موضوع فطر قلبي

[mamanoonaa]

السلام عليكم بنوتات شلونكم انشالله استانستو بالاجازه


راح ادخل بالموضوع على طول وببدأ
الموضوع بسؤال

ليش إذا حطو مسلسل وفيه شخص مريض حده ولا وحده تحتضر قالو حق اهل المريض

احنا اسفين مابقالها شي السرطان راح يقتلها!!!!
ولا ايامه معدوده!!!
وين مراعاة شعور مرضى السرطان ؟ وين التقدير لوضع اهلهم؟
بصراحه الي خلاني اكتب هالموضوع
اني كنت معه اخوي نطالع التلفزيون ولا الدكتور يقول حق الزوج الحاله متأخره والسرطان راح يقضي عليها يقصد زوجته وبما ان عضيدي وحبيبي مصاب بالمرض على طول طالعني ونظراته تقول لاااا تحاتين تراني اقوى
وبادلته النظره ولسان حالي يقول ادري انك كبييييييييير

اتوقع ان موضروري اقول ان فلان مصاب بالسرطان وبموت
مريض وخلاص ليش اسمي الامراض واجرح المرضى
ولا شرايكم؟

 

[tmtmt]

طبعا من رايج ...
بجيتيني ... والله

ربي يشافيه ويقويه ويبرد على قلبه وقلبنا
ويحفظه لنا يارب ...

الله يرحم ويلطف اطفال ومرضى السرطان يارب

دشيت الوضوع قبل لا انام وانعصر قلبي

 

[عاشقه مودي]

:0bee2e8d89: :0bee2e8d89:

الله يشفي أخوج يارب ويخليه لكم ...

 

[mamanoonaa]

:0bee2e8d89: :0bee2e8d89:

الله يشفي أخوج يارب ويخليه لكم ...

اللهم امييييين يارب
شاكره مرورج

 

[المــــلاكية]

الله يشفي اخوج ان شاء الله
و هالناس ما همهم الا الفلوس اللي ياخذونها ما همهم مشاعر الناس

 

[فجر العنزي]

ايه صح ماله داعي تخاريف الدكاتره هذي,,, الاعمار بيد الله واهم الشااافي ,,,, ومن يدري يمكن اللي قولتهم ما بقا شي ويمووووت يصير حصان بيوم وليله و ربه يردله عافيته بس خلو ايمانكم قوي بالله .....
وانتي حبيبتي الله يشافي اخوووووووج انشالله بس حاولو كل يوم ترقونه وتقرون عليه عند شيخ او شي ,,, ترا هالشي مهم و زين
وشكررررررررررررررررررررررررررررررررررا

 

[WaRoODa]

الله يشافي اخووج و يقوي قلبه انشالله
و مسلسلاتنا لا تعليق

 

[rayare]

اسال الله العظيم رب العرش العظيم ان يشفى اخوج

 

[المكسيكيه]

لا حول ولا قوة الا بالله العلي العظيم
اسال الله العظيم رب العرش العظيم ان يشفى اخوج

 

[القافيهـ الصعبه]

الله يشفي اخوك يآرب

ومو بس المسلسلآت

فيه اطباء يقولون لأهل المريض باقي له 6 شهور بس ويتوفى

يآربي صدق مافيه احساس

يآما نآس شفت وطلع كلآهم خرطي

حسبنا الله ونعم الوكيل

 

[PO PO22]

الله يشااافي اخوج ويخليه لكم

 

[hatoona]

حبيبيتي انشالله ماجورين على هالمرض والله يشافي كل مريض بس هذا واقع وما نقدر ننحاش منه او نعطيه ظهرنا وقوة المواجهه والصبر الاعتراف بامر الاشياء الي تضايقنا والحمدالله هذا ابتلاء من رب العالمين ويابخت المبتلى ولج اسوة حسنه بنبينا ايوب عليه السلام

 

[كريستال ليدي]

الله يشفى اخوج و يقومه بالسلامة

عورتي قلبي من الصبح

 

[الحــــياة]

والله انج صاجه فعلا ابوي كان فيه المرض كنت اتضايق اما يحطون جذي مسلسلات او اسمع هالكلام ليش مايراعون مشاعرالناس والله المرض والشفاء بيد الله سبحانه هو الشافي قادر ان يشفيه السرطان مو معناته الموت وانا اختج اهم الشي النفسيه.

 

[pretty sarona]

الله يشافي اخوج ,بس حبيبتي ما نقدر نخش المشاكل الاجتماعية والامراض مراعاة لشعور اصحابها الا اذا كان الشي منعرض بطريقه خاطئة و مشوه صورة الاشخاص ,, ما اشوف ان الموقف اللي شفتيه غلط لان هذا واقع يقولونه الاطباء كل يوم ,, و الخطأ الطبي صحيح وارد ولا ننسى ان الاعمار بيد الله

 

[ضحكتي هيبة بكاي]

الله يشافيه ويعافيه يارب

 

[mamanoonaa]

الله يشافي اخوج ,بس حبيبتي ما نقدر نخش المشاكل الاجتماعية والامراض مراعاة لشعور اصحابها الا اذا كان الشي منعرض بطريقه خاطئة و مشوه صورة الاشخاص ,, ما اشوف ان الموقف اللي شفتيه غلط لان هذا واقع يقولونه الاطباء كل يوم ,, و الخطأ الطبي صحيح وارد ولا ننسى ان الاعمار بيد الله

كلامج صح بس هالكلام ابمسلسل يعني بالامكان تفادي ذكر اسم الامراض ليش مايقولون مريض وحالته خطره وبس ليش الا السرطان

 

[هاناا]

يا قلبي

عورتي قلبي

الله يشافي الجميع

 

[الجازي2000]

اسال الله العظيم رب العرش العظيم ان يشفى اخوج

 

[• قلبه نصيبي •]

صح كلامج !
والله يشافي اخوج