يكون مثقف في ناس يدرسون بس عشان يعدون مرحله تعليميه وفي ناس اكبار خلصو تعليمهم تلاقين عندهم مكتبه ويتثقفوون هذا يعتمد عالشخصيه بعد بس انا اؤيد اكمال التعليم عشان تأمنين مستقبلج
وبالتوفيق ياحلوا

 

[Ameeraaaaaa]

التعليم في الكبر يكون طموح ورغبة داخلية في الانسان محد يقدر يحس فيها الا صاحب الشأن
قبل يومين انكتب بالجريدة عن شخص يمني , حصل علي درجة الدكتوراة حديثا وهو بعمر الثمانين وكان فخورا مزهوا بنفسه جدا .
طبعا مستحيل الشهادة تضيف لاي انسان قيمة وهو بهذا العمر لانه من الطبيعي انه لا يرغب بوظيفة او مركز او اي اطماع اخري ,, ولكنه الطموح الداخلي ومستحيل احد يقدر يحس او يفهم مشاعرهم الا صاحب نفس الظروف . ( حرمانه من التعليم ) سابقا
طبعا انا اشجعهم وافرح فيهم جدا واشعر بقيمة ان يحصل الانسان علي شهادة وتعليم وينظر للامور بمنظور مختلف .
ولا تنسين ان التعليم في الكبر رغبة ذاتية بحته

 

[Ameeraaaaaa]

نسيت اقولج ايام الجامعة كان معاي زميلة كبيرة بالعمر( منتصف الاربيعينات ) ,وما شاء الله عليها بنت مليونير بالكويت وطبعا قاعدة تدرس مو عشان تتوظف , لانها مو محتاجه للوظيفة باي شي الله يزيد خير اهلها ,عقارات واموال ومشاريع واسمهم اشهر من نار علي علم
ولكنها رغبتها بان تدرس وتستفيد وتحصل علي شهادة تضيف لنفسها قيمة ,,, ملاحظه طبعا : علي ثراء اهلها اللهم زيدهم وبارك لهم الا ان الحصول علي شهادة وتعليم الانسان له معاني اكبر من كل اموال الدنيا .

 

[dr.maha]

و عليكم السلام و الرحمه ..

العلم في الصغر كالنقش على الحجر و العلم في الكبر كالنقش على البحر ..

هالمثل حاطته شي اساسي بحياتي ..

في ناس تقول انا توني صغيره ..خل استانس بحياتي ..العمر جدامي و اقدر اكمل دراستي لا كبرت ..

هالشي غلط ..لأن العلم و الدراسه و انتي كبيره جنج تنقشين على البحر ..جربي انتي تكتبين حرفج على البحر بيروح بسرعه ..

نفس الشي لما تتعلمين و انتي كبيره ..

لكن في ناس ..مضطره تتعلم و اهي كبيره ..عشان اهلها ما علموها او لأسباب ظروف اجتماعيه ..

انصحهم بهالسن يدرسون بدار القرآن و يعلمونهم القراءه و الكتابه للقرآن و المواد الدينيه ..

الفيزيا و الكيميا بهالسن مرح يفيدونها بشي ..

و يعطيج العافيه : )

 

[life1]

بس طلب العلم له اجر حتى لو ما استفاد