موقفكم من الاهمال الحاصل ؟؟؟؟

[PuPa^^SWeeT]

السلام عليكم



شلوونكم يا رفيقات الدرب



طبعا منو اللي ماوصلها برود كاست


عن انتشار افة الجرذان النرويجية




و منو ماسمعت من وحدة اتقول طلعلنا بالحمام


تكرموون


ومنو ماقراا مقالة سامية الطبيخ




اللي اتهدد واتقووول اذا ماتصرفنا


فراح نعيش بجو وبااائي طاعوني جديييد لمدة سنتين من الان




؟؟؟؟؟



سؤالي بناااات



هل فعلا هالشي صحيييح حاصل




؟؟؟؟


اذا كان صحيييح


ليش مانلاقي تحرك من قبل المسؤولين



؟؟؟؟


من وييين يااانا و شلوون



و ليش يااانا



و منو اللي يابه لنا ؟؟؟؟

 

[Fyonkita]

خرابيط مالقوا شئ يكتبونه بالجرايدولا شجاب هالفيران لنا الحين مخليه النرويج وجايه اهني

 

[خالتي قموش]

ان شاء الله تكون مجرد اشاعه
بس اذا صج لا سمح الله
اكيد في حلوول
تطعيم مثلا
او طرق ثانيه

 

[غصون ق]

لا
لا صح كلامه
انه قريتها
مشكوره
والله يستر

 

[هدوء العالم]

حبيبتي لا تصدقين دائما هالمسؤلين يطلعون هالخرابيط
علشان ينهبون فلوس الكويت
شلون شوفي أول شئ قالته بجريدة الوطن الوحيدة الناشرة للخبر
من اليوم حتى سنتين، أي في أواخر عام 2014، سينتشر في الكويت وباء تعجز الدولة عن مواجهته، إذا لم تضع خطة عاجلة، وتنظم حملة كبيرة متكاملة لمكافحة «الجرذان النرويجية»
والمصدر
النرويجي يغزو الكويت
من قريت هالخبر وأنا أقول الحمدالله والشكر سرقة أشكرة
ولا أشوف أحد ألتفت للخبر

 

[Tom ♥ Jerry]

,

اي صج انا سمعت بعد
يمممه الفئرآن آتيه احمو الناس من الطآعون

 

[خالتي قموش]

هههههههههههههههههههههههههههههههه توم كنت بقولها بس ياني اتصال لهاني

 

[Combat]

لا يابنات مو جذب قريت بنت تشتكي من الجرذان
اتقول اتشوفهم يطلعون من المجاري الرئيسيه ابمنطقتهم
ووصلوا بيتهم يطلعون بدورات المياة عزكم الله
اعوذبلله

 

[دلوعة أبوهآ]

بسم آلله علينآ

أول اسمع بهالشي ..!!!

 

[ޢޢޢإيمانޢޢޢะۣۨ>]

المفروض تتحرك الجهات المختصة بمكافحة القوارض وتسوي حملة سريعه
و احنا مالنا غير الدعاء
عسى الله يصرف عنا الوباء والأمراض والطاعون ويحفظنا من كل شر ​

 

[JANAA]

حتى لو الخبر مو صحيح لازم الدوله تاخذ الاحتياطات من هذا الوباء لازم المسؤلين يتحركون مو بس قاعدين على الكراسي وينطرون لما الفاس اطيح بالراس يبدأو يفكروا انهم يتحركوا وهذا هو حال البلاد العربيه لكن لو ببلد اجنبي اتلاقيهم من الحين بلشوا بحملة وتطيعم وشراء الادويه تحسبا لأي طاريء الله يعينا يارب

 

[PuPa^^SWeeT]

اول شي ادري اني للحين مستغربة الخبر



بس هذا مو جذبة عادية اتجذب لهدف البوق و السرقة



لاا شكلها السالفة صجج


لانه 3 عضوات اهني قالووو انهم شافووهم



و طلعولهم من البالوعة الرئيسية و التواليت

 

[نبض شرياني]

السر والسؤال

اشلون انتشروو بالكويت

هذا يدل ان في احد مدخلهم الكويت

ولا شيابهم من النرويج لنا>>>يعني زياره مثلا ؟؟؟

في (أن)بالسالفه

ولا يبون يلهونا في هالفيران؟؟؟عن شي صاير او يبي يصير

الله يستر ويحفظنا ويحفظ ديرتنا من كل شر

 

[خالتي قموش]

زوجي يقول نوعهم نرويجي مو جايين من النرويج

 

[صدع القلب]

والله توه اليوم الموضوع على بالي .. أفكر صج ولا جذب و قريت كل المقالات ... اللي فهمته من كلام المسئولة مالت المكافحة ان هالفيران وصلوا مع السفن بالموانيء اللي تنقل البضايع من الخارج .. الدول الاسيوية والدول الاوروبية اللي تصدر المنتجات الزراعية " اهم يابوا هالآفة" وان لي الحين الوضع تحت السيطرة .. وان الانتشار في حدود الطبيعي

يقولون جيكوا على مخازن بيوتكم والسراديب إللي فيها التموين ونظفوها أول بأول .. إحنا بيتنا الحمدالله مافيه فيران ... بس ييرانا عندهم حديقه فيها "دياي وبط وحمام وهالسوالف" و أخاف ايينا منهم :eh_s(2): أنا عندي قطو ومابي ياكلونه :eh_s(16):

الحين اللي يطلع له شيسوي ... يتصل عالمكافحة ولا شنو ؟ ... وليش ما تلفزيون الكويت القناة الأولى سوو بيان ... قالوا لنا فيه شنو نسوي ؟ ... وبدوا حملة تطعيم ... ووزعوا أرقام هيئات المكافحة ... ولا حتى بدوا حملة مكافحة خاصة بالمناطق الموبوءة على قولتهم ... ولا ناطرين الفاس لما تطيح بالراس ... اليوم راحوا الوفود وخلصت قمة اسيا ... يمكن يطلعون بيان ... واذا ما طلعوا بنصير جدام صمت حكومي مريب ... بيخليني أشك بصحة الموضوع بكبره ..

حتى البنات اللي قالوا طلع لهم ... ما راح أصدق إلا لما يصورونه ببيوتهم واشوفه ... يما:eh_s(11):


والله يستر علينا ويحفظنا يا رب :eh_s(8):

 

[ano0by]

لا يا بنات في بل العارضية والجليب وهذي المناطق اكو وايدوحدة من رفيجاتي بل المدرسة تقول ان قاعد تمشيا اهيا مع قطوتها جان تشوفه تقول كبر قطوتها و تسحب قطوتها وتنحاش لي بيتهم وهم رفيجتي كانت رادة من بيت خواله جان تشوفة طالع من زبالة وع تقول شكبرة يخرع ترا من زمان في من شهر ٩ بس توهم يتكلمون

بقولكم السالفتي كنت توني قارية موضوع عن الجرذ النروجي شفت شئ كبير قاعد يتحرك علا بالي ان فااار واااي آخر شي طلع كرة

ترا يحب يأكل اليهال خصوصا اذانيهم و ريولهم وذا لقيتاي واحد اب مكان يعني في اكثر من ٥٠ واحد

ولد عمي بل المزرعة دايم يشوفهم يقول مايموتون إلا اب طلقة وأهو يذبحهم اب طلقات

 

[أغداً القاك]

اتوقع حقيقة مو إشاعة والقصد يشغلون فيه الناس عن مواضيع أكبر وأهم

وعلى قولة اشرف عبد الباقي في فيلم حب البنات (( وربنا يستر))

 

[PuPa^^SWeeT]

الله يعيييين والله



التكتم الاعلامي عن هالموضوع


اهو اللي مخرعني


ليش ساكتين


لو صج



و اعتقد صج ولا شلون يطري عليج جرذ نرويجي واتقولين بس بالمناطق الصناعية


فيها ان السالفة

 

[نسيم الغامدي]

طيب ياحلوات إذا المسؤولين ما تحركوا
ع الأقل تحركوا أنتوا طيب خذوا السم حق الفئران أقوى نوووووع
وحطوا بكل مكان بعيد عن الأطفال يعني حطوا في الحمامات غرف التفتيش
حق الحمامات حق البيت بكبره
والله معاااااكم

 

[VET-Nour]

يمكن قصدهم بو العريس مادري العريص /: ؟؟

انا ربيت من قبل هامستر < فار :/ صراحه احسهم كيوت

بس اذا شفتهم بالصج راح ارفع ملابسي و احطم الرقم القياسي بالركض
و يمكن من الخرعه اقعد عالارض واغنيله : قولو باسم الله ع فار طب ويازين دله ابو العيون السود وشعرن يفله جنه سواد الليل خذا الجكر كله من بد خلق الله
<< قمت اشك انه الاغنية مكتوبه حقه /:
ويمكن اصيده و احطه بجيس وبعدين اصرخ ههههه


النثيه تولد 24 فار بالسنه ويعيشون سنتين
بس ترئ ع انهم ضاارين فيهم فايده وحده انه العلماء يسوون فيهم تجارب ,