موعد ولادتي بنفس موعد بداية دراستي بلندن..ياارب شسوي

[نورة2010]

السلام عليكم حبوبات
شلونكم؟
ودي استشيركم بموضوع وياليت ماتبخلون علي بارائكم
انا حامل وموعد ولادتي ان شاء الله بيكون في شهر سبتمبر وبنفس الشهر بداية بعثتي و دراستي للماستر بلندن لاني اشتغل معيدة بالكلية ولازم ابتعث وادرس برا
وانا توني بجرية وهذا اول حمال لي وراح نسافر انا وزوجي بس الموضوع ومافيه اني خايفة اتبهذل هناك بالغربة منو بيهتم فيني بالنفاس لا ام ولا اخت وزوجي مسكين مايعرف يطبخ ولاشي والبيبي شايله همه اخاف احطه عند حاضنه وماتكون قد الامانه بتقولون ليش حملتي وانتي عارفه انه وراتج دراسة والله الحمل جاء من غير تخطيط انا حملت على طول من اول ليلة بعرسي وش اسوي مقرودة:eh_s(16): والا كنت ناوية اكل حبوب لين الله يحلها
ودي اجل الدراسة لعام 2013 وودي ادرس وافتك والله محتااااااارة تكفون شورو علي الله يوفقكم:yaaaaaarb:

 

[الجوهرا]

اولدي هناك واخذي امج معاج او ام زوجج عشان على الاقل تخلين البيبي عندها وترى الاكل امره سهل مالج الا هالحل
والله يسهل عليج يارب

 

[رانس]

حبيبتي كل شي سهالات الحين خلي امج اجهز لج كل شي تحتاجينه من حسو واعشاب وتمر وحلبه وكل شي وتعلبهم لج وتكتب عليهم شنو اسمه وكم تاخذين باليوم منه واذا على الاكل خلي زوجج يجيب لج مطاعم او اسبوع وبعدين انتي ابدي سوي لنفسج ترى التعب راح يكون اول اسبوع بس بعدين عادي تقدرين تسوين لج اكل واذا على البيبي ماعندي فكره وين تودينه ان شاء الله البنات يفيدونج وان شاء الله اكون افدتج والله يسهل عليج ولادتج وعلى البنات كلهم ان شاء الله

 

[منورة الكويتية]

لانخافين بالعكس الحضانات عندهم اكيد بتكون علي مستوا ولان معظمها تكون مراقبه بكميرات ف حيل يخافون ويهتمون بالياهل
وانتي قبل ولادتج بشهر فرزني اكل وكل يوم بيومه طلعي وسويلج وهم علمي ريلج مافيهاشي وكلها اسبوعين تقزر وترتفعين
،اكيد بيراعون اول اسبوعين يعطونج اجازه لاتحاتين توكلي علي الله
وكلش كلش اذا خايفه اخذي امج مع ع الاقل شهر مو من بعد لندن
والله يهون عليج وتولدين بالسلامه

 

[رآآحٺ آيآمڪْـ]

يآهه آنج آتآجلين َ درآستج آهمم شي رآحتج يً قلبي
ولآ تآخذين آمج َ , بسس آجليهآ وآهتمي بَ آلبيبي آبركلجَ

 

[love love]

ماتقدرين تاجلين لي كورس الثاني؟