موعارفه اتصرررف مع زوجي ابي حل سريع

[A7La Shaii]

السلام عليكم
بدش بالمشكله على طول

زوجي الحمدالله وايد زين معاي ويحبني
وانا مو مقصره معاه بشي بكل النواحي وحيل مهتمه بنفسي وبتجديد وبكل شي

تخيلوا من زماااان فتحت كمبيوتره ولا القا فيديو وصور وصخه وواجهته وحلف وتكفر ان مو ملوته وان احد مستعمل جهازه بالدوانيه وصدقته وسكت

عقب دايم افتش وراه وماااكو شي

بس مساع فتحت اليوتيوب الي بالايباد ماله ولا القاه داش على 3 فيديوات واحد رقص مغربي وكله مركز على الخلفيه و الثاني عنوانه يوحي بالهز والخلفيه والثالث ميريام فارس بلبس فاضح يثير الانتقاد وجذي


مت مت مت من الحره والمشكله اني احلا من هلزباله الي شافهم
جان ادزله مسج "لمن تشوف زبالتك باليوتيوب لاتعطيني ياه " وعقب دق رديت بالغلط وسكرته منه ولا كلمته بس قلت له باي واهوا يتكلم وانا اقول باي باي باي باي وسكرته
بنات ماني عارفه اتصرف احس اني مقموته وحيل طاح من عيني وندمت حيل ان كل الي اسويه مايبين بعينه


شلون اتصرررف :eh_s(16):

 

[خالف تعرف]

تبينه يعتذر ويشتري خاطرج استغفري بنيه ان يتحسف على الي سواه
ودوري ادعيه تصلح زوجك
واستمري على هالشي
وتره كل الرياييل جذي

 

[قسوة الزمن]

دام هو طيب وزين معاج لا تواجهينه طنشي انتي تكشخي وتعطري وخلاص ما عليج

 

[PuPa^^SWeeT]

ادعييله بالهدااية ياقلبي

 

[طبعي حلو]

اكثري من الاستغفار

ولا تواجهينه باللي شفتيه عشان ما ينجرح بس لمحي له بالتلميح ان الله سبحانه يغضب ع اللي يشوف جذي وسولفي له ان حرام

خليه هو يقتنع من نفسه ويراقب نفسه ع تصرفاته ويخاف ربه قبل لا يخاف منج

عسى ربي يوفقج

 

[زوجة عزيز]

الله يهديه ويسخره لج

 

[ام شمس وقمر]

ما ادري شنو اقولج كنج سالفت اختي بالضبط بس اهي ما سدت التلفون قالتله ترى الله ما راح يوفققك ولا يبارك برزقك ولا بعيالك واذا ودك تشوف الرقص هذا بالحلال انا حاضره وتحت امرك بس تحلفلي انك بعد ما تشوف لمقاطع البايخه


عاد شدي حيلج وتدربي على الرقص
ترى حيل سهل ما يبيله

 

[أكذب عليك]

مادري بس احس لاواجهتيه بهالشي مره ثانيه
خلاص ماراح ينحرج مثل اول حرا بيصير عااادي
انا اقول تعوذي من بليس وادعيله بس لاتواجهينه
ولا دق حاجيه عادي وحتي لارد البيت عادي اكيد بيفتح الموضوع
قولي شفت شغلات باليوتيوب عبالي لك ونسبت انه احد من ربعك متعبث فيه
لاتواجهينه مباشره

والله يهديكم

 

[سكوتي بذوقي]

الله يهديه ويسخره لك يارب

 

[A7La Shaii]

اهممم شي انه اهوا الي جرحني وماتبوني اجرحه

انا قلت له اني ما راح اكلمك كلش

جرحني حيل والله كرهني بنفسي

 

[A7La Shaii]

واهوا اذا بررت له فعلته و طووفت له عباله السالفه عاديه واني غبيه

 

[q8dvd2000]

راييي الشخصي وبصراحه انج مكبره السالفه
ماكو شاب مايطالع هالاشياء
لاتحاولين تحكرينه ترى هالاشياء الواحد يقدر يشوفها بضغطة زررر بالتلفون
لاتحسسينه جنه ياهل والا مراهق وامه طاحت عليه

 

[دلوعة صلوح]

الله يهدى ويفكة من هالعادة هذى.

 

[الله كرريم]

قوليله كلام خليه ينقد على نفسه وعلى الشغلات اللي يشوفها

*

 

[ملواكي]

كبري مخج ولا تزهقين الريال
نصيحه من اختج الكبيره

 

[! بــدويه وآآيــد !]

،

شوفي حبيبتي الرجال مخلوق بصري يموتون بهالسوالف

انا زوجي دشيت لاب توبه وشفته داش على رقص ميريام فارس ! واليسا وهالسواالف حسبي الله على هالميريام الي ترزز الي ورااا وهمها تغري الرياجيل مالت عليهم وعليهااا

المهم انقهرررت وبجيت قلت اذا واجهت بيكون حريص ويمسح اول باول شنو استفدت ؟

صرت ادز برودكاست عقاب من يشاهد الافلام الخلاعيه والصور الاباحيه وحطيت بين قوسين( ومن بينهما الفنانات الكاسيات العاريات ) وكان عقوبته يعلق بحبل من عيونه وحياته تصير موزينه ومايشتهي زوجته ...إلخ البروكاسات طويل

وصرت ادز فلاش كانون الي هو مات بغرفته لما كان يتابع اشياء وصخه وصوت الشيخ يبجي

وبعدين حولت على الفنانات ههه دزيت صورة اليسا بدوة فوتو ودزيت صورتها وهي مشوربه ولحيتها طالعه
وصارت لما تطلع يقول ووع فريه عن ام شنب قلبت جبدي هههههههه

وميريام دزيت صورها قبل التجميل وبدون ميك اب وبدز برودكاست بهلا فبراير اباطها مخوضر بخلي وحده شاطره بالفوتو تزيده شعر عشان تلوع جبده وابي صوره فتحة خشمها واضحه واسوي فوتو ان خشمها وصخ ومو منظفته ترى الرجال يكرهون جذي اهم شي عندهم النظااافه


الحين لما ادش لاب توب زوجي الحمدالله ماشفته دش على هالمصخره كلش كلش كلش الله يثبته ياااارب لان دشيت له من اكثر من باااااب وصرت اتابع لاب توبه دايما الحمدالله حده اغاني ومزاد وسيارات

دام واجهتيه للمره الثانيه ازعلي زعله قويه شوي بعدين قوليله احلف لي تتوب وجذي ولاتردين تواجهينه مهما صااار دشي له من اكثر من باب الدين والعقاب والاخره ووصاخة الفنانات ولوعي جبده وغيره وغيره وغيره


الله يهديهم

 

[>الحنان كله<]

الله يعينج حبيبتي ويهدي لج

 

[شادن33]

وييه لاتكبرين السالفه ياعمري ولاتراقبين الهستوري ومادام اهو يشوف كله رقص تعلمي وارقصيله اذا جسمج اساعد وابعدى عن الهم وعيدكم مبااارك

 

[سفيره الكويت]

للي سواه غلط بس اخطر حركه انه يدق بيكلمج وتسدينه بويهه انتي ماترضينها على نفسج شلون ترضينها له عموما الدين نصيحه

قعدي معاه وفهميه اللي يسويه غلط