السلام عليكم اختي
اشكرك علي هذا الموضوع اللي فعلاا انا بحاجة له
بغيت استفسر عن اكثر من شغله في تقرير الراتب
اولا الدرجة الوظيفيه كل كم سنة اترقى من درجه لاعلى منها
مثلا من الثالثه للثانيه متي؟
ثانيا عدد العلاوات في تقريرالراتب شنو المقصود فيها
ومتي استحق هالعلاوات وهل هي بعدد السنوات او بالامتياز
ثالثا الزيادة السنويه ١٠ دنانير الي اين تضاف في تقرير الراتب
هل للراتب الاساسي او علاوة اجتماعيه
رابعا مالمقصود ب معلم أ ب ج د ومتخصص ا وب
وكيفيه الترقي من مستوي لاخر
لان اعرف معلمه خبرتها ١٠ سنوات ومازالت د ومعلمة اخري خبرتها فقط ٥ سنوات ومسماها معلم ج
هل معقوله زيادتها اكثر من المعلمه ذات الخبرة
خامسا واخيرا
انا مسماي معلم ج من ٢٠٠٩ متي اصير معلم ب وماهي الشروط
وشكرا
العلاواة تنزل سنويا لكل موظف و اللي يعطلها ان التقرير يكون ضعيف اسم الله علينا
و الدرجه تكون كل خمس سنوات يعني مثلا
توظفتي 2003 على الدرجه الرابعه و علاوه
2004 علاوتين
2005 3 علاوات
2006 4 علاوات
2007 5 علاوات
2008 الدرجه الثالثه و علاوه
و هذي تكون بحالة الدرجه بالاقدميه اما الدرجه بالاختيار تكون بيد مديره المدرسه
بالنسبه حق زياده العلاوه او الدرجه تقسم بين الراتب الاساسي و الاجتماعيه
و للعلم التامينات يخصمون منها يعني بصافي الكتاب ما تبين معاج ان انضافت 10 زياده ع المعاش
بالنسبه حق الكادر
كل معلمه اول تعيينها تكون معلم د سواء كانت تربيه اساسيه او جامعات اخرى
بس اللي شهادتها دبلوم تكون معام هـ و هالشهادات يكونون اكثرهم معلمات الموسيقى
من معلم د الى ج بالنسبه للي شهادتها تربيه اساسيه (جامعي تربوي ) الشروط
خبره سنتين ، اجازات لا تزيد عن 90 يوم متواصل ، ما يكون عندها عقوبه (قانونيه) و اهم شرط السنتين يكونون امتياز
اما بالنسبه للشهادات الاخرى الجامعيه (جامعي غير تربوي ) نفس الشروط بس الاختلاف
خبره 3 سنوات و اخر سنتين يكونون امتياز
من ج الى ب و من ب الى أ يتضمن كل الشهادات و الشروط نفسها بس الاختلاف
خبره 3 سنوات و اخر سنتين امتياز
من أ الى متخصص ب و من متخصص ب الى متخصص أ يتضمن كل الشهادات و الشروط نفسها بس الاختلاف
خبره 4 سنوات و اخر سنتين امتياز
اتمنى يكون جوابي وافي
