موظفة بوزارة التربية أسلوبها وقح بشكل لا يوصف!

[Dua'a]

السلام عليكم بنات .. :eh_s(17):
فيه موظفة بوزارة التربية ، مبنى 1 ، دشيت عليها مرتين أسألها عن التعيين اليديد و ترد علي من غير ما تشوفني ! و ويها كله معصب ! و بالمرتين اللي دشيت فيهم أهانت ريال كويتي توه متعين و بالمرة الثانية مدرس وافد ، ما تتخيلون اشكثر قليلة أدب و وقحه !
ياريت لو أعرف شنو ممكن أسوي عشان توقف عن حدها ! لأنه واضح انه الكل خايف منها !
شنو قوانين الكويت بالنسبة للموظفين اللي هالنوعية؟
اصلا حرام اللي قاعده تسويه لأنه مكانها حساس ، المفروض ترحب بالتعيين اليديد بطريقة حلوة . و اهيه قاعدة تتعامل مع مدرسين و مدرسات لهم مكانتهم.
سامحوني على انفعالي ،، بس ضاق خلقي وايد على اللي شفته

 

[كل الحكايه انا]

الله يعينهاا ع نفسهاا هـ الموظفه وبعديننن من الاحترام تحترم الي معاها
مو تتعامل بسلوب غلط بس بعد ماتدرين امكن كانت مضغوطه من الشغل
وبان عليها بنفعالها الله يهديها ويحسن حالها هذا الي نقوله
وانتي حبووبه لاتنفعلين منها ولاتاخذين ابالج*.."

 

[Q8ytya]

يمكن بالها انج تشتغلين من حلال ابوها عادي للاسف انا بالكويت مافي دورات تهيئ كثير من الموظفين لاسلوب التعامل مع المراجعيين مثل ماحاصل بالقطاع الخاص وهذا الحاصل للاسف بالكثير من الوزارات الحكوميه وبصراحه لوقلت ادبها مايمنع انه ارد الصاع صاعين مثل مايقولون حتى تحترم نفسها وتعرف حجمها

 

[ندوش الشوش]

امبلا صاجه قليله ادب اهي كل يوم جذيه ماتستحي
اختي مخلصه اوراقها وتعيين جديد وجت مع اخوي تسلم لها الاوراق ولا تهب بوجه اخوي واختي انجنت واخوي مابغا يغلط عليها علي بالها بتعطي معاشات للمدرسين من جيبها مالت وقحه وامس اختي راحت مع امي وطردتهم وتعصب وهم اليوم نفس الحركه مايبون يردون عليها لانها المسئوله عن التوظيف وترا اختي ماتبي شي بس بتسلم اوراقها عشان يعينونها هالكورس بس استجنت والله الغلط مو عليها الغلط عللي موظفينها وموموقفينها عند حدها حتي رياجيل كبار وحريم كبار ماتحترمهم مو راده علي احد نجسه ووقحه

 

[كيكه توفي]

اي عادي قلت حق امي عنها تقولي بتشتغلين عند ابوها تكلمج جذي بس شسوي طاف اذا اهيه مو متربيه انتي بتربينها !

 

[كسرني الخوف]

طاف غصبن عن خشمها بتخلص الشغل
ونفسيتها الخايسه عليها محد بيرتفع ضغطه غيرها

 

[كـــــآترينـــآ]

weiiiii3 weiiiii3

قطيعه تقطع هالاشكال يبآ نفسيتج خآيسه على نفسج
شكو تهآوشين خلق آلله ،،
يبآ آذآ آهي مو قد الشغل خل تقدم آستقالتهآ وآيد ابرك
شبيصير لج يعني لو آبتسمتي بويه المرآجع وكلمتيه بآسلوب حلو
بينقص من عمرج شي مثلا !!

​

 

[Luve Rain]

وايد ناس جذيه مادري منو طقها على ايدها عشان تشتغل

 

[بنت الكويت 25]

العمل عبادة لو كل موظف اخلص النية في العمل وخشي الله في عملة ما كان هذا حال الموظفة للاسف الشديد كثير من هالنماين نشوفها في الوزرات والقطاع الحكومي ان كان عندج معاملة او شغلة تسالين عنها يردون عليك جنك تطرين منهم يبة قعدوا في بيوتكم لو انتو مو قد المسئولية

 

[أم نواف غير]

العمل عبادة لو كل موظف اخلص النية في العمل وخشي الله في عملة ما كان هذا حال الموظفة للاسف الشديد كثير من هالنماين نشوفها في الوزرات والقطاع الحكومي ان كان عندج معاملة او شغلة تسالين عنها يردون عليك جنك تطرين منهم يبة قعدوا في بيوتكم لو انتو مو قد المسئولية

اوالله صاجه:rerrerek:

 

[السحابيه]

نفس إللي صار لي وبنفس الوزاره بس ما اعرف نفس الموظفه ولا لا انا هم قطت شهاداتي بويهي وقالت لي الجامعه مو معترف في واقولها شالحل ؟ تقولي بنفسيه خايسه بعد راحت عليكم من هالجامعه .

ولا في اسلوب محترم ولا شي على الرغم الكل مشتغل من نفس خريجين هالجامعه ووايد منهم بالتربيه بس علشاني مو كويتيه وكانت تقدر تقولي الجامعه ما تنقبل بالجامعه والله يوفقج بمكان احسن وخلص الموضوع بس مادري شقول

 

[عنـــآق ..!]

-



ي شين هالنوعييييييه .. الله يهديهاااا ي رب ..

 

[رحيل المرافيء]

كتبي عنها بتويتر وشهري فيها واذا تعرفين اسمها لاتقصرين
واذا تصورين لها فيديو يكون احسن بعد

 

[Om_Ksha]

^
^
لا وين قاعدين .. الاسلام ماوصانا على جذي التشهير وغيره تقدر تنصحها بالسر

 

[أحلى البشر]

حسبي الله ونعم الوكيل فيها وبكل واحد يعامل المراجعين بهالطريقه لعبوا بنفسياتنا الله لايوفقهم
انا ماعرفها بس ذكرتيني بموظف بالديوان نفس طريقتها والله حاشتني عقده من شي اسم ديوان سبته
الله لايوفقه وين ماراح

 

[قمر قمرات]

رحيل المرافي

شدعوه تتحترين
اهي كله يوم واحد بتشوفينها
يبه طااااف أكبر طاف

اذا اهي نفسيتها موشي ما نتأثر فيها أكيد في مسئولين ومدير شخلينها خصومات

 

[q8q]

مشكله الموظفين مايدرون ان نفس مافي اهانة موظف في اهانة مراجع لوتشتكين عليها دفعوها مبلغ اهانة مراجع اعتقد 300 دينار

 

[عادت ذكرياتي]

شكثر يشتكون من هالنفسيات اعوذ بالله

أقلها تقول الله يوفقج ...إلخ


الله يهديهم بس

 

[فرس بيضا]

طاف غصبن عن خشمها بتخلص الشغل
ونفسيتها الخايسه عليها محد بيرتفع ضغطه غيرها

:rerrerek: :rerrerek: :rerrerek:

نفس اللي كنت بقوله بالضبط

 

[عسل مرت قيمر]

وين تقعد؟؟ لاني لما رحت اودي اوراقي ماشاءالله البنات كانو حببوبين ويجاوبون عن كل الاسأله بنفسيه حلوه