موظفة وبكمل دراستي .. أبي منكم تشجيع .. ،

[أبيات الكويت]

السلام عليكم


العنوان واضح .. أبي منكم تشجيع واللي عندها فكره أو بتبدي معاي

راح تشجعني أكثر وأكثر

أنا شهادتي متوسطه وخذيت بعدها دبلوم

وناويه إن شاء الله هالسنة أكمل دراستي

ثانويه ... ،

اليوم أبوي بودي شهادتي المنطقة التعليمية وبقولون لي متى أبلش

أبي منكم المساندة .. أبيكم تشدون علي عشان الشهادة

أنا الحين موظفة متزوجة وعندي ولد عمره 9 شهور إسم الله عليه

بس ان شاء الله ما يصير هالشي سبب تقاعسي عن الدراسة ​

 

[دلوعة*ريلي]

يالله الله يوفقج حبيبتي انا مثلج بس مااقدر اكمل لان عيالي صغار والله كريم
ودام عندج ياهل واحد كملي حبيبتي ولاتخربين عى نفسج مثلي


بس سؤال صغير ماعليج امر انتي وين تشتغلين انا شهادتي متوسطه وخذيت دبلوم وقدمت عالديوان بس لي الحين ناطره وبعرف انتي وين تشتغلين واشلون الشغل والمعاش <<<<<<<< دشيت عرض صح هههههههههه

 

[!الجادل الصعب!]

رد : موظفة وبكمل دراستي .. أبي منكم تشجيع .. ،

موفقه يآقلبي .. بتزهقين وتتعبين شوي وبتحسين انج مضغوطه مرآت بس كملي مآعليج .. كل شي يهون عند الشهآده .. وعلى قدر آهل العزم تآتي العزآئم .. وان شآلله انتي من آهل العزم ..!

 

[Tbosha]

رد : موظفة وبكمل دراستي .. أبي منكم تشجيع .. ،

شوفي حبيبتي
اول شي : فكري بهالجمله دايما و اهيا بتشجعج " ابي اشتري بيت ابي سياره ابي ولدي يدرس باحسن الاماكن و ابي ما ينقصه شي "
و تدرين الحين معاشات البكالريوس ما توكل عيش فما بالج بالمتوسطه و ديرتنا كل مالها تغلا
و عندج بس ولد واحد وشدي على نفسج الحين على الاقل على ما تخلصين الثانويه الا ولدج توه بدش الروضه يعني بعد ما بدت مسؤولية المدارس و لويتها
و حطيه بين عيونج والله الشهادة مو بس تنفعج بالمعاش تنفعج حتى بعدين لما تيين تدرسين ولدج

ويلا عاشت عاشت عاشت و شدي على نفسج شوي و سهالات ترا

 

[نـعـومـه]

رد : موظفة وبكمل دراستي .. أبي منكم تشجيع .. ،

شلون خذيتي دبلوم بدون ثانويه ؟؟!!!

انا بعد ودي اكمل انا عندي دبلوم ودي بس اتوظف اقعد جم سنه بالوظيفه وعقبها اخذ تفرغ دراسي ياااارييييييييييييييت

لو احصل جامعه جاهزه اكمل ماقول لا

انتي دام اوراقج جاهزه واللي عليج انج تكملين خلاص كملي والايام تركض وبتشوفين الشهاده بيدج

 

[.MiNi.]

ابـــيـــات الكويت

:

موفقه يـــــارب .. ماكو شي صعب بالحياه

لان الحياه تجــارب .. ولازم تمرين في بعض الصعوبـــات ..!

شدي حيلج .. ورتبي اموورج .. وباذن الله كل شي يتسهل ان شاء الله

ترى الشهاده مهمه .. وخصوصا انتي متزوجه وعندج التزامات ..!

صج شوي صعبه التوفيق مابين اثنين .. وانت بالنسبه لج ثلاثه .. دوام + بيت + دراسه

بس كل شي بالترتيب .. تتسهل الامور باذن الله

:

وانا معاج .. واشجعج .. واحب اللي يدرس ..!

للعلم ترى انا موظفه وادرس .. ومازلت ادرس .. طمووحي اعلى شهاده باذن الله

وموفقين كل البــنــات .. ولج انتي خصوصا

 

[emankuwaiti]

البدايات دايما صعبة بس مادام عندج الارادة و الاصرار لا تحاتين و الله وياج


و الله يوفقج

 

[emankuwaiti]

البدايات دايما صعبة بس مادام عندج الارادة و الاصرار لا تحاتين و الله وياج


و الله يوفقج

 

[نورا الحلوة]

رد : موظفة وبكمل دراستي .. أبي منكم تشجيع .. ،

موفقه يـــــارب

 

[أبيات الكويت]

دلوعة*ريلي

والله ياليت لو تكملين دراستج ونشجع بعض

أنا اللي خلاني أحط هالفكرة براسي وحده عمرها تعدا الـ 30

وعندها ماشالله كودة عيال .. وتكمل عشان تعدل من وضعها بدوامها ويزيد راتبها الأساسي

وهي الحين بالسنة الأخيرة لها وناوية تدخل جامعة أو تطبيقي .. على قولتها حبت الدراسة ما شالله عليها

أما بالنسبة وين أشتغل فأنا موظفة بمجلس الأمة ومعاشي الحمدلله حلو ومكفيني ويزيد منه آخر الشهر

ولكن الشهادة أهم .. لاني إذا خذيتها بزيد دبل وهذا اللي ودي فيه .. ينفعني حق المستقبل

لان ودي أدخل ولدي مدرسة خاصة ..​

 

[اميره بكلمتي]

موفقه يارب

 

[دلوعة*ريلي]

والله ودي يااختي ابيات بس من بعد اذنج بغيت اسال البنات يصير اكمل تاسع منازل ؟؟؟؟؟؟

 

[$حبيبة عبودي$]

رد : موظفة وبكمل دراستي .. أبي منكم تشجيع .. ،

دلوعة سجلت دخول عشانج كنت بس داشه اشوف موضوع بس من قريت ردج قلت بقولها
اي يصير تكملينها منازل سجلت صارلي شهر روحي باجر قبل لايسكر التسجيل لحقي
وانصحج تسجلين معهد ديني اسهل من الثانويه ..