اخوتي واحبة قلبي ..........
اليوم كنت بالسوق وكنت بمحل اكسسوارات وجناط اختار لبنتي للعيد
وانا اكلم الفلبينيه ادعمتني بنت ماتقصد فشفتها في البدايه اخترعت
ولما شفتها مره ضحكت معاها وقلتلها عادي بس انا خفت اكون دعمني رجل
وضحكت معاها ودخلت المحل هي واختها <<< على فكره كانوا متحجبات وكاشفين الوجه وانا منقبه كامل
بعد فتره بسيطه جتني وهي تبتسم وتقول ماشاء الله عليك منقبه وتسولفين معانا ومع الفلبينيه وتضحكين
احنا ماخذين صورة سلبيه عن المنقبات .... ابتسمت لها وقلت ليش بالعكس المنقبات
والملتزمات يضحكون ويسولفون وكل شي يسوون لكن بحدود الحلال
قالت انا كنت ماخذه انطباع سلبي عن الملتزمات فاستغربتك وسولفنا وراحت وكملت تسوقي
لكن بقت في بالي وتركت بقلبي سؤال ليش الناس ماخذه انطباع عن الملتزمين
انهم مايضحكون ولا يستانسون وانهم جديين بكل شي مع ان اللي عايش مع الملتزمين
يعرف انهم اكثر ناس انبساط وضحك وراحه
حتى الصحابه كانوا يضحكون ويسمرون بل وخير الامه محمد - صلى الله عليه وسلم -
فان شاف الانسان نموذج سيء من الملتزمين ترى لكل قاعده شواذ ليش يعممونها على كل الملتزمين
صج خلتني افكر مع انها مو اول وحده تقول لي هالامر
في ناس تنسى ان الملتزمه بشر تكشخ وتلبس وتفرح بل اكثر من الغير ملتزمه لانها ماعندها شي يعكر سعادتها
دامها سعيده وعايشه حياتها من غير لا تعصي الله
!
