موظفه؟؟ وو ماعندج خداامه؟؟ بسس عندج بيبي؟؟ تكفيــــــــن دشي !!

[نطوووعه]

انا يا طويلات العمر هذي مواصفاتي (


و كلمه متوهقه شويه علي (


امي الله يحفظها و يطول بعمرها و يعطيها الصحه و العافيه شااايله عني وااايد و مساعدتني .. كافي توجيهاتها حبيبتي


و الحين بتسافر الله يوصلها ويردها بسلامه يااارب


فحدي بطق طوووووووووووففففف!!


ماني عارفه شلون اوازن بين هالامور كلها !!


شغلي


و البيت


و كراف اغراض البيبي و اكله و شربه ودنيته !!


ولدي قام ياكل و لي يومكن ماعطيته غير الفارليز و السريلاك بعد عمري

مااااااعندي وقت اسويله اكل بروووح

تالي اغسله ممياته و مواعينه و شغله

واحممه و اغيرله و ابدله


وااااااااي رااااسي بينفجر



ابي جدول تكفوووووووووووون شلون انظم وقاي


خاصه اني كله احس بتعب و بسرعه فياريت يتضمن قيلووووله <<-- هههه والله لي خلق بعد


بليز بنات اللي عندها خبره تفيدني بأسسسسسسسسسسرع وقت:eh_s(1):

 

[جروح تبتسم]

ماعندج خدامه ؟؟؟؟ الله يعينج ... وين بتودين ولدج ؟؟
ليش ماتدخلينه حضانه الصبح ... ولمن تطلعين من الدوام تاخذينه
وبالنسبه للطبخ خلي زوجج يجيب من بره اتفقوا على هالشي لمن تجي الخدامه ونسقي امور البيت بينج وبينه ولازم تتعاونون
وبالنسبه لاكلولدج حاولي تجيبين فواكه وبالقفشه توكلينه حاليا
موزه .. تفاحه تحكينها بالقفشه وتوكلينه ... والله يعينج

 

[النوري]

قعدي على الأكلات الخفيفه اللي ما تعب .. يعني مثلا . روب وعيش ملبوج ..

ومعكرونه .. و سوال فالبسيطه .. وشوي مطاعم وشوي بيت أهلج يطرونلج .. غريفه

ويوم أهل زوجج يطرشونلج غريفه .. يعني ... عاد هذا يعتمد على طيب أهل رجلج ..

وبالنسبه للبيبي .. ام أدري ما جربت .. أنا متزوجه بس ماعندي بيبي .

وأمور البيت ركزي عاالمهم . يعني . ترتيب دار النوم . والصاله .. أهم شيء ..
أما الممرات.. والأمو ر اللي ما عليها دوس لا تقعدين تضيعين وقتج ..

وغسيل الهدوم يوم غسيل يوم أوتي.. يوم غسيل يوم أوتي ..
أوكي ..

عشان لا يتراكم الشغل عليج ...
والبيبي لازم حضانه أتوقع ؟؟

أمبي وين تودين هالصبح ؟؟ والله يعينج ..

 

[ghalaty]

حبيبتي عادي لا تنزعجين اهم شي انج تهدين اعصابج وتنظمين وقتج وكثر الاستغفار والحمد يسهل الامور البيبي حضانه أكله فواكه عيش وروب وهالسوالف الخفيفه والشغل سوي جدول يعني مو كل التنظيف بيوم واحد بس أهم شي لا تراكمين الشغل يوم تنظيف عميق والباقي الايام بس تنظيف عادياذا ما تحبون المطاعم طبخي بالليل وسخني لمن تردين من الدوام عاديي كلكم نفرين يعني الطبخ ما راح يكون مشكله والمواعين بلاستك بس يبقا غسلهم نقعيهم وغسليهم علشان العمليه تكون سهله عليج والله يعطيج العافيه

 

[قمه النعومه و الأنوثه]

اهم شي دايم قولي الحمد لله ......وحاسه فيج قبل اسبوعين كانت هاذي حالتي وكنت اردى من جذيه ليش ولدي يمشي ويتحرك وانا امعودته اطبلخه اكله بروحه وكنه كلنا امرضه انا و ولدي وزوجي ومرض جايد كنت اجابل ولدي واشتغل وابجي......

اول شي ترى الخدامه ضروريه وانتي تبين خدامه ولا لأ؟ خدامتي اثيوبيه وزينه الحمد لله لين الحين بس ما ايبينون الا مع العشره اذا تبين اقولها اتشوفلج خدامه من اثيوبيا انا حاظر.....و دخلي ولدج حضانه خاصي دوامج ومري اخذيه لما ايرد اينام الظهر انتي نامي معاه..

1- عندج اماعين ابالاستك .

2- اشتري مميات وبجايم ازياده عشان ما ترهقين نفسج بالتغسل وضراب الأوتي واندر ويرات البيبي...اغلي ممياته كلهم وغطيهم وزهبيهم ومتى ما قدرتي صار عندج وقت نظفي اللي استخدمهم وجهزيهم.

3- اشتري حق ولدج كسترد وكريم كراميل حق العصاري...وعطيه فاكهه وعصريله برتقاله عطياها عصير كل يوم مره وحده.

4- وجبات رئيسيه سويله عيش مشخول مع مرق خضار سريع ويشبع ...قصصيله خضره (بطاط جزر بروكلي كوسا ) وحطي عليها كريمه حمره وجبن وبالفرن.

5- تعاملي مع مصبغه اذا الهدوم وايد اخف عليج......

6- اكل حقكم اعتمدو على اكل مطاعم او بييت اهلج واذا تحبون عيش طلبي من هالمطعم اكله طيب وايوصل..اسم المطعم ملتوت واحلى اكله وجبه ملتوت عيش بس وااو ت : 2610069​

:eh_s(22): والله يكون في عونج ان شاء الله:eh_s(22):​

 

[نطوووعه]

حبيباتي والله انتو

الله يجزاكم الف خيركل وحده مرت علي عسى الله يوفقهامن عنده و يوسع عليها يااااااارب

افكاركم تينن و خليتو يصير عندي امل بالحياة لوووول


مشكورين مرة 2 مااااقصرتوووووووو :*****

 

[ghalaty]

نسيت اقولج فيه بمذركير معقمه للمميات تقريبا حق 6 و8 مميات وخلال خمس دقايق تخلصهم لج بدون لويه وعفسه جربيها وادعيلي

 

[نطوووعه]

هلا غلاتي

ايه انا عندي معقمه من مذركير ماركة افين مكتوب عليها 24
لوماا اهيا بعد جاان علووووووووووووووم

تخيلي افووح المميات بجدرمثل امهاتنا قبل وااااي



مشكوره حبيبتي عالنصييييييييييييحه

 

[ام السلمي]

قولي حق خالتج ام ريلج تمسك ولدج و اتسوي اكل حق ولدج وتطبخ لكم وريلج وهوا راجع من الدوام امر ياخذ منها البيبي والأكل!

اتروالي ماراح اتقول لأ

او شوفي خالتج اخت امج اتفقي معاها اتسويلكم الأكل واكل الياهل مايبيلة شي

والبيبي تقدرين ادخلينة حضانة الحضانات تاخذ من عمر 6 اشهر

 

[fjnt]

اللة يكون بعونج..... أنا نفس حالتج بدون خدامة وعندي بنت وحامل وماباقي شي وأولد.....وماني عارفة شسوي حظي مع الخدم مو أوكي كل ما أييب وحدة تطلع موزينة وحاليا قاعده أنطر الخدامة اليديدة توصل لأني ماقدر أولد بدون ماتكون عندي خدامة ..... وإنتي ماراح ترتاحين إلا لما تييبين خدامة والبيبي وديه الحضانة لما يكمل سنة ونص أحسن وأريح لج بال

 

[أم بدير]

والله عورتي قلبي
أكثر وحده عانت من هالحاله انا
لا وكنت أدرس يعني حدي ما اقدر اسوي شي
دششت بنتي حضانه وارتحت الصبح والظهر اقطها على اختي واروح اكمل محاضراتي لي المغرب وارد اخذها من اختي وارد البيت
شفتي شلون التعب؟
الغدا قلتله تحمل لين نقدر نوقف على ريلنا وتغدى ببيت اهلك وانا غداي بالدوام اذا اللي عندي لي المغرب محاظرات


فكرتي بإجازه؟
أول شي تفكرين فيه بهالوقت الإجازه
وان ماقدرتي تاخذين إجازه شوفي الحلول الثانيه
لازم تقسمين الأمور من الأهم لي المهم
يعني اول مشكله بتواجهج اهي وين بتودين البيبي الصبح حزة الدوام؟
مالج الا حظانه اذا كان ماعندج حل ثاني (اختج_خالتج_أو حماتج)
اذا قدرتي تحلين هالمشكله الباجي كله يهون
بالنسبه للأكل تقدرين يا انج تجهزينه من بالليل وتحطينه بالفريزر
يعني المحاشي سهاله تتثلج واللازانيا تتثلج وتقدرين تفوحين اليدام حق ثاني يوم بس تحطين العيش يعني شغلات تسهل لأن الأكل من المكاعم بيكلف وايد​