موضوع للنقاش : ليش اغلب الكويتيين ماعندهم وعي بالتصوير ؟؟

[رورو 88]

هــــاي بنوتــــــــات













بهالموضوع بتكلم عن نظره اغلب الكويتيين عن التصوير انا وحده اموت بالتصوير

احب اشوف الصور اللي اتكون فيها فكره و CREATIVE بس ملاحظه بالكويت ان

التصوير صار وايد صعب عالبنيه يعني ذاك اليوم اختي اتسولفلي انا وياها نفس

التفكير والهوايه اتقولي ترى عادي يحبطونج يعني مثلا صوره عاديه مو شرط

يكون شكل اللي فيها حلو بس فيها فكره يقولون مو حلوه او اي زينه يعني ياخذون

الصوره كشكل بس وانا وياها خصصنا يوم نطلع انصور فيه OUT DOOR

بس لي الحين ما رحنا فاهيا قعد اتسولفلي عن تصويرها مع القروب اتقول لما

انصور وانحط الفلاشات الدنيا كلها اطالع لووووول وغير جذي في اماكن وايد ممنوعه

من التصوير انزين في ناس ما تدري اتقول راحت بتصور مجلس الامه بالليل من قريب اسفطت وانزلت اتصور

ومندمجه وحالتها حاله ما وعت الا اثنين عسكريين يايين ركض برشاشاتهم موجهينها

عليها من اليمين واليسار عشان خلاص ماكو نحشه محاصره هههههههههه امبيه موقف

موو صج على قولتها مشهد مسرحي حق اللي بالشارع :dddds: :dddds: بس

لما اطمنوا قالولها انتي صحفيه قالت لا قالوا عيل ليش اتصورين لوووول ليش

التصوير بس حق الصحفيين فتلها اشوه اني ما رحت كنت بصوره عاد انا خوافه جان

اغمى علي على طول ههههههه وملاحظه شغله ان التصوير بالكاميرا الديجيتال او بالتلفون

عادي بس كاميرا بروفيشنال وفلاشات ممنوع مادري شالفرق يعني ؟

المهم اللي بقوله ان التصوير بالكويت وايد صعب عالبنيه عكس برا باي مكان

يصورون وعندهم حس فني يتذوقون الصور لو توقفين باي مكان واتصورين محد

يطالع بالكويت صعبه وغير جذي شوي اللي يفهمون الفكره من الصور

يعني امانه الحين الاغلبيه لما يروح يصور لازم فل ميكاب وصوره جامده وشكلي

لازم يطلع اينن يعني ولا مره وحده راحت حق مصور بروفيشنال وفهم شخصيتها

وصورها صوره على شخصيتها بس فيها فكره او غريبه مممم مااعتقد قليلين

انتوا شرايكم معاي والا لا واتفبل كل وجهات النظر :gathering:

 

[om_7amny 85]

انا احب التصوير بس على قدى يعنى الكاميرا الديجيتل او بالتلفون و انزلهم على الاب توب و احب اسويلهم اضافات و حركات بس مو اكثر
اما كاميرا بروفيشنال لا ما جربت ولا فكره اسويها
تدرين ليش الناس يطالعونج ؟؟؟ لان مو متعودين على هالمنظر و على هالكاميرات البروفيشنال بأماكن عامه
و تلاقينهم <سوري بس هذا الصج> يتطنزون و يقولون امبيه هذى من صجها ؟؟ و له يقولون وين قاعدين ؟؟ و من هالحجى
عشان جذى الناس ما راح يفهمونج و لا أحد راح يحس فيج

بس احيانا انا اشوف بالمجمعات يسوون معارض حق ناس مو هوبين بالتصوير و مشاركين بالمعارض
ليش ما تشاركين معاهم ؟؟ ترى وايد يسوونها

 

[رورو 88]

لوووووووووول من صجكم بنات طلع كلامي صج محد عنده وعي

 

[~Unreachable]

احب التصوير بس ماكو اي تشجيع من الاهل =(

 

[tolay]

انا اموووووت على التصوير وودي اصور كل مكان بالكويت عشان الذكرى بس استحي اصور كل مكان

لانه اغلب اللي يصورون هنود واجانب لوووول

والشباب يقعدون يخزون ويتكلمون لما البنت تصور

 

[رورو 88]

ام حمني حبيبتي بس بالكويت جذي ترى لما سافرنا حيــــــل غير

وانا مااتكلم عن المعارض لا عن اذا بصور منظر او شغله out door

عرفتي وبالعكس ترى محد يطنز بس الاغلبيه توقف تبي اتعرف شالسالفه

 

[رورو 88]

احب التصوير بس ماكو اي تشجيع من الاهل =(

حبيبتي اذا حابه هالشغله احتكي بناس عندهم نفس الهوايه

والاهل دايما ما يفهمون لان تفكيرهم شوي يكون قديم

 

[رورو 88]

انا اموووووت على التصوير وودي اصور كل مكان بالكويت عشان الذكرى بس استحي اصور كل مكان

لانه اغلب اللي يصورون هنود واجانب لوووول

والشباب يقعدون يخزون ويتكلمون لما البنت تصور

لوووووول اي عشان جذي قعد اقول برا يبدعون بالصور والافكار اهني قليل

 

[بدورة القمورة]

الله انا اموت على التصوير وين ما اروح كامرتي معاي

 

[رورو 88]

الله انا اموت على التصوير وين ما اروح كامرتي معاي

اي زين اتسوين حق التجكجك لووووووول اشوه مو بس انا يعني

 

[تنـــاســـانــي]

احب التصوير بس ماكو اي تشجيع من الاهل =(

اذا انتي تحبينه انا امووووووووووووووووووووووووووووووووووووووت عليييييييييييييييييييييه


و نفس الحاله مولاقيه اي تشجيع بالعكس كله طنازهو يمصخروني


فاره كل فلكرات الكويتين و اللي خليجين و حتى الاجانب

بس حتى كاميرا ديجتال ما عندي لانه بنضر اهلي مو شي ضروري

ماكوو اي تشجيع ،، مالاقي منهم الا التحبييييييييييييييط ،،

 

[رورو 88]

تناساني مالج شغل باحد اذا بتقعدين تنطرينهم ما راح اتخلصين

دشي دوره عندج بيت لوذان وايد زين عند استاذ بهاء

 

[بدورة القمورة]

عاد عندي صور ودي انزلهم بس ماعرف مصورتهم من فوق الطياااااااااااره

 

[رورو 88]

وناسه احلى شي صور الغيم دزيهم من الكاميرا حق بلوتوث اللابتوب وبعدين حملي الصوره من موقع

 

[بدورة القمورة]

ادري حبيبتي نزلتهم في الجهاز بس ماعرف احطهم في الموقع سويت ملف بس ماطلعو الصور؟؟؟

 

[رورو 88]

ممممم مادري والله ما عندي فكره بدوره

 

[sereen]

والله شقوولج انا صرت من هواة التصوير لان جد فيه رموووز معينه فى لحظات معينه ماتبين الذكرى تروووح كامرتى صارت ملازمه لى بالجنطه حالها حال البوك , لكن الشاهد التصوير حق اليابانيييييين شوفى يعنى حتى الامريكان اللى عندهم انفتاح وتفهم على التصوير بس يظلوووون يطنزون على اليابنين اللى من صج كل زاويه بصووورها اليابانى فى الكويت يمكن يتضايقووووووون اكثر تدرين مجتمع متحفظ فيه عادات وتقاليد تحكمه , بعدنا ماوصلنا للانفتاح الفكرى لان فى ناس تخرب
يعنى ممكن يشكووون انج اتصورينهم , ممكن مع كاميراتج وعدتج يطنزون خاصه الشباب وااااااى شى يلووع الجبد روح شوفلك شغله عمله شعليك بالله بالعدة واللى تصور
والله اختى من جم شهر دزتلى صور حق مجمع بفحيحيل وماخذة لنفسها لقطات بالبحر سوالف ابيض واسود قتلها والله يطلع منج وكملى يعنى اشوى احنا بالعايله فى تشجيع للفنون ماعدا التمثيل والاذاعه بس الرسم والتصوير خاصه مع التقنيات المتطورة اتخلى اللى مايحب يصور يصوور غصبا عنهم منهم انا

شوفى شى طبيبعى اذا فيه فلاشات الناس يحووشها فضووول وخووف ووالادرينالين يرتفع , خل يسالون بالعكس مافيها شى وردوا عليههم عشان اتزيدون حب الناس بالتصوير ويصير له جماهيريه بالكويت

 

[رورو 88]

سيرين صاجه ردج عجبني وصج لي الحين ما في انفتاح فكري كبير

عندهم الصوره بس شكل حلو او منظر حلو وعلى طاري يشكون انهم يصورونهم

مااعتقد لان قالتلي ان يصورون اشخاص معينه وماكو احد وراهم

وزين اتسوون اتشجعون بعض ترى التصوير يونس و fun ومافي شي عيب بس بالكويت يخلونه صعب شوي عالبنت

 

[OM.HASHEM.5]

مشكور على الموضوع الى من زمان ادور عليه لانى ابى دورة معني اصور والكل يقول تصويرج حلو بس حق الاهل طبعا وعيالى وانا اصور اي شي يعجبنى جدامي بس ابي تقويه فى التصوير قريب مني مشكورة

 

[el3yooN-elswahi]

والله عادي


كا انا عندي كاميرا بروفيشنال حجمها اكبرمن وجهي لووووووووول ..

و اطلع اصور وانا بعباتي <-- حده الشكل مو لايق


وماهمني احد ..

وعندي صفحه بالفلكر و امووووووووت بشي اسمه تصوير .. بس ناقصني عدسة الزوم وفلاش خارجي واخرع الناس فيها هههههههههههههههههههههههههههههههههههههههههههههههه